Ram Charan: రామ్ చరణ్ ‘పెద్ది’ సినిమా నుంచి ప్రత్యేక పోస్టర్ రిలీజ్.. ఎందుకంటే?

Ram Charan: గ్లోబల్ స్టార్ రామ్ చరణ్ కు పెద్ది టీం స్పెషల్ విషెస్ తెలిపింది. ఎందుకంటే రామ్ చరణ్ సినిమా పరిశ్రమకు వచ్చి 18 ఏళ్లు గడుస్తోంది. దీనిని అభినందనలు తెలుపుతూ మూవీ టీం తాజాగా ప్రత్యేక పోస్టర్ ను విడుదల చేశారు. దీనిని చూసిన అభిమానులు సంబారాలు చేసుకుంటున్నారు. చిరుతతో మొదలైన ప్రయాణంలో ఎన్నో ఒడిదుడుకులను తట్టుకుని రామ్ చరణ్ ప్రస్తుతం గ్లోబల్ స్టార్ గా ఎదిగారు. నటనలోనే కాకుండా.. సేవాగుణంలోనూ తండ్రి బాటలో నడుస్తూ తనకంటూ ఓ ప్రత్యేకత ఏర్పరుచుకున్నారు. తెలుగు సినీ పరిశ్రమలో ఎందరికో ఆదర్శం అయ్యారు.

Read also-Endowments Department: ఏళ్లుగా దేవాదాయశాఖలో 410 పోస్టులు ఖాళీ.. భార్తీకి మోక్షం ఎప్పుడు?

ఈ 18 ఏళ్ల మైలురాయిని జరుపుకునేందుకు, రామ్ చరణ్ అభిమానులు సోషల్ మీడియాలో #18YearsOfRAMCHARANsGlory హ్యాష్‌ట్యాగ్‌తో ఉత్సవాలు చేస్తున్నారు. పెద్ది టీమ్ రిలీజ్ చేసిన పోస్టర్‌లో రామ్ చరణ్ రైల్వే ట్రాక్స్ మీద నిలబడి, బీర్డ్, ప్యాటర్న్డ్ షర్ట్, బ్లాక్ ప్యాంట్స్‌లో కనిపిస్తున్నాడు. డైరెక్టర్ బుచ్చి బాబు సనా (ఉప్పెనా ఫేమ్), హీరోయిన్ జాన్వీ కపూర్, శివ రాజ్‌కుమార్, దివ్యేందు శర్మ, జగపతి బాబు మొదలైనవారు ఈ పెద్ద సినిమాలో ప్రధాన పాత్రలు పోషిస్తున్నారు. ఎ.ఆర్. రహ్మాన్ మ్యూజిక్ అందిస్తున్నారు. ఈ రూరల్ స్పోర్ట్స్ డ్రామా, మార్చి 27, 2027కి రిలీజ్ కానుంది. ఈ సందర్భంగా బుచ్చి బాబు సనా రామ్ చరణ్ పై చేసిన పోస్ట్ తెగ వైరల్ అవుతోంది. “స్క్రీన్ మీద వారసత్వాన్ని భర్తీ చేస్తూ, ఆఫ్-స్క్రీన్ గ్రౌండెడ్‌గా ఉండటం – మీరు అందరి మధ్యలోనూ ప్రత్యేకంగా నిలిచారు” అంటూ పోస్టర్ క్యాప్షన్ రాసుకొచ్చారు.

Read also-TVK rally stampede: కరూర్ ఘటనపై దళపతి ఎమోషనల్ పోస్ట్.. వారికి సాయం ప్రకటన..

తెలుగు సినిమా పరిశ్రమలో ఒక మెగా స్టార్ ఎలా ఆవిర్భవిస్తాడో, ఆయన ఎలా ఒక ఐకాన్‌గా మారతాడో అనేది రామ్ చరణ్ కథలో స్పష్టంగా కనిపిస్తుంది. 2007లో ‘చిరుత’తో తన ప్రయాణాన్ని ప్రారంభించిన ఈ మెగా పవర్ స్టార్, ఇప్పుడు 18 సంవత్సరాలు పూర్తి చేస్తున్నాడు. ఈ 18 ఏళ్లలో, చరణ్ కేవలం హీరోగా మాత్రమే కాకుండా, డాన్సర్‌గా, ప్రొడ్యూసర్‌గా, ఎంటర్‌ప్రెన్యూర్‌గా తనదైన ముద్ర వేశాడు. మెగాస్టార్ చిరంజీవి కుమారుడిగా జన్మించినప్పటికీ, స్వశక్తితో ముందుకు సాగాడు. 2007లో పూరీ జగన్నాథ్ డైరెక్షన్‌లో వచ్చిన ‘చిరుత’ అతని డెబ్యూ సినిమా. ఈ చిత్రం బాక్సాఫీస్ వద్ద సక్సెస్‌గా నిలిచింది. చరణ్‌కు ఫిల్మ్‌ఫేర్ బెస్ట్ మేల్ డెబ్యూ అవార్డు, నంది స్పెషల్ జ్యూరీ అవార్డు వచ్చేలా చేసింది.

18 YEARS OF “MEGA POWER STAR” IN CINEMA ❤‍🔥

From the most awaited debut to one of the most celebrated actors, your journey in cinema has been sensational @AlwaysRamCharan Sir ❤️
I'm so happy to be a part of this incredible journey Sir ❤️🤗🙏

Dear @AlwaysRamCharan fans, #Peddi… pic.twitter.com/QCLQFCRGqt

— BuchiBabuSana (@BuchiBabuSana) September 28, 2025