War 2 pre release: ఎన్టీఆర్ అభిమానులకు గుడ్ న్యూస్.. ‘వార్ 2’ ప్రీ రిలీజ్ ఎక్కడంటే..

War 2 pre release: ఎన్టీఆర్ అభిమానులకు శుభవార్త! హృతిక్ రోషన్, జూనియర్ ఎన్టీఆర్ నటించిన అభిమానులు ఎంతో  ఆసక్తిగా ఎదురుచూస్తున్న చిత్రం ‘వార్ 2’. ఈ సినిమాకు సంబంధించి నిర్మాతలు ఓ అప్డేట్ ఇచ్చారు. గ్రాండ్ ప్రీ-రిలీజ్ ఈవెంట్ ఆగస్టు 10, 2025న హైదరాబాద్‌లోని యూసుఫ్‌ గూడ పోలీస్ గ్రౌండ్స్‌లో సాయంత్రం 5 గంటల నుండి జరగనుందని తెలిపారు. ఈ ఈవెంట్ సినీ అభిమానులకు ఒక ఉత్సవంలా ఉండబోతోంది. ఇందులో హృతిక్ రోషన్, ఎన్టీఆర్‌లు స్టేజ్‌పై కలిసి కనిపించనున్నారు. ఇది ఈ చిత్రానికి సంబంధించిన ప్రమోషన్‌లలో ఒక అరుదైన క్షణం. ఈ ఈవెంట్ ‘వార్ 2’ విడుదలకు ముందు అభిమానులలో ఉత్సాహాన్ని మరింత పెంచనుంది. ఇది రజనీకాంత్ కూలీ చిత్రంతో బాక్స్ ఆఫీస్ వద్ద హోరాహోరీగా పోటీ పడనుంది. ఈ భారీ పాన్-ఇండియా యాక్షన్ థ్రిల్లర్‌ను 2025 ఆగస్టు 14న ప్రపంచ వ్యాప్తంగా థియేటర్లలో విడుదల కానుంది.

Read also- Singer Madhu Priya: చెల్లెలి పెళ్లి వేడుకల్లో సింగర్ మధుప్రియ.. ఫ్యామిలీ అంతా కలిసిపోయారా?

‘వార్ 2’ యాష్ రాజ్ ఫిల్మ్స్ స్పై యూనివర్స్‌లో ఒక ముఖ్యమైన చిత్రంగా రూపొందింది. వార్ కి సీక్వల్ గా రాబోతున్న ఈ చిత్రంలో హృతిక్ రోషన్ ఎన్టీఆర్‌తో కలిసి యాక్షన్-ప్యాక్డ్ స్పై థ్రిల్లర్‌ను అందించనున్నారు. కియారా అద్వానీ కథానాయికగా నటిస్తుండగా, అయాన్ ముఖర్జీ దర్శకత్వం వహిస్తున్నారు. ఈ చిత్రం హిందీ, తెలుగు, తమిళ భాషల్లో విడుదల కానుంది. ట్రైలర్ ఇప్పటికే ప్రేక్షకులలో భారీ అంచనాలను రేకెత్తించింది. ఈ ప్రీ-రిలీజ్ ఈవెంట్ తెలుగు ప్రేక్షకుల కోసం ప్రత్యేకంగా రూపొందించబడింది. దీనిని తెలుగు డిస్ట్రిబ్యూటర్ నాగ వంశీ నిర్వహిస్తున్నారు.

Read also- Kantara Chapter 1: ‘కాంతార చాప్టర్ 1’ హీరోయిన్ ఫస్ట్ లుక్ విడుదల.. సప్తమి గౌడ కాదండోయ్!

యూసుఫ్‌గూడ పోలీస్ గ్రౌండ్స్‌లో జరిగే ఈ ఈవెంట్‌లో లక్షలాది అభిమానులు హాజరయ్యే అవకాశం ఉంది. దీని కోసం భారీ ఏర్పాట్లు జరుగుతున్నాయి. భద్రతా ఏర్పాట్లు ట్రాఫిక్ నిర్వహణ కోసం స్థానిక పోలీసు అధికారులతో సమన్వయం చేస్తున్నారు. ఈ ఈవెంట్‌లో ‘వార్ 2’ హృతిక్, ఎన్టీఆర్‌ల నుండి ప్రత్యేక సందేశాలు ఉండే అవకాశం ఉంది. ముఖ్యంగా, సలామ్ అనలి హృతిక్, ఎన్టీఆర్ మధ్య ఒక డాన్స్ రివల్రీని తెలిపేలా ఉంద. ఇది థియేటర్లలో పూర్తి పాటను చూసేందుకు అభిమానుల ఆసక్తిని రెట్టింపు చేస్తుంది. ఈ ఈవెంట్ తెలుగు రాష్ట్రాల్లో ‘వార్ 2’ సినిమా ప్రమోషన్‌లను ఊపందుకునేలా చేయనుంది. నాగ వంశీ ఈ ఈవెంట్‌ను దేవర ఈవెంట్‌కంటే గ్రాండ్‌గా నిర్వహించాలని ప్లాన్ చేస్తున్నారు. ఇది తెలుగు రాష్ట్రాల్లో చిత్రానికి భారీ ఓపెనింగ్‌ను అందించే అవకాశం ఉంది.