Balakrishna: ‘అఖండ 2: తాండవం’ చిత్ర ప్రీ రిలీజ్ వేడుకలో నందమూరి బాలకృష్ణ చేసిన వ్యాఖ్యలు కొన్ని వివాదానికి దారి తీసేలా ఉండటం విశేషం. ముఖ్యంగా ఆయన భార్య తనని ఎప్పుడూ అలా అంటుందని ఆయన తెలిపిన మాటలు సోషల్ మీడియాలో వైరల్ అవుతున్నాయి. ఇది ఎవరినో టార్గెట్ చేసే బాలయ్య అలా చెప్పి ఉంటాడని అంతా అనుకుంటూ ఉండటం విశేషం. గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), బ్లాక్ బస్టర్ దర్శకుడు బోయపాటి శ్రీను (Boyapati Srinu) కాంబినేషన్‌లో రూపుదిద్దుకున్న ‘అఖండ 2: తాండవం’ (Akhanda 2: Thaandavam) చిత్రం విడుదలకు సిద్ధమైంది. పాన్ ఇండియా వైడ్‌గా విడుదల కాబోతున్న ఈ సినిమా ప్రమోషన్స్‌ను మేకర్స్ భారీగా నిర్వహిస్తున్నారు. రామ్ ఆచంట, గోపీచంద్ 14 రీల్స్ ప్లస్ (14 Reels Plus) బ్యానర్‌పై ఎంతో ప్రతిష్టాత్మకంగా నిర్మిస్తున్న ఈ చిత్రానికి ఎం తేజస్విని నందమూరి సమర్పకురాలిగా వ్యవహరిస్తున్నారు. మ్యూజిక్ సెన్సేషన్ ఎస్ థమన్ సంగీతం అందిస్తున్నారు. డిసెంబర్ 5న విడుదలకు సిద్ధమైన ఈ చిత్ర ప్రీ రిలీజ్ వేడుకను శనివారం హైదరాబాద్‌లో గ్రాండ్‌గా నిర్వహించారు.

Also Read- Love Days: ‘గీతాంజలి’, ‘తొలి ప్రేమ’, ‘అందాల రాక్షసి’ తరహాలో.. ఈసారి ప్రేమ కథతో వస్తోన్న ‘రాచరికం’ దర్శకుడు

నన్నే అంటి పెట్టుకున్నారు

ఈ కార్యక్రమంలో నటసింహం బాలకృష్ణ మాట్లాడుతూ.. ‘‘నేను పాదరసం లాంటివాడిని ఎందులోకి వెళ్తే.. అలాంటి ఆకారం సంతరించుకుంటాను. నటుడిగా, క్యాన్సర్ హాస్పిటల్ చైర్మన్ గా, హిందూపురం ఎమ్మెల్యేగా ఎన్ని రకాలుగా పనిచేయగలుగుతున్నాం అంటే అదంతా భగవంతుడు, మా తల్లిదండ్రులు ఇచ్చే ఆశీస్సులే కారణం. నేను ఒకదానితో అతుక్కొని ఉండలేను. అందుకే నా భార్య అంటూ ఉంటుంది. నన్ను మాత్రం మోసం చేయలేదు.. నన్నే అంటిపెట్టుకొని ఉన్నారని. నా బాట సూటిగా ఉంటుంది, నా మాట ముక్కుసూటిగా ఉంటుంది. ఈ సినిమా విజయోత్సవ సభను అన్ని ప్రాంతాల్లో జరుపుకుంటాం. మీరందరూ వచ్చి ఈ కార్యక్రమాన్ని విజయవంతం చేసినందుకు ధన్యవాదాలు తెలియజేస్తున్నాను’’ అని చెప్పుకొచ్చారు.

Also Read- Akhanda 2 Thaandavam: శివుడు కాదు.. ఈసారి హనుమంతుడు! ‘అఖండ 2: తాండవం’ మాసివ్ టీజర్

హరికృష్ణనా, పవన్ కళ్యాణ్‌నా?

ఇప్పుడీ మాటలకే రకరకాలుగా అర్థాలు తీస్తున్నారు. కొన్నాళ్లుగా నందమూరి బాలకృష్ణకు, యంగ్ టైగర్ ఎన్టీఆర్‌కు మధ్య విభేదాలు నడుస్తున్న విషయం తెలిసిందే. ఫ్యాన్స్ కూడా డివైడ్ అవుతున్నారు. అలాగే ఎన్టీఆర్ రాజకీయాలు వదిలేసి, సినిమాలు చేసుకుంటున్నారు. అయినా కూడా.. ఏదో ఒక విషయంలో ఎన్టీఆర్‌ను టార్గెట్ చేస్తూ బాలయ్య వ్యాఖ్యలు చేస్తూనే ఉంటారు. ఇప్పుడు కూడా తన భార్య చెప్పినట్లుగా బాలయ్య అన్న మాటలు ఎన్టీఆర్ ఫ్యామిలీని ఉద్దేశించే అని, మరీ ముఖ్యంగా తన అన్న హరికృష్ణలా కాకుండా.. కేవలం తననే అంటి పెట్టుకుని ఉన్నావనే భావనలో ఆమె అందని, నెటిజన్లు కొందరు అప్పుడే సోషల్ మీడియాలో రచ్చ లేపుతున్నారు. మరోవైపు ఈ మాటలు పవన్ కళ్యాణ్‌ని ఉద్దేశించి బాలయ్య అన్నట్లుగా కూడా చిత్రీకరిస్తున్నారు. ఏది ఏమైనా, బాలయ్య చేసిన ఈ వ్యాఖ్యలపై మాత్రం ఇప్పుడు హాట్ హాట్‌గా డిస్కషన్స్ నడుస్తున్నాయి.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు