Thummala Nageswara Rao: వరి కొయ్యలను కాల్చితే దుష్పరిణామాలు.. రైతులకు అవగాహన కల్పించాలి : మంత్రి తుమ్మల నాగేశ్వరరావు

Thummala Nageswara Rao: పంట అవశేషాల లేదా వ్యర్థాల నిర్వహణపై ఒక లఘుచిత్రాన్ని గ్రామగ్రామాన ప్రదర్శించాలని మంత్రి తుమ్మల నాగేశ్వరరావు (Thummala Nageswara Rao) అధికారులను ఆదేశించారు. రైతునేస్తంలో భాగంగా మంగళవారం సచివాలయం నుంచి వీడియోకాన్ఫరెన్స్ నిర్వహించారు. కేంద్రం తీసుకొచ్చిన విత్తన బిల్లు-2025 ముసాయిదాను రైతులకు వివరించారు. జిల్లా కలెక్టర్ల ఆధ్వర్యంలో సదస్సులు నిర్వహించి, రాష్ట్ర వ్యాప్తంగా రైతుల నుంచి రాతపూర్వకంగా అభిప్రాయలు సేకరించి, ప్రభుత్వానికి అందజేయాలని వ్యవసాయశాఖ డైరెక్టర్ గోపి ని ఆదేశించారు.

Also Read: Thummala Nageswara Rao: పత్తి కొనుగోలు బాధ్యత కేంద్రానిది కాదా?.. కేంద్ర ప్రభుత్వంపై మండిపడిన మంత్రి తుమ్మల

రైతులకు శాస్త్రవేత్తలు అవగాహన

జాతీయ ఆహార భద్రత మిషన్ (ఎన్ఎఫ్ఎస్ఎం)పథకంతో వరి విత్తనాల పంపిణీ కార్యక్రమాన్ని మంత్రి ప్రారంభించారు. ఈ సందర్భంగా తుమ్మల మాట్లాడుతూ ఆయిల్ పామ్ పంటల్లో అంతర పంటల సాగు ఆవశ్యకత గురించి, వరి పంట కోత అనంతరం వరి కొయ్యలను కాల్చకుండా భూమిలో దున్ని పర్యావరణాన్ని సంరక్షించాల్సిన అవసరంపై రైతులకు శాస్త్రవేత్తలు అవగాహన కల్పించారు. పంట అవశేషాలను కాల్చడంతో కలిగే దుష్పరిణామాలను గ్రామగ్రామాన తిరిగి అధికారులు విస్తృత అవగాహన కల్పించాల్సలని ఆదేశించారు. గత ప్రభుత్వం రైతు వేదికలను నిర్మించి, వాటిని నిరూపయోగంగా వదిలేసిందని, కాని మా ప్రభుత్వం ఏర్పడగానే, రైతు వేదికలలో దృశ్య,శ్రావణ మాద్యమాలను ఏర్పాటు చేసి, వాటిని రైతుల కోసం ఉపయోగిస్తున్నట్టు తెలిపారు. రాష్ట్ర వ్యవసాయ, రైతు సంక్షేమ కమిషన్ చైర్మన్ కోదండ రెడ్డి, సీడ్ కార్పోరేషన్ చైర్మన్ అన్వేష్ రెడ్డి విత్తన బిల్లు 2025 ను సమగ్రంగా రూపొందించేలా సూచనలు చేశారు. ఈ కార్యక్రమంలో ఇల్లెందు ఎమ్మెల్యే కోరం కనకయ్య, రైతులు పాల్గొన్నారు.

Also Read: Thummala Nageswara Rao: రైతుల సంక్షేమం కోసం నాబార్డు పని చేయాలి : మంత్రి తుమ్మల నాగేశ్వరరావు