Bunny Vasu reaction: బండ్లన్నకు అదిరిపోయే కౌంటర్ ఇచ్చిన బన్నీవాస్.. అప్పుడే ఆయన స్టార్ అయ్యారు

Bunny Vasu reaction: తెలుగు సినిమా పరిశ్రమలో యువతను ఆకర్షించిన రొమాంటిక్ కామెడీ ‘లిటిల్ హార్ట్స్’ సినిమాప్రేక్షకులను మెప్పించింది. ఈ చిత్రం, మౌళి తానూజ్ ప్రసాంత్, శివాని నాగరామ్ జంటగా నటించారు. డైరెక్టర్ సాయి మార్తాండ్ రాసి, తీర్చిన ఈ యువ ప్రేమ కథ, EAMCET పరీక్షలో విఫలమైన అఖిల్ (మౌళి), కాత్యాయిని (శివాని) మధ్య జరిగే హాస్యాస్పదమైన ప్రేమా ప్రయాణాన్ని చూపిస్తోంది. రొమాంటిక్ కామెడీ జోనర్‌లో తాజాగా, మెలోడ్రామా లేకుండా, పూర్తి ఎంటర్‌టైన్‌మెంట్‌తో ప్రేక్షకులను ఆకట్టుకుని, బాక్సాఫీస్ వద్ద సూపర్ హిట్ అయింది. డే వన్ కలెక్షన్స్ 2.5 కోట్లు, మొత్తం బడ్జెట్ కంటే ఎక్కువ లాభాలు సంపాదించింది. ప్రొడ్యూసర్ ఆదిత్య హసన్, డిస్ట్రిబ్యూటర్లు బన్నీ వాసు, వంశీ నందిపాటి చేత ప్రమోట్ చేయబడిన ఈ చిత్రానికి, అల్లు అర్జున్, రవి తేజ, అనిల్ రవిపూడి వంటి సెలబ్రిటీలు పాజిటివ్ రివ్యూస్ ఇచ్చారు. అల్లు అర్జున్ ట్వీట్: “నో మెలోడ్రామా, నో గ్యాన్… జస్ట్ ఫుల్ ఎంటర్‌టైన్‌మెంట్” అని ప్రశంసించారు.

Read also-Bandla Ganesh: అల్లు అరవింద్‌పై చేసిన కామెంట్‌కు సమాధానం చెప్పిన బండ్ల గణేష్.. అంతేగా..

ఈ సినిమా విజయాన్ని హైదరాబాద్‌లో ‘లిటిల్ హార్ట్స్ సెలబ్రేషన్ ఆఫ్ గ్లోరీ’ అనే గ్రాండ్ సక్సెస్ మీట్ నిర్వహించారు. ఈ ఈవెంట్‌కు చీఫ్ గెస్ట్‌గా హీరో విజయ్ దేవరకొండ వచ్చారు. టీమ్ సభ్యులు మౌళి, శివాని, డైరెక్టర్ సాయి మార్తాండ్, ప్రొడ్యూసర్ ఆదిత్య హసన్, డిస్ట్రిబ్యూటర్లు బన్నీ వాసు, వంశీ నందిపాటి తో పాటు, అల్లు అరవింద్ (గీతా ఆర్ట్స్ చైర్మన్), బండ్ల గణేష్ వంటి సీనియర్ ప్రొడ్యూసర్లు హాజరయ్యారు. ఈవెంట్‌లో ప్రొడ్యూసర్ బండ్ల గణేష్, అల్లు అరవింద్ పై చేసిన వ్యాఖ్యలు దుమారం రేపుతున్నాయి. అతని బ్లంట్, హాస్యాస్పదమైన కామెంట్స్ సోషల్ మీడియాలో వైరల్ అయ్యి, ఇండస్ట్రీలో చర్చనీయాంశంగా మారాయి. బండ్ల గణేష్, తన స్పీచ్‌లో మొదట ‘లిటిల్ హార్ట్స్’ టీమ్‌ను అభినందించారు. “ఈ సినిమా తీసినందుకు బన్నీ వాసు, వంశీ నందిపాటికి అభినందనలు. ఇది ఒక చిన్న బడ్జెట్ చిత్రం, కానీ ప్రేక్షకుల హృదయాల్లో పెద్ద స్థానం పొందింది. డైరెక్టర్ సాయి మార్తాండ్, మౌళి, శివాని వంటి యువ కళాకారులు గొప్ప పని చేశారు. పెద్ద డైరెక్టర్లు ఇలాంటి చిన్న సినిమాలు చూసి తల వంచాలి” అని ప్రశంసించారు.

కానీ, తర్వాత అల్లు అరవింద్ వైపు చూస్తూ, “బన్నీ, వంశీ ఇంత కష్టపడి పని చేస్తున్నారు. కానీ అల్లు అరవింద్ .. ఏమీ చేయరు! లాస్ట్‌లో వచ్చి క్రెడిట్స్ తీసుకుంటారు. ఆయన షర్ట్ నలగదు, కష్టం ఉండదు.. కోట్లు వచ్చి పడతాయి. ఇది ఆయన జాతకం. ” అని చెప్పారు. ఈ మాటలు హాల్‌లో అందరినీ ఆశ్చర్యపరిచాయి. బన్నీ వాసు తల పట్టుకుని నవ్వుతూ, అల్లు అరవింద్‌కు వివరిస్తూ ఉండటం, విజయ్ దేవరకొండ ఆశ్చర్యంగా చూడటం వీడియోల్లో కనిపిస్తాయి. ప్రస్తుతం దీనికి సంబంధించి వీడియో సోషల్ మీడియాలో తెగ వైరల్ అవుతోంది.

Read also-Chevening Scholarship: తెలంగాణ మెరిట్ విద్యార్థులకు చెవెనింగ్ స్కాలర్షిప్!

ఈ వ్యాఖ్యలపై ప్రముఖ నిర్మాత బన్నీ వాస్ స్పందించారు. అల్లు అరవింద్ పుట్టిన తర్వాతే అల్లు రామలింగయ్యకు కలిసి వచ్చిందని చెప్పుకొచ్చారు. ఈ విషయం బండ్ల గణేష్ కు తెలియదు అనుకుంట అని అన్నారు. అంతే కాకుండా మీ జర్నీ మాలాంటి వారికి ఎంతో స్ఫూర్తి అని అన్నారు. ఈ సినిమాలో మిమ్మల్ని చాలా మిస్ అయ్యాను ఎందుకంటే.. ఈ సినిమా తీసే సమయంలో మీరు లేరు అందుకు మాకు చాలా ఈజీ అయిపోయింది. అంత పని పెడతారు ఆయన అంటూ చెప్పుకొచ్చారు. దీంతో ఈ విషయం బండ్ల గణేష్ కు చెంపపెట్టులా మారింది. ఈ విషయంపై స్పందించిన బండ్ల గణేష్ సోషల్ మీడియా ద్వారా అల్లు అరవింద్ ను పొగడ్తలతో ముంచెత్తారు.