Bigg Boss Telugu 9: బిగ్ బాస్ తెలుగు సీజన్ 9లో 80వ రోజు (Bigg Boss Telugu Season 9 Day 80) కూడా కెప్టెన్సీ కంటెండర్ షిప్‌కు సంబంధించి టాస్క్‌లు నడుస్తున్నాయి. ఆల్రెడీ 79వ రోజు గౌతమ్, ప్రియాంక వచ్చి ఇద్దరితో తలపడ్డారు. అందులో గౌతమ్‌తో తలపడి భరణి (Bharani) ఓడిపోగా, ప్రియాంకతో తలపడి కళ్యాణ్ (Kalyan) గెలిచాడు. కెప్టెన్సీ కంటెండర్ షిప్‌లో మొదటిగా కళ్యాణ్ జెండా పాతేశాడు. తన కుమార్తె ఈ వారం కెప్టెన్‌గా చూడాలని కోరిందని భరణి కూడా చాలా ప్రయత్నించాడు కానీ, ఆ ప్రెజర్‌లో టాస్క్ సరిగా ఆడలేకపోయాడు. దీంతో కంటెండర్ షిప్ అవకాశాన్ని కోల్పోయాడు. టాస్క్ పోయిందని భరణి బాధపడుతుంటే.. హౌస్‌మేట్స్ అందరూ ఓదార్చారు. గౌతమ్ కృష్ణ కూడా భరణిని ఓదార్చుతూ.. లాస్ట్ సీజన్స్‌లో కెప్టెన్ అవని వాళ్లు కూడా కప్ కొట్టారని, దానిపై దృష్టి పెట్టాలని సూచించాడు.

Also Read- Sampath Nandi: ఏ కడుపునైనా ఎంచుకో.. ఏ గడపనైనా పంచుకో.. కానీ మళ్లీ రా!.. తండ్రి మృతిపై సంపత్ నంది ఎమోషనల్ పోస్ట్!

సుమన్ శెట్టి వర్సెస్ హారిక

ఇక 80వ రోజు బుధవారం ఎపిసోడ్‌కు సంబంధించి వచ్చిన ప్రోమోస్‌ని గమనిస్తే.. బిగ్ బాస్ పాత కంటెస్టెంట్ ప్రేరణ (Prerana)తో తనూజ తలపడింది. కావాలని అడిగి మరీ ప్రేరణతో తనూజ (Tanuja) పోటీకి దిగింది. కానీ కష్టమైన టాస్క్‌ని బిగ్ బాస్ సెట్ చేశాడు. ఈ టాస్క్‌లో అంతా బాగానే ఆడింది కానీ, చివరి నిమిషంలో గేమ్‌ని లాస్ అయినట్లుగా తెలుస్తుంది. ఆమె గెలిచిందా? లేదా? తెలియాలంటే మాత్రం రాత్రికి వచ్చే ఎపిసోడ్ చూడాల్సిందే. సుమన్ శెట్టి వర్సెస్ హారిక (Suman Shetty vs Harika) అంటూ మరో ప్రోమోని బిగ్ బాస్ విడుదల చేశారు. ఇందులో పాత కంటెస్టెంట్ దేత్తడి హారిక.. చీర కొంగు ముఖానికి కప్పుకుని హౌస్‌లోకి ఎంట్రీ ఇస్తోంది. ‘నేను ఎవరో గెస్ చేయండి.. ముట్టుకుంటే డిజడ్వాంటేజ్’ అని చెప్పింది. ఆమెను ఎవరూ కనిపెట్టలేకపోయారు. దీంతో ఆమె క్లూస్ ఇవ్వడం స్టార్ చేసింది. ‘నేను సీజన్ 4.. టాప్ 5లో ఒకరిని’ అని చెప్పగానే ఆమెని ఇమ్మానుయేల్ గుర్తుపట్టేశాడు. దేత్తడి హారిక అని చెప్పేశాడు. ఇక హౌస్‌లోకి ఎంట్రీ ఇచ్చిన దేత్తడి హారిక.. ఒక్కొక్కరిని ఆట పట్టించి, అలరించింది. ‘ఒక్కొక్కరు ఫుల్ ఆడుతున్నారు టాస్క్‌లు’ అని అంటుంటే.. ఇమ్ము మళ్లీ తనదైన తరహాలో ‘నిన్నటి నుంచి నీకోసమే వెయిట్ చేస్తున్నా’ అంటూ పంచ్ పేల్చాడు. ‘‘దివ్యగారు.. నేను భరణితోటి మాట్లాడవచ్చా. తనూజ నీకు ఓకే కదా’’ అని ఇద్దరిపై పంచ్ పేల్చింది. ‘హేయ్ డిమోన్ ఇంకా ఏంటి ఇక్కడే ఉన్నావ్.. అంటే రీతూ లేదు కదా’ అనగానే.. రీతూ పరిగెత్తుకుంటూ వస్తుంది.. ‘ఊ.. వచ్చిందమ్మా వయ్యారీ’ అంటూ అందరినీ ఎంటర్‌టైన్ చేసింది. ఇక టాస్క్‌లోకి తీసుకెళ్లాడు బిగ్ బాస్.

Also Read- NBK111: నటసింహం బాలయ్య, గోపీచంద్ మలినేని కాంబో చిత్రానికి క్లాప్ కొట్టిందెవరంటే?

డిమోన్ పవన్ వర్సెస్ మానస్

‘హారికతో గెలవడానికి మీకు ఇస్తున్న ఛాలెంజ్ ‘టవరాఫ్ పవర్’. అక్కడ ప్లేట్‌లో ఉన్న వాటిని ఒక్కొక్కటిగా తీసుకుని.. మీ పోడియం దగ్గరకు వెళ్లి, ఒకదానిపై ఒకటి పెడుతూ.. ఎత్తైన టవర్ నిర్మించాలి’ అని చెప్పారు. ఈ టాస్క్‌కు భరణి సంచాలక్‌గా ఉన్నారు. హారికకూ, సుమన్‌కు ఈ టాస్క్ టఫ్‌గానే ఉంది. మరి ఈ టాస్క్‌లో ఎవరు గెలిచారనేది మాత్రం బిగ్ బాస్ రివీల్ చేయలేదు. మరో ప్రోమోలో డిమోన్ పవన్ వర్సెస్ మానస్ (Demon Pavan vs Maanas) తలపడుతున్నట్లుగా చూపించారు. మానస్ ఇంటిలోకి అడుగు పెట్టగానే అంతా హ్యాపీగా వచ్చి హగ్ చేసుకున్నారు. ఆ తర్వాత హౌస్‌లోని హౌస్‌మేట్స్ అందరితో మానస్ డ్యాన్స్ స్టెప్స్ ప్రాక్టీస్ చేయించాడు. ఈ స్టెప్స్ ఫుల్ ఎంటర్‌టైన్ చేసే విధంగా ఉన్నాయి. ‘నైట్ ఈట్ టు విన్ ఇట్’ అనే టాస్క్‌ని మానస్, పవన్‌లకు ఇచ్చాడు బిగ్ బాస్. ఈ టాస్క్‌లో మానస్ యాక్టివ్‌గా కనిపిస్తున్నాయి. ఫైనల్‌గా ఎవరు గెలిచారనేది తెలియాలంటే రాత్రి 9.30 గంటల వరకు వెయిట్ చేయాల్సిందే.