Sanjjanaa Galrani: రెబల్ స్టార్ ప్రభాస్, డ్యాషింగ్ డైరెక్టర్ పూరి జగన్నాధ్ కాంబినేషన్లో వచ్చిన ‘బుజ్జిగాడు’ (Bujjigadu) సినిమాలో హీరోయిన్గా త్రిష (Trisha) నటిస్తే, ఆమె చెల్లెలిగా సంజన (Sanjjanaa Galrani) నటించింది. అప్పట్లోనే ఓ ఊపు ఊపిన ఈ భామ.. ఇప్పుడు బిగ్ బాస్ హౌస్ని షేక్ చేస్తుంది. బిగ్ బాస్ హౌస్లోకి కంటెస్టెంట్గా ఎన్నికైనప్పుడే.. మహా అయితే రెండు లేదంటే మూడు వారాలు మాత్రమే సంజన హౌస్లో ఉంటుందని అంతా భావించారు. కానీ, సంజన మొదటి వారం నుంచే గేమ్ని రసవత్తరంగా మార్చేసింది. దీంతో బిగ్ బాస్ కూడా ఆమెను బయటకు పంపించడానికి ఇష్టపడటం లేదు. ప్రేక్షకులు కూడా సంజన ఇంట్లో ఉంటేనే ఆట బాగుంటుందని ఓట్లు వేసి మరీ, ఎలిమినేట్ కాకుండా చూసుకుంటున్నారు. వాస్తవానికి ఆమె.. తన లైఫ్లో ఏర్పడిన మచ్చని చెరిపేసుకుని, తనేంటో అందరికీ తెలియాలని హౌస్లోకి వెళ్లింది. ఈ క్రమంలో ఆమె చాలా వరకు సక్సెస్ కూడా అయింది.
Also Read- Rangeela Re Release: క్లాసిక్ ఫిల్మ్ ‘రంగీలా’ రీ-రిలీజ్.. దివంగత నటుడిని గుర్తు చేసుకున్న ఆమిర్ ఖాన్
ఎంత చెప్పినా, ఎవరు చెప్పినా వినరే..
మొన్నటి వరకు టాప్ 5 హౌస్మేట్స్లో ఉంటుందా? అనేలా ఆమెపై అనుమానాలు ఉన్నాయి. కానీ, ఈ వారం నామినేషన్స్లో రీతూ (Rithu)పై ఆమె చేసిన వ్యాఖ్యలతో అందరి మనసును దోచేసింది సంజన. అవును, కొన్ని రోజులుగా పవన్, రీతూల వ్యవహారం మరీ రొటీన్ అయిపోతుంది. ప్రేక్షకులకు కూడా చిరాకు వస్తుంది. హౌస్లోకి వచ్చిన వారంతా ఇదే విషయం చెబుతున్నా, ఆ బాండింగ్ నుంచి విడిపోవాలని సూచిస్తున్నా కూడా వారిద్దరూ విడిపోవడం లేదు. ఈ మధ్య మరీ ఎక్కువ చేస్తున్నారు. ఒకే దుప్పటిలో దూరడంతో వారి మధ్య నిజంగానే ఏదో నడుస్తుందనేలా అంతా మారిపోయింది. ‘రీతూ సంగతి తెలియదనుకుంటా? ఎందుకు, పవన్ అంతలా దిగజారిపోతున్నాడు’ అంటూ ఈ హౌస్లో అతన్ని అభిమానించే వారంతా కామెంట్స్ చేస్తున్నారంటే.. ఎంతగా వారి బాండింగ్ నడుస్తుందో అర్థం చేసుకోవచ్చు.
సంజన ఘట్స్కి హ్యాట్సాఫ్
కానీ, ఈ వారం నామినేషన్స్లో రీతూ తనని టార్గెట్ చేసి, ఆరు వారాలుగా మీ ఆట కనబడటం లేదని అనడంతో సంజన ఫైర్ అయింది. ఆరు వారాల నుంచి సంజన కనబడకపోవడం ఏంటి? అసలు రీతూ ఎలా ఆ మాట అనగలదు. అలాంటి వర్డ్ యూజ్ చేయాలంటే అక్కడ కేవలం నాగార్జున (King Nagarjuna)కు మాత్రమే హక్కు ఉంది. వన్ వీక్ వరకు నీ ఆట కనబడటం లేదంటే ఓకే కానీ, ఆరు వారాలుగా మీరసలు కనిపించడం లేదని రీతూ అనడంతో సంజనకు కోపం వచ్చి, అసలు మీరిద్దరూ చేసే పనులు నాకు నచ్చడం లేదు. రాత్రి పూటి ఆ పనులేంటి? అని డైరెక్ట్గా అడిగేసింది. దీనికి రీతూ ఏడ్చేస్తుంటే.. మిగతా వారంతా.. ఆ మాట తప్పు వెనక్కి తీసుకోండి అని సంజనను వారించినా, ఆమె మాత్రం వెనక్కి తగ్గలేదు. నిజంగా ఇలాంటి ప్లాట్ఫామ్పై అలా చెప్పడానికి ఘట్స్ కావాలి. సంజన తన ఘట్స్ ప్రదర్శించి, ఈ వారం ప్రేక్షకుల అభిమానాన్ని ఎక్కువగా పొందారని చెప్పొచ్చు. ముఖ్యంగా డిమోన్ పవన్ ఫ్యాన్స్ (Demon Pavan Bigg Boss) అందరూ సంజనకు థ్యాంక్స్ చెబుతున్నారు. సంజన ఆ మాట అన్న తర్వాత.. వారిద్దరి మధ్య కాస్త బాండింగ్ కూడా తగ్గినట్లుగా కనిపిస్తుంది. మరి ఇలా ఎన్ని రోజులు ఉంటారో చూడాలి. ఈ ఒక్క మాటతో సంజన కూడా విన్నింగ్ రేసులోకి వచ్చిందనేలా.. సోషల్ మీడియాలోని ఆమె సపోర్టర్స్ పోస్ట్లు పెడుతున్నారు.
స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు
