Bigg Boss Telugu 9: బిగ్ బాస్ తెలుగు సీజన్ 9లో 81వ రోజు (Bigg Boss Telugu Season 9 Day 81) కూడా కెప్టెన్సీ కంటెండర్ షిప్ నిమిత్తం.. యోధులు ఇంటిలోకి వచ్చి టాస్క్‌లు అడుతున్నారు. ఇప్పటి వరకు కళ్యాణ్, పవన్ ఈ కెప్టెన్సీ కంటెండర్ టాస్క్‌లో విజేతలుగా నిలిచి జెండా పాతేశారు. ఇక 81వ రోజు కూడా కొందరు యోధులు హౌస్‌లోకి వచ్చారు. అందులో సోహైల్ చేసిన ఎంటర్‌టైన్‌మెంట్ ప్రోమో దుమ్ము రేపుతుండగా, తాజాగా మరో ప్రోమోని మేకర్స్ వదిలారు. ఈ ప్రోమోలో యావర్ (Yawar) ఎంట్రీ ఇచ్చారు. బిగ్ బాస్ తెలుగు సీజన్ 9 తుది అంకానికి చేరుకుంటున్న నేపథ్యంలో, ప్రతి ఎపిసోడ్ అత్యంత ఉత్కంఠభరితంగా మారుతోంది. బిగ్ బాస్ పాత కంటెస్టెంట్‌ని యోధులుగా హౌస్‌లోకి పంపి.. వారితో చేయిస్తున్న కామెడీ, టాస్క్‌లు వైరల్ అవుతున్నాయి. ఈ వారం కావాల్సినంత ఎంటర్‌టైన్‌మెంట్‌ని వీక్షకులకు అందిస్తున్నారు బిగ్ బాస్. ఇక తాజాగా వచ్చిన యావర్ ఎంట్రీ ప్రోమో విషయానికి వస్తే..

Also Read- Sanjjanaa Galrani: ఆ ఒక్క మాటతో బిగ్ బాస్ 9 విన్నింగ్ రేసులోకి సంజన.. ఆమె ఘట్స్‌కి హ్యాట్సాఫ్!

నీకు ఎవరైనా బాయ్ ఫ్రెండ్ ఉన్నాడా?

బిగ్ బాస్ హౌస్ తలుపులు తెరుచుకోగానే, యావర్ తన అభిమానులకు నచ్చేలా ఒక స్టైలిష్ ఎంట్రీ ఇచ్చారు. ఈ ఎంట్రీతో ఇంటి సభ్యులు ఒక్కసారిగా ఆశ్చర్యానికి, ఆనందానికి లోనయ్యారు. యావర్‌ను చూడగానే అందరూ హత్తుకుని, తమ సంతోషాన్ని పంచుకున్నారు. ఎంట్రీ ఇవ్వడంతోనే యావర్ అందరినీ పరిచయం చేసుకుంటూ.. తనూజ దగ్గరకు వచ్చినప్పుడు మాత్రం స్టక్ అయిపోయాడు. ‘నీకు ఎవరైనా బాయ్ ఫ్రెండ్ ఉన్నాడా?’ అని డైరెక్ట్‌గా అడగడంతో తనూజ (Tanuja) కూడా ఆశ్చర్యపోయింది. ‘ఎవరూ లేరు.. ఏ ఎందుకు?’ అని అడిగింది తనూజ. కానీ యావర్ అప్పుడేం చెప్పలేదు. కానీ, అతని మనసు తనూజకు కనెక్ట్ అయినట్లుగా వైబ్రేషన్స్ కనిపిస్తున్నాయి. ఇంకా చెప్పాలంటే తనూజకు పడిపోయాడు. ఎలాగైనా తనకు బాయ్‌ ఫ్రెండ్ అవ్వాలని మనసులో స్ట్రాంగ్‌గా ఫిక్సయినట్లుగా యావర్ కనిపించాడు.

Also Read- Renu Desai: అత్త పాత్రలో రేణు దేశాయ్.. సినిమా పేరేంటో తెలుసా?

ఇమ్మానుయేల్ వర్సెస్ యావర్‌

తర్వాత ఇమ్మానుయేల్‌తో సరదాగా సంభాషించిన యావర్.. ‘నాకు తెలుసురా.. ఇక్కడ చాలా స్ట్రెస్ ఉందని.. టూమచ్ స్ట్రెస్ తీసుకోకు’ అని యావర్ అంటుంటే.. ఆ మాట నువ్వే చెప్పాలయ్యా? అంటూ ఇమ్ము కామెడీ చేస్తున్నాడు. ఇమ్ములో పొట్ట నచ్చిందని చెప్పిన యావర్.. తనూజ వరకు వచ్చే సరికి ‘ఫైర్’ అని చెప్పి.. మళ్లీ నాలాగా అంటూ చెప్పిన తీరు కూడా.. కనెక్టివ్‌గా ఉంది. చాలా ఆమెకు ప్రపోజ్ చేయడం, ఆమెతో ‘పడిపోయా పడిపోయా పడిపోయా.. నీ ప్రేమలో’ అనే ‘అల్లుడు అదుర్స్’ సినిమాలోని పాటకు ఇద్దరు లవర్స్ డ్యాన్స్ చేసినట్లుగా డ్యాన్స్ చేయడం.. అంతా కూడా యావర్ ఎంతగా తనూజకు కనెక్ట్ అయ్యాడో తెలియజేస్తుంది. ఇక బిగ్ బాస్ ‘యావర్’కు స్వాగతం చెబుతూ.. టాస్క్‌లోకి తీసుకెళ్లాడు. ఈ టాస్క్‌లో ఇమ్మానుయేల్, యావర్‌ల మధ్య ఫైట్ (Yawar vs Emmu) నడుస్తుంది. ఈ టాస్క్‌కు తనూజ సంచాలక్‌గా ఉన్నట్లుగా తెలుస్తుంది. ఫైనల్‌గా ఎవరు గెలిచారనేది చెప్పలేదు కానీ, ఇమ్మానుయేల్ గెలిచినట్లుగా అనిపిస్తోంది.