Epaper 
Fenugreek Seeds: మెంతులు మన వంటింట్లో సాధారణంగా కనిపించే దినుసే కానీ, ఎన్నో ఆరోగ్య ప్రయోజనాలు ఉన్నాయి. రాత్రంతా నీటిలో నానబెట్టిన మెంతులను ఉదయం ఖాళీ కడుపుతో తాగితే శరీరానికి అనేక రకాలుగా మేలు చేస్తుంది. జీర్ణక్రియను మెరుగుపరచడం, బరువు తగ్గడంలో సహాయం చేయడం, రక్తంలో చక్కెర స్థాయిలను నియంత్రించడం వంటి ప్రయోజనాలు కలుగుతాయి. ప్రతిరోజూ ఉదయం మెంతుల నీరు తాగడం వల్ల కలిగే ముఖ్యమైన లాభాలు ఇక్కడ తెలుసుకుందాం..
జీర్ణక్రియను మెరుగుపరుస్తుంది
మెంతుల్లో ఉండే సొల్యూబుల్ ఫైబర్ (ద్రవీభవించే ఫైబర్) మలబద్ధకం సమస్యను తగ్గించి, పేగుల కదలికలను సక్రమం చేస్తుంది. ఉదయం మెంతుల నీరు తాగడం వల్ల జీర్ణ ఎంజైమ్స్ యాక్టివ్ అవుతాయి, బ్లోటింగ్ తగ్గి ఆరోగ్యం మెరుగవుతుంది.
Also Read: National Education Day 2025: నేషనల్ ఎడ్యుకేషన్ డే.. మన దేశంలో ఈ రోజు ఎందుకు అంత ముఖ్యమో తెలుసా?
బరువు తగ్గడంలో సహాయపడుతుంది
మెంతుల నీటిలోని ఫైబర్ కంటెంట్ ఆకలిని నియంత్రించి, ఎక్కువ తినే అలవాటు తగ్గిస్తుంది. అలాగే కార్బోహైడ్రేట్లు, చక్కెర శోషణ వేగాన్ని తగ్గించడం ద్వారా బరువు నియంత్రణకు సహాయం చేస్తుంది.
రక్తంలో చక్కెర స్థాయిలను నియంత్రిస్తుంది
మెంతుల్లో ఉండే నేచురల్ కంపౌండ్స్ ఇన్సులిన్ సెన్సిటివిటీని పెంచుతాయి. క్రమం తప్పకుండా మెంతుల నీరు తాగడం డయాబెటిస్ ఉన్నవారికి లేదా చక్కెర స్థాయిలు సరిగా ఉంచుకోవాలనుకునేవారికి మేలు చేస్తుంది.
శరీరాన్ని డిటాక్స్ చేస్తుంది
మెంతుల నీరు సహజమైన క్లెన్సింగ్ లక్షణాలతో శరీరంలోని టాక్సిన్స్‌ను బయటకు పంపిస్తుంది. కాలేయ ఆరోగ్యాన్ని కాపాడి, మెటబాలిజంను మెరుగుపరుస్తుంది. దీని వల్ల మీరు రోజంతా ఉత్సాహంగా ఉంటారు.
గుండెను ఆరోగ్యంగా ఉంచుతుంది
నియమితంగా మెంతుల నీరు తాగడం వల్ల కొలెస్ట్రాల్ స్థాయిలు తగ్గుతుంది. దీని వల్ల గుండె సంబంధిత వ్యాధుల ప్రమాదం తగ్గి, ఆరోగ్యం బలోపేతం అవుతుంది.
గమనిక: పలు హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘స్వేచ్ఛ’ ఎటువంటి బాధ్యత వహించవని గమనించగలరు.
