Kantara Chapter 1: రిషబ్‌ శెట్టి (Rishab Shetty) నటించి, దర్శకత్వం వహించిన ‘కాంతార: చాప్టర్‌ 1’ (Kantara: Chapter 1) చిత్రం ప్రపంచవ్యాప్తంగా అద్భుతమైన స్పందనను రాబట్టుకుంటోంది. బాక్సాఫీస్ వద్ద రికార్డు కలెక్షన్లతో దూసుకుపోతున్న ఈ మైథలాజికల్ డ్రామా నుంచి మేకర్స్ తాజాగా సినిమాలోని ‘బ్రహ్మ కలశ’ పూర్తి వీడియో సాంగ్‌ (Brahmakalasha Telugu Video Song)ను విడుదల చేశారు. ఈ భక్తి పాట ప్రస్తుతం సోషల్ మీడియాలో, అలాగే యూట్యూబ్‌లో ట్రెండింగ్‌లో ఉంది. థియేటర్లలో ప్రేక్షకులను ఉర్రూతలూగించిన ఈ పాటలోని విజువల్స్, సంగీతం సినిమాకు ప్రాణంగా నిలిచాయి. తొలి భాగం ‘కాంతార’లోని ‘వరాహరూపం’ పాట ఎంతటి సంచలనాన్ని సృష్టించిందో, అదే స్థాయిలో ఈ ప్రీక్వెల్‌లోని ‘బ్రహ్మ కలశ’ కూడా ప్రేక్షకుల హృదయాలను తాకుతోంది. ఇంకా చెప్పాలంటే పూనకాలు తెప్పిస్తుందని అంటే బాగుంటుందేమో..

Also Read- Bigg Boss Telugu 9: డే 31 ఎక్స్‌ప్లోజివ్ టాస్క్స్.. తనూజ, కళ్యాణ్ పడేశారు.. సుమన్ శెట్టి ఆర్ట్ పీక్స్!

‘తెలియదు శివుడా భక్తి మార్గము’

ఈ పాటలో శివుడిని భక్తితో ఆరాధించే సన్నివేశాలను అత్యంత శక్తివంతమైన విజువల్స్‌తో చిత్రీకరించారు. ‘తెలియదు శివుడా భక్తి మార్గము’ అంటూ సాగిన ఈ పాట ఆద్యంతం కన్నుల పండుగగా, భక్తిభావం ఉట్టిపడేలా ఉంది. రిషబ్‌శెట్టి మార్క్ మేకింగ్, అరవింద్‌ ఎస్‌ కశ్యప్‌ సినిమాటోగ్రఫీ ఈ పాటను మరో స్థాయికి తీసుకెళ్లాయి. ‘కాంతార’ చిత్రానికి సంగీతం అందించిన బి. అజనీష్ లోక్‌నాథ్ ఈ పాటకు కూడా అద్భుతమైన సంగీతాన్ని సమకూర్చారు. ఈ పాటలో ‘వరాహరూపం’ థీమ్ మ్యూజిక్‌ను గుర్తు చేసేలా పౌరాణిక శక్తితో కూడిన స్వరాలను వినియోగించారు. తెలుగు పాటకు కృష్ణకాంత్ సాహిత్యం అందించగా, అబ్బి వి ఈ పాటను అన్ని భాషలలో ఆలపించడం విశేషం. ‘బ్రహ్మ కలశ’ కేవలం పాట మాత్రమే కాదు, ‘కాంతార: చాప్టర్‌ 1’ కథనంలో ఒక ముఖ్యమైన మలుపు తిరిగే సన్నివేశాలను సూచిస్తుంది. భక్తి, సంస్కృతి, పురాణం మేళవింపుగా రూపొందిన ఈ పాట సినిమా విజయంలో కీలక పాత్ర పోషించిందని అనడంలో ఎలాంటి సందేహం లేదు. ఇందులో రుక్మిణి వసంత్ (Rukmini Vasanth) నాట్యం కూడా, రిషబ్ డప్పు మరో ప్రధాన హైలెట్ అని చెప్పుకోవచ్చు.

Also Read- Navi Mumbai Airport: దేశంలో తొలి డిజిటల్ ఎయిర్ పోర్ట్.. నిర్మాణానికి రూ.19,650 కోట్లు ఖర్చు.. ప్రత్యేకతలు ఇవే!

ఏడు రోజుల్లోనే అద్భుతమైన వసూళ్లు

హోంబలే ఫిలింస్‌ పతాకంపై విజయ్‌ కిరగందూర్‌ నిర్మించిన ‘కాంతార: చాప్టర్‌ 1’ సినిమా అక్టోబర్ 2న (దసరా కానుకగా) ప్రపంచవ్యాప్తంగా విడుదలైంది. థియేటర్లలో ఏడు రోజుల్లోనే అద్భుతమైన వసూళ్లు సాధించిన నేపథ్యంలో, మేకర్స్ సినిమాలోని ఈ కీలకమైన వీడియో సాంగ్‌ను విడుదల చేసి, ప్రేక్షకులకు మంచి ట్రీట్ ఇచ్చారు. ఈ పాట విడుదలైన కాసేపటికే టాప్‌లో ట్రెండింగ్‌లోకి వచ్చేసింది. ఈ సినిమాలో రిషబ్‌శెట్టితో పాటు రుక్మిణీ వసంత్, జయరామ్, గుల్షన్ దేవయ్య తదితరులు ముఖ్యపాత్రలు పోషించారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు