Epaper 
Accident: హైదరాబాద్లో ఓ లారీ డ్రైవర్ అత్యంత నిర్లక్ష్యంతో, ఇష్టారీతిన వాహనాన్ని నడిపాడు. ఎదురుగా ఉన్న బైక్ను ఢీకొట్టాడు. అదేమని ప్రశ్నించగా బైక్ను అలాగే ఢీకొట్టి సుమారు రెండున్నర కిలోమీటర్లు ఈడ్చుకెళ్లాడు. ఆ బైక్ రైడర్ తృటిలో ప్రాణపాయం నుంచి తప్పించుకున్నాడు. బైక్ను ఢీకొట్టి ఈడ్చుకెళ్లడానికి సిద్ధం అవుతుండగా రైడర్ ఆ లారీ బ్యానెట్ పట్టుకున్నాడు. లారీని ఆపాలని వేడుకున్నా ఆ లారీ డ్రైవర్ కనికరించలేడు. సరికదా లారీ వేగాన్ని మరింత పెంచాడు. బైక్ను ఈడ్చుకెళ్లుతుంటే లారీ కింద నిప్పులు చిమ్ముతున్న దృశ్యాలతో ఓ వీడియో వైరల్ అయింది. ఈ ఘటన పాతబస్తీ ప్రాంతంలో జరిగింది.
చంపాపేట ప్రధాన రోడ్డుపై హోండా ట్విస్టర్ బైక్ పై స్థానిక వ్యాపారి మహ్మద్ అబ్దుల్ మజీద్ వెళ్లుతున్నాడు. అప్పుడే వెనుక నుంచి ఓ లారీ వచ్చింది బైక్ను ఢీకొట్టింది. దీంతో మజీద్ రోడ్డుకు ఎడమ వైపున పడిపోయాడు. ఆ తర్వాత బైక్ను లారీ అలాగే ఈడ్చుకెళ్లుతుండగా వెంటనే ఆయన లారీ బ్యానెట్పైకి ఎక్కి లారీ ఆపాలని కోరాడు. కానీ, ఆ లారీ డ్రైవర్ మరింత వేగం పెంచాడు. సుమారు రెండున్నర కిలోమీటర్ల మేర బైక్ను అలాగే ఈడ్చుకెళ్లాడు. మజీద్ ఆ లారీ బ్యానెట్ను భద్రంగా పట్టుకున్నాడు. బైక్ మాత్రం పనికిరాకుండా నుజ్జునజ్జయింది.
బైక్ ని రెండు కిలోమీటర్లు ఈడ్చుకెళ్లాడు!
పాతబస్తీలో లారీ డ్రైవర్ దురుసు ప్రవర్తన.. వీడియో వైరల్.ముందు వెళ్తున్న బైక్ ని ఢీకొట్టడంతో లారీ డ్రైవర్ తో గొడవ పడిన వ్యక్తి. మరోసారి బైక్ ని ఢీ కొట్టిన లారీ డ్రైవర్.. లారీ కింద ఇరుక్కున్న బైక్. బ్యానెట్ పైకెక్కిన బైకర్. దాదాపు రెండు… pic.twitter.com/rwTC81iWcC
— BIG TV Breaking News (@bigtvtelugu) April 17, 2024
కొద్ది దూరం వెళ్లాక ఓ వాహనం అడ్డు రావడంతో లారీని ఆపాడు. బాధితుడు సైదాబాద్ పోలీసులకు ఫిర్యాదు చేశాడు. పోలీసులు వెంటనే రంగంలోకి దిగి ఆ లారీని సీజ్ చేశారు. డ్రైవర్ను అరెస్టు చేశారు. చంపాపేట్లోనే ఆ లారీ మరో కారును ఢీకొన్నట్టు తెలిసింది.
