Akhanda 2 Thaandavam: గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), బ్లాక్ బస్టర్ దర్శకుడు బోయపాటి శ్రీను (Boyapati Srinu) కాంబినేషన్లో రూపుదిద్దుకున్న ‘అఖండ 2: తాండవం’ (Akhanda 2: Thaandavam) చిత్రం విడుదలకు సిద్ధమైంది. పాన్ ఇండియా వైడ్గా విడుదల కాబోతున్న ఈ సినిమా ప్రమోషన్స్ను మేకర్స్ భారీగా నిర్వహిస్తున్నారు. రామ్ ఆచంట, గోపీచంద్ 14 రీల్స్ ప్లస్ (14 Reels Plus) బ్యానర్పై ఎంతో ప్రతిష్టాత్మకంగా నిర్మిస్తున్న ఈ చిత్రానికి ఎం తేజస్విని నందమూరి సమర్పకురాలిగా వ్యవహరిస్తున్నారు. మ్యూజిక్ సెన్సేషన్ ఎస్ థమన్ సంగీతం అందిస్తున్నారు. ఈ సినిమాకు సంబంధించి ఇప్పటికే విడుదలైన టీజర్, ట్రైలర్ సాంగ్స్ సినిమాపై భారీ అంచనాలు పెంచేయగా, శనివారం హైదరాబాద్లో ప్రీ రిలీజ్ వేడుకను గ్రాండ్గా నిర్వహిస్తున్నారు. ఈ కార్యక్రమంలో ‘అఖండ 2: తాండవం’ మూవీ రిలీజ్ టీజర్ను మేకర్స్ విడుదల చేశారు. ‘మాసివ్ టీజర్’ (Akhanda 2 Massive Thaandavam Teaser) అంటూ వచ్చిన ఈ టీజర్ ఎలా ఉందంటే..
వేర్ థేర్ ఈజ్ ఏ బ్యాడ్..
‘భారత్ను కొట్టాలంటే.. అక్కడి మూలాలను అడ్డం పెట్టుకునే కొట్టాలి’ అని విలన్ వాయిస్లో ఈ టీజర్ మొదలైంది. భగవద్గీత, మహా కుంభమేశా సన్నివేశాలతో డివైన్ మోడ్లోకి తీసుకెళ్లిన ఈ టీజర్లో అసలు సిసలైన యాక్షన్ని పరిచయం చేశారు. నటసింహం ఎంట్రీ గర్జిస్తున్నట్లుగా చూపించారు. ‘వేర్ థేర్ ఈజ్ ఏ బ్యాడ్.. పేరలల్ థేర్ ఈజ్ గాడ్.. బీ బ్రేవ్’ అంటూ ప్రజలకు ధైర్యం చెబుతున్న బాలయ్య.. ఆ వెంటనే యాక్షన్లోకి దిగారు. అన్యాయం, చెడు జరుగుతున్నది కంటి చూపుతోనే గమనించిన బాలయ్య.. విశ్వతాండవం ఏంటో చూపిస్తున్నారు. మధ్యలో నాన్నా.. అంటూ కుమార్తె పిలిచే పిలుపుతో.. ఇందులో ఫ్యామిలీ డ్రామా, సెంటిమెంట్ కూడా ఉన్నట్లుగా తెలియజేశారు.
శివతాండవం కాదు.. వీర హనుమాన్ పూనాడు
‘కొండల్లో తొండలు పట్టుకుని తినే మీరెక్కడా.. ప్రతి కొండను క్షేత్రం మార్చి పూజించే మేమెక్కడ?’ అంటూ పవర్ ఫుల్ డైలాగ్తో బాలయ్య తన విశ్వరూపం ప్రదర్శిస్తున్నారు. ఇక తర్వాత వచ్చే సీన్లన్నీ శివ తాండవమే అని చెప్పాలి. శివ తాండవం కాదండోయ్.. చివర్లో ఓ షాట్కు హనుమంతుడిని చూపించిన తీరుకి గూస్బంప్స్ పక్కా. బాలయ్యతో గద పట్టించి, విలన్లతో వీరోచితంగా పోరాడే సన్నివేశానికి హనుమంతుడిని చూపించడం.. నిజంగా బోయపాటి మార్క్ ఏంటో మరోసారి తెలియజేసినట్లయింది. మొత్తంగా చూస్తే.. ఈ టీజర్తో బాలయ్య మాస్ తాండవం ఏ స్థాయిలో ఉంటుందో, అభిమానులు ఎన్ని బస్తాల పేపర్లు తీసుకుని వెళ్లాలలో ఓ క్లారిటీ ఇచ్చినట్లయింది. ఇక బాలయ్య తాండవం చూసేందుకు సిద్ధమైపోండి. ఈ సినిమా 2D, 3D రెండు ఫార్మాట్లలో 5 డిసెంబర్, 2025న ప్రపంచవ్యాప్తంగా తెలుగు, తమిళ, హిందీ, కన్నడ, మలయాళ భాషల్లో గ్రాండ్గా విడుదల కానుంది.
స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు
