Shobha Shetty VS Divya: బిగ్ బాస్ తెలుగు సీజన్ 9 (Bigg Boss Telugu Season 9)లో కెప్టెన్సీ కంటెండర్ షిప్ కోసం.. పాత బిగ్ బాస్ కంటెస్టెంట్స్‌తో హౌస్‌మేట్స్ పోటీ పడుతున్న విషయం తెలిసిందే. కళ్యాణ్, డిమోన్ పవన్ ఈ టాస్క్‌లలో బయటి నుంచి వచ్చిన యోధులను ఓడించి.. వారి జెండా పాతేశారు. భరణి, సుమన్ శెట్టి, తనూజ వంటి వారు యోధులను ఓడించలేకపోయారు. దీంతో వారు బిగ్ బాస్ చివరి కెప్టెన్ అయ్యే అవకాశాన్ని కోల్పోయారు. ఇమ్మానుయేల్, సంజన, దివ్య, రీతూ ఇంకా ఈ కెప్టెన్సీ కంటెండర్ షిప్ కోసం టాస్క్‌లు ఆడాల్సి ఉంది. సొహైల్ ఎవరితో ఆడారనేది తెలియదు కానీ, యావర్‌తో ఇమ్మానుయేల్ టాస్క్‌ ఆడినట్లుగా ఇప్పటికే ప్రోమోలు వచ్చాయి. ఆ ప్రోమోలలో ఎవరు గెలిచారనేది మాత్రం బిగ్ బాస్ రివీల్ చేయలేదు. తాజాగా మరో ప్రోమోని బిగ్ బాస్ టీమ్ విడుదల చేసింది.

Also Read- Anaganaga Oka Raju: ‘భీమవరం బల్మా’ సాంగ్ వచ్చేసింది.. ‘బల్మా’ అంటే ఏంటో తెలుసా?

మంచి మంచి యోధురాళ్లు

ఈ ప్రోమోలో దివ్య నిఖిత వచ్చేసి శోభా శెట్టితో పోటీ (Shobha Shetty VS Divya Nikhita) పడుతోంది. ఈ ప్రోమో విషయానికి వస్తే.. చీరకట్టులో హౌస్‌లోకి ఎంట్రీ ఇచ్చిన శోభా శెట్టిని ఇమ్మానుయేల్.. ఎప్పటిలానే తన డైలాగ్స్‌తో కాకా పట్టేందుకు ప్రయత్నాలు చేస్తున్నాడు. ‘శోభా బాగుంది.. శోభా కట్టిన శారీ బాగుంది. థ్యాంక్యూ బిగ్ బాస్.. మంచి మంచి యోధురాళ్లను మాకోసం పంపిస్తున్నారు. మీ రుణం ఈ జన్మకు మరిచిపోలేం బిగ్ బాస్’ అంటూ ఇమ్ము చేసే కామెడీకి హౌస్ అంతా పగలబడి నవ్వుతోంది. ఆ కామెడీ అనంతరం బిగ్ బాస్ టాస్క్‌లోకి తీసుకెళ్లారు.

Also Read- Bigg Boss Telugu 9: తనూజకు పడిపోయిన యావర్.. డైరెక్ట్‌గా ఏం అడిగాడో తెలుసా?

చిక్కులు, దిక్కులు, లెక్కలు

‘‘శోభా.. నీకిస్తున్న ఛాలెంజ్.. ‘చిక్కులు, దిక్కులు, లెక్కలు’. వివిధ నెంబర్స్‌తో ఉన్న మీ కలర్ సిలిండర్స్‌ని, ఒక్కొక్కటిగా తీసుకుని టన్నెల్ ద్వారా పాక్కుంటూ వెళ్లి, మీ ట్రయాంగిల్ ఫేమ్‌లోని స్లాట్స్‌లో పెట్టాలి. ట్రయాంటిల్ ఫేమ్ పై భాగాన్ని స్లయిడ్ చేస్తే మీకొక టార్గెట్ నెంబర్ కనిపిస్తుంది. ట్రయాంగిల్‌లో ఉన్న మూడు యాంగిల్స్‌లో ఒక్కో యాంగిల్‌లో సిలిండర్స్‌కు ఉన్న నెంబర్స్‌ని యాడ్ చేస్తే.. మూడు యాంగిల్స్‌లోనూ ఒకే టోటల్ రావాలి’’ అని బిగ్ బాస్ టాస్క్ గురించి చెప్పారు. ఇద్దరూ కష్టపడి ఆడుతున్నారు కానీ, ఎవరు విజేత అయ్యారనేది మాత్రం ఇందులో రివీల్ చేయలేదు. అది తెలియాలంటే, రాత్రికి వచ్చి షో చూడాల్సిందే. దీంతో హౌస్‌లోకి వచ్చే యోధుల చాప్టర్ పూర్తయినట్లుగానే భావించాలి. ఎందుకంటే సొహైల్‌తో సంజన, రీతూ ఇద్దరూ టాస్క్‌లు ఆడినట్లుగా తెలుస్తుంది. ఫైనల్‌గా ఎవరెవరు నెక్ట్స్ కెప్టెన్ రేసులో ఉంటారనేది ఈరోజు ఎపిసోడ్‌తో క్లారిటీ వచ్చేస్తుంది. ఈ వారం కెప్టెన్సీ కంటెండర్స్‌గా నిలిచిన వారందరికీ బిగ్ బాస్ ఎలాంటి టాస్క్ విధిస్తాడో.. ఆ టాస్క్‌లో ఎవరు విన్నర్ అవుతారో తెలియాలంటే మాత్రం ఇంకాస్త వెయిట్ చేయాల్సిందే.