Anaganaga Oka Raju: చాలా గ్యాప్ తర్వాత స్టార్ ఎంటర్‌టైనర్ నవీన్‌ పొలిశెట్టి‌ (Naveen Polishetty)ని రాబోతున్న చిత్రం ‘అనగనగా ఒక రాజు’ (Anaganaga Oka Raju). 2026 సంక్రాంతికి విడుదలయ్యేందుకు ఈ సినిమా రెడీ అవుతోంది. ప్రస్తుతం ప్రచార కార్యక్రమాలను మేకర్స్ యమా జోరుగా నిర్వహిస్తున్నారు. అందులో భాగంగా తాజాగా ఈ మూవీ ఫస్ట్ సింగ్‌లను మేకర్స్ విడుదల చేశారు. ‘భీమవరం బల్మా’ పేరుతో వచ్చిన ఈ పాట, కాస్త ముందుగానే పండుగ వాతావరణాన్ని తీసుకొచ్చిందని చెప్పాలి. మాస్ ప్రేక్షకులతో పాటు, యువతను టార్గెట్ చేసేలా ఈ ‘భీమవరం బల్మా’ (Bhimavaram Balma) సాంగ్ చిత్రీకరణ జరిగినట్లుగా ఈ పాటను చూస్తుంటే అర్థమవుతోంది. ఈ పాటతో మొదటిసారి సింగర్‌గానూ నవీన్‌ పొలిశెట్టి తన టాలెంట్ చూపిస్తున్నారు. ఎంటర్‌టైన్‌మెంట్ మాత్రమే కాదు.. సింగర్‌గానూ నేనేం తక్కువ కాదని ఈ పాటతో నిరూపించుకున్నాడు నవీన్ పొలిశెట్టి. ‘భీమవరం బల్మా’ సాంగ్ విషయానికి వస్తే..

Also Read- Magic of Chikiri Chikiri: ‘తలా జారుతుంది చూస్కో’.. బుచ్చిబాబుపై రామ్ చరణ్ కామెడీ.. మేకింగ్ వీడియో వైరల్

కలర్ ఫుల్‌గా ‘భీమవరం బల్మా’

మిక్కీ జె మేయర్ ఈ పాటకు సంగీతం అందించారు. ఈ పాట విన్న వెంటనే శ్రోతల మనసు దోచుకుని, వారిచే కాలు కదిపించేలా.. ఆయన ఈ పాటను స్వరపరిచారంటే ఆశ్చర్యపోవాల్సిన అవసరమే లేదు. ఆస్కార్ విన్నర్ చంద్రబోస్ అందించిన సాహిత్యం.. అందరూ పాడుకునేలా తేలికైన పదాలతో.. ఎంతో అందంగా, అర్థవంతంగా ఉంది. నవీన్‌ పొలిశెట్టితో కలిసి గాయని నూతన మోహన్ ఈ పాటను ఆలపించారు. శేఖర్ మాస్టర్ కొరియోగ్రఫీ‌లో రూపుదిద్దుకున్న ఈ పాట థియేటర్లలో పండగ వాతావరణాన్ని సృష్టిస్తుందనడంలో సందేహమే లేదు. ఇక ఈ పాటలో మీనాక్షి చౌదరి (Meenakshi Chaudhary)తో కలిసి నవీన్ పొలిశెట్టి వేసిన స్టెప్పులు అదుర్స్ అనేలా ఉన్నాయి. ఇద్దరి జంట చూడ చక్కగా ఉండటమే కాకుండా.. డ్యాన్స్ స్టెప్పులతో దుమ్మురేపారు. ఈ పాటకు వారి జంట అందాన్ని తీసుకొచ్చింది. సెట్, ఇద్దరూ వాడిన కాస్ట్యూమ్స్ కలర్‌ఫుల్‌గా ఉండటమే కాకుండా.. సరికొత్త ట్రెండ్‌కు కారణమయ్యేలా ఉన్నాయి.

Also Read- Bigg Boss Telugu 9: తనూజకు పడిపోయిన యావర్.. డైరెక్ట్‌గా ఏం అడిగాడో తెలుసా?

‘బల్మా’ అంటే ఏంటంటే..

ఈ పాట అనౌన్స్‌మెంట్ నుంచి.. అసలు బల్మా అంటే ఏంటి? అనేలా అంతా సెర్చ్ చేస్తున్నారు. ఈ బల్మాకు అర్థమేంటో స్వయంగా నవీన్ పొలిశెట్టినే వివరించారు. ఈ సాంగ్ విడుదల చేసేందుకు భీమవరం ఎస్ఆర్‌కెర్ ఇంజనీరింగ్ కాలేజ్‌కు వెళ్లిన నవీన్ పొలిశెట్టి.. అక్కడ తన పర్సనల్ అసిస్టెంట్స్ అందరినీ ‘బల్మా’ అని పిలుస్తుంటే.. వారంతా తిడుతున్నాడని అనుకున్నారు. ఆ తర్వాత ఈ ‘బల్మా’కు ఆయన వివరణ ఇస్తూ.. ‘డియర్’, ‘క్యూటీ’ ఇవన్నీ పాతవి అయిపోయాయి. మన మనసుకు నచ్చిన వారిని ప్రేమతో ఇకపై బల్మా అని పిలుచుకోవచ్చు.. అని చెప్పుకొచ్చారు. సో.. అర్థమైంది కదా.. ‘బల్మా’ అంటే ఏంటో.. అదన్నమాట విషయం. ఈ సినిమాను శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ పతాకాలపై సూర్యదేవర నాగ వంశీ, సాయి సౌజన్య నిర్మిస్తున్నారు. నూతన దర్శకుడు మారి దర్శకత్వం వహిస్తున్న ఈ చిత్రాన్ని సంక్రాంతి కానుకగా 2026, జనవరి 14న భారీస్థాయిలో విడుదల చేసేందుకు మేకర్స్ సన్నాహాలు చేస్తున్నారు.