Love Days: నవీన్ (Naveen), కుసుమ (Kusuma) జంటగా ఆన్ క్యాన్ ఎంటర్‌టైన్‌మెంట్స్, క్రిసెంట్ సినిమాస్ బ్యానర్లపై మాదల వెంకటకృష్ణ ప్రసాద్ నిర్మిస్తున్న చిత్రం ‘లవ్ డేస్’ (Love Days). ‘ఏ టాక్సిక్ లవ్ స్టోరీ’ అనేది ఉప శీర్షిక. ‘రాచరికం’ దర్శకుడు సురేష్ లంకలపల్లి ఈ చిత్రాన్ని తెరకెక్కిస్తున్నారు. తాజాగా ఈ మూవీకి సంబంధించిన టైటిల్, గ్లింప్స్‌ను సీనియర్ దర్శకుడు సముద్ర చేతుల మీదుగా మేకర్స్ విడుదల చేశారు. ఈ టైటిల్, గ్లింప్స్ విడుదల అనంతరం దర్శకుడు సముద్ర మాట్లాడుతూ ‘గీతాంజలి’, ‘తొలి ప్రేమ’, ‘అందాల రాక్షసి’ వంటి అద్భుతమైన ప్రేమ కథలు తెలుగు ప్రేక్షకులు చూశారు. వాటి సరసన నిలిచే మరో చిత్రమే ఈ ‘లవ్ డేస్’. ఈ సినిమా పెద్ద విజయాన్ని సాధించాలని మనస్ఫూర్తిగా కోరుకుంటున్నాను. ఈ సినిమా, టీమ్ అందరికీ జీవితంలో ఎన్నో మెమోరీస్‌ను అందించాలని కోరుకుంటున్నాను. మనస్పూర్తిగా ఈ మూవీ బిగ్ సక్సెస్ అవ్వాలని కోరుకుంటూ, చిత్రయూనిట్‌కు నా శుభాకాంక్షలు తెలియజేస్తున్నానని అన్నారు.

Also Read- Akhanda 2 Thaandavam: శివుడు కాదు.. ఈసారి హనుమంతుడు! ‘అఖండ 2: తాండవం’ మాసివ్ టీజర్

నాలుగో సినిమాలో ఆయనే హీరో

నిర్మాత మాదల వెంకట కృష్ణ ప్రసాద్ మాట్లాడుతూ.. సురేష్ లంకలపల్లి (Suresh Lankalapalli) చెప్పిన కథ నాకు చాలా నచ్చింది. ఈ ప్రయాణంలో అతని డెడికేషన్ చూసి ఆశ్చర్యపోయాను. ఆయనతోనే మళ్లీ నెక్ట్స్ సినిమా కూడా చేయబోతోన్నాం. అంతేకాదు, భవిష్యత్తులో కూడా ఆయనతో సినిమాలు చేస్తాను. నేను చేయనున్న నాలుగో సినిమాలో ఆయనే హీరో. అతని డెడికేషన్ చూసి నిజంగా అంత ముచ్చటేసింది. నవీన్, కుసుమ, ఆదిత్య ఇలా అందరూ ఈ సినిమా కోసం అద్భుతంగా పని చేశారు. మా మూవీ టైటిల్, గ్లింప్స్ అందరికీ నచ్చిందనే భావిస్తున్నాను. త్వరలోనే ఆడియెన్స్ ముందుకు రాబోతోన్నామని తెలిపారు. సహ నిర్మాత రియాజ్ మాట్లాడుతూ.. సురేష్‌తో ఇది మాకు రెండో సినిమా. మా క్రిసెంట్ బ్యానర్ ఇందులో భాగస్వామ్యం అయినందుకు చాలా ఆనందంగా ఉంది. ఇందులో మంచి తారాగణం ఉంది. నా భార్య నస్రీన్‌లో, నాలో కూడా నటుడు ఉన్నాడని సురేష్ గుర్తించారు. మాకు కూడా ఈ మూవీలో మంచి పాత్రలను ఇచ్చారు. సినిమా చాలా బాగా వచ్చింది. త్వరలోనే విడుదల తేదీని ప్రకటిస్తామని చెప్పుకొచ్చారు.

Also Read- Bhagyashri Borse: సినిమా ప్రమోషనా? ప్రీ వెడ్డింగ్ షూటా?.. భాగ్యశ్రీ షేర్ చేసిన ఫొటోపై నెటిజన్ల కామెంట్స్ వైరల్!

ప్రతీ ఒక్కరి పాత్ర చాలా బాగుంటుంది

దర్శకుడు సురేష్ లంకలపల్లి మాట్లాడుతూ.. నిర్మాత వెంకట్ వల్లే ఈ కథ, ఈ సినిమా ఇక్కడి వరకు వచ్చింది. ఆయన నన్ను హీరోగా ఎందుకు చేయాలని అనుకున్నారో నాకైతే తెలియడం లేదు. డిసెంబర్ నుంచి మా నిర్మాత కొత్త ప్రాజెక్ట్ ప్రారంభించబోతున్నందుకు చాలా హ్యాపీ. ఆర్య సాయి కృష్ణ ‘రాచరికం’ నుంచి నాతో జర్నీ చేస్తున్నాడు. ఎడిటర్ ప్రదీప్, వెంగి మ్యూజిక్ ఎప్పుడూ అద్భుతంగానే ఉంటుంది. రాం ప్రసాద్ డైలాగ్స్ అందరినీ ఆకట్టుకుంటాయి. హీరో నవీన్ కటౌట్ చూడటానికి చాలా బాగుంటుంది. కుసుమకి సినిమా పట్ల ఎంతో ప్యాషన్ ఉంది. ఆదిత్యకి తెలుగు అంతగా రాకపోయినా కష్టపడి ఈ సినిమాలో డైలాగ్స్ చెప్పాడు. ఈ మూవీలో ప్రతీ ఒక్కరి పాత్ర చాలా బాగుంటుంది. ఈ వేడుకకు వచ్చి మమ్మల్ని ఆశీర్వదించిన సముద్ర సార్‌కి మా టీమ్ తరపున ధన్యవాదాలని తెలిపారు. ఇంకా ఈ కార్యక్రమంలో హీరోహీరోయిన్లు మాట్లాడారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు