Epaper 
OG Movie: పవర్ స్టార్ పవన్ కళ్యాణ్ నటించిన ‘ఓజీ’ (ఒరిజినల్ గ్యాంగ్‌స్టర్) సినిమా హైప్ ఆకాశాన్ని తాకుతోంది. అమలాపురం నుంచి అమెరికా వరకు ఈ చిత్రం కోసం ఫ్యాన్స్ ఎంతో ఆశగా ఎదురుచూస్తున్నారు. ఆన్‌లైన్ టికెట్ బుకింగ్స్ క్షణాల్లో ఖాళీ అయిపోతున్నాయి. ముఖ్యంగా, ప్రీమియర్ షోలకు డిమాండ్ ఊహించని స్థాయిలో ఉంది. టికెట్ రేట్లు పెంచినా, ఫ్యాన్స్ సినిమా లవర్స్ ‘OG’ టికెట్లను ఎగబడి కొనుగోలు చేస్తున్నారు. రిలీజ్‌కు ముందే ఈ మూవీ భారీ కలెక్షన్లతో దూసుకెళ్తోంది.
OG సినిమా రికార్డ్-బ్రేకింగ్ కలెక్షన్స్..
‘OG’ సిని విజయవాడలో సరికొత్త రికార్డ్ సృష్టించింది. కేవలం ప్రీమియర్ షోలతోనే ఒక్క విజయవాడ నగరంలో రూ.1.24 కోట్ల గ్రాస్ వసూలు చేసింది. ఇది ఇప్పటివరకు విజయవాడలో ఏ సినిమాకు సాధ్యం కాని అసాధారణ రికార్డ్ అని స్థానిక డిస్ట్రిబ్యూటర్స్ అంటున్నారు. ముందస్తు రోజు ప్రీమియర్‌లు, ఎర్లీ మార్నింగ్ షోలతో కలిపి ఈ భారీ కలెక్షన్ సాధించడం విశేషం.
నిముష నిముషానికి డిమాండ్ పెరగడంతో షోలు కూడా విపరీతంగా పెరుగుతున్నాయి. షోలు, కలెక్షన్స్ ఉన్న భారీ డిమాండ్‌తో థియేటర్లలో షోల సంఖ్య మరింత పెరిగే అవకాశం ఉంది. దీంతో, కలెక్షన్లు కూడా రికార్డు స్థాయిలో పెరగనున్నాయి. విజయవాడతో పాటు, రాష్ట్రవ్యాప్తంగా.. దేశవ్యాప్తంగా ‘OG’ చిత్రం ఆల్-టైమ్ రికార్డులను బద్దలు కొడుతోందనడంలో ఎలాంటి సందేహం లేదు. ఈ సినిమా హైప్‌ను చూసిన ఫ్యాన్స్, “ఇదే కదా పవర్ స్టార్ స్టామినా!” అంటూ సోషల్ మీడియాలో కామెంట్స్ చేస్తున్నారు.
