Mahesh Kumar Goud: స్థానిక సంస్థల్లో గెలిస్తేనే మైలేజ్.. ప్రతిష్టాత్మకంగా తీసుకోవాల్సిందే : పీసీసీ చీఫ్​ ఆదేశాలు

Mahesh Kumar Goud: ప్రభుత్వ పథకాలు జనాల్లోకి విస్తృతంగా వెళ్లాలని పీసీసీ చీఫ్​ మహేష్​ కుమార్ గౌడ్ (Mahesh Kumar Goud) పార్టీ నేతలకు ఆదేశాలిచ్చారు. ఫ్రంటల్ ఆర్గనైజేషన్స్ టీమ్స్ యాక్టివ్ గా పనిచేయాలని సూచించారు. స్థానిక సంస్థల ఎన్నికల నేపథ్యంలో సోమవారం ఆయన పలువురు ముఖ్య నేతలకు దిశానిర్దేశం చేశారు. స్థానిక సంస్థల్లో గెలిస్తేనే పార్టీ, ప్రభుత్వానికి మైలేజ్ వస్తుందని వివరించారు. ప్రభుత్వ ఏర్పాటులో కష్టపడ్డ క్షేత్రస్థాయి నేతల విజయానికి మంత్రుల నుంచి చైర్మన్లు వరకు అంతా పనిచేయాల్సిన అవసరం ఉన్నదన్నారు.

Also Read: Mahesh Kumar Goud: తన రాజకీయ గురువు ఎవరో చెప్పిన టీపీసీసీ అధ్యక్షుడు మహేష్ కుమార్ గౌడ్

ప్రతీష్టాత్మకంగా తీసుకోవాల్సిందే

ఈ ఎన్నికలను అసెంబ్లీ ఎన్నికల కంటే ప్రతీష్టాత్మకంగా తీసుకోవాల్సిందేనని నొక్కి చెప్పారు. క్షేత్రస్థాయి లో గ్రామ అభివృద్ధికి భరోసా కల్పించాలన్నారు. అన్ని జిల్లాల్లో విస్తృత పర్యటనలు చేయాలని సూచించిన ఆయన..తాను కూడా క్షేత్రస్థాయి పర్యటనలు నిర్వహించేందుకు రెడీ అయినట్లు నేతలకు తెలిపారు. ఎప్పటికప్పుడు పార్టీ మానిటరింగ్ తప్పనిసరిగా ఉంటుందని, నేతలంతా సమన్వయంగా వర్క్ చేయాలన్నారు.

Also Read: Mahesh Kumar Goud: డిప్యూటీ సీఎం అంటూ ప్రచారం.. టీపీసీసీ చీఫ్ ఆసక్తికర కామెంట్స్