Magic of Chikiri Chikiri: మెగా పవర్ స్టార్ రామ్ చరణ్ (Mega Power Star Ram Charan) భారీ పాన్-ఇండియా మూవీ ‘పెద్ది’ (Peddi) నుంచి వచ్చిన ఫస్ట్ సింగిల్ ‘చికిరి చికిరి’ సాంగ్ (Chikiri Chikiri Song) ప్రపంచవ్యాప్తంగా ఎలాంటి సంచలనాన్ని క్రియేట్ చేసింది, చేస్తుందో తెలియంది కాదు. ఈ పాట విడుదలైన నిమిషం నుంచే ప్రపంచవ్యాప్తంగా డిజిటల్ ప్లాట్‌ఫామ్‌లను అదరగొడుతోంది. అకాడమీ అవార్డు విన్నర్ ఎ.ఆర్. రెహమాన్ (AR Rahman) స్వరపరిచిన చికిరి చికిరి ఖండాలలో ప్రతిధ్వనిస్తోది. భాషా సరిహద్దులను దాటి.. బీభత్సమైన రెస్పాన్స్‌ను సొంతం చేసుకుంటోంది. ఈ పాటలోని వైరల్ బీట్‌లు, జానపద-మూలాలున్న పల్స్, సినిమాటిక్ సౌండ్‌ స్కేప్ ప్రపంచంలోని ప్రతి మూల నుండి శ్రోతలను అలరించాయి. అన్ని భాషల్లో కలిపి ఈ సాంగ్ 100 మిలియన్ల ప్లస్ వ్యూస్‌ని క్రాస్ చేసి రికార్డును క్రియేట్ చేసింది. ఈ సందర్భాన్ని పురస్కరించుకుని స్పెషల్ అప్డేట్ ఉంటుందని రీసెంట్‌గా మేకర్స్ ప్రకటించారు. కానీ, బాలీవుడ్‌లో ధర్మేంద్ర మృతితో ఆ స్పెషల్ అప్డేట్‌ను వాయిదా వేశారు.

Also Read- Bigg Boss Telugu 9: తనూజకు పడిపోయిన యావర్.. డైరెక్ట్‌గా ఏం అడిగాడో తెలుసా?

తలా.. జారుతుంది చూస్కో

తాజాగా ఆ స్పెషల్ అప్డేట్‌ని మేకర్స్ వదిలారు.. మరోసారి ఫ్యాన్స్‌కు, ప్రేక్షకులకు అదిరిపోయే ట్రీట్ ఇచ్చారు. ‘మ్యాజిక్ ఆఫ్ చికిరి చికిరి’ (Magic of Chikiri Chikiri) అంటూ ఇందులోని హుక్ స్టెప్ వేసే ప్రదేశం కోసం ఎంత కష్టపడ్డారో తెలుపుతూ ఓ మేకింగ్ వీడియోను మేకర్స్ వదిలారు. ఇందులో 45 నిమిషాల పాటు ఓ కొండను ఎక్కి, అక్కడ ఈ స్టెప్ వేసినట్లుగా చూపించారు. కొండను ఎక్కే సమయంలో, అలాగే దిగే సమయంలో బుచ్చిబాబుపై రామ్ చరణ్ వేస్తున్న పంచ్‌లు, చూపిస్తున్న కేరింగ్ అందరికీ యమా నచ్చేస్తుంది. ‘‘అందరూ నిన్ను ‘తలా’ (రజినీకాంత్, ఎమ్మెస్ ధోనిలను అలా పిలుస్తారు) అంటున్నారు.. కాస్త చూసుకుని జాగ్రత్తగా దిగు.. జారుతుంది చూస్కో’’ అంటూ బుచ్చిబాబుని రామ్ చరణ్ ఆట పట్టిస్తుంటే అందరూ హాయిగా నవ్వుకుంటున్నారు. ఇక రామ్ చరణ్ అరంగేట్ర సినిమాను తను ఎలా చూశాడో.. బుచ్చిబాబు వివరంగా చెబుతున్నాడు. మొత్తంగా అయితే, ఫస్ట్ సాంగ్‌లో ఎలాంటి వైబ్ క్రియేట్ చేశారో.. అలాంటి వైబ్‌నే ఈ మేకింగ్ వీడియో ఇస్తుండటం విశేషం. ఇప్పుడీ వీడియో సోషల్ మీడియాలో వైరల్ అవుతోంది.

Also Read- Rangeela Re Release: క్లాసిక్ ఫిల్మ్ ‘రంగీలా’ రీ-రిలీజ్.. దివంగత నటుడిని గుర్తు చేసుకున్న ఆమిర్ ఖాన్

రామ్ చరణ్ క్రేజ్ ఇది..

ఇక ఈ సాంగ్ విషయానికి వస్తే.. తెలుగు వెర్షన్‌ సాంగ్ సోషల్ మీడియాలో ఇంకా టాప్‌లోనే ట్రెండ్ అవుతుండటం విశేషం ఇప్పటి వరకు ఈ పాట 69 మిలియన్ వ్యూస్‌, 1 మిలియన్‌ లైకులతో దూసుకెళ్తూ, రామ్‌చరణ్‌ అసమానమైన క్రేజ్‌ను మరోసారి నిరూపిస్తోంది. హిందీ వెర్షన్‌ కూడా 25 మిలియన్ ప్లస్ వ్యూస్‌తో బలంగా నిలవగా.. తమిళ్‌, కన్నడ, మలయాళం వెర్షన్లు కలిపి మరో 10 మిలియన్ ప్లస్ వ్యూస్‌ను యాడ్ చేశాయి. దీంతో ఈ పాట పాన్‌-ఇండియా స్థాయిలో ఘన విజయాన్ని సొంతం చేసుకుని, అతి తక్కువ సమయంలో 100 మిలియన్ల వ్యూస్ రికార్డ్‌ను సొంతం చేసుకుంది. బుచ్చిబాబు సానా దర్శకత్వంలో వృద్ధి సినిమాస్‌ పతాకంపై వెంకట సతీశ్ కిలారు నిర్మిస్తున్న ఈ చిత్రాన్ని మైత్రి మూవీ మేకర్స్ సుకుమార్ రైటింగ్స్ సమర్పిస్తున్నాయి. రామ్ చరణ్ పుట్టినరోజు కానుకగా.. 2026 మార్చి 27న ఈ చిత్రం ప్రపంచవ్యాప్తంగా గ్రాండ్‌గా థియేటర్లలోకి రానుంది.

Thank you for all the love for #ChikiriChikiri ❤️

100 MILLION+ VIEWS ❤‍🔥

This is just the beginning, much more to come from #Peddi.@BuchiBabuSana #JanhviKapoor @arrahman @vriddhicinemas pic.twitter.com/LwLztmN5zw

— Ram Charan (@AlwaysRamCharan) November 27, 2025