DGP jithender: అంకితభావంతో పని చేయాలి.. పోలీసులకు డీజీపీ జితేందర్ సూచనలు

 DGP jithender: ప్రజల నమ్మకాన్ని గెలుచుకునే దిశగా పోలీసులు కృషి చేయాలని డీజీపీ జితేంద ర్​ సూచించారు. దీని కోసం అంకితభావం, నిజాయితీతో విధులు నిర్వర్తించాలని చెప్పారు. డీజీపీ కార్యాలయంలో క్రైం రివ్యూ మీటింగ్​ లో ఆయన మాట్లాడారు.

నేరాలను నియంత్రించటంలో విజబుల్​ పోలీసింగ్​ కీలకపాత్ర పోషిస్తుందని చెప్పారు. దీనిపై సిబ్బంది దృష్టి పెట్టాలని చెప్పారు. ప్రజలతో సన్నిహిత సంబంధాలు ఏర్పరుచుకోవాలన్నారు.

 Also Read: Karate Kalyani: నోటీసులు పంపిస్తే.. తగ్గేదేలే.. హేమపై కరాటే కళ్యాణి ఫైర్!

మహిళలు, చిన్నపిల్లల రక్షణ కోసం కట్టుదిట్టమైన చర్యలు తీసుకోవాలని తెలిపారు. స్వయం ఉపాధిపై మహిళలకు అవగాహన కల్పించాలని చెప్పారు. ఇక, నేరాల దర్యాప్తులో క్రైం, క్రిమినల్​ ట్రాకింగ్​ నెట్​ వర్క్​ అండ్​ సిస్టమ్స్​ ను ఉపయోగించుకోవాలని చెప్పారు. ఎదురయ్యే ప్రతీ సవాల్​ ను సమర్థవంతంగా ఎదుర్కోవాలన్నారు. ప్రతీ పోలీస్ బాధితుల పక్షానే ఉండాలని చెప్పారు. కార్యక్రమంలో ఇంటెలిజెన్స్​ డీజీ శివధర్​ రెడ్డి, సీఐడీ డీజీ శిఖా గోయల్​ తోపాటు అదనపు డీజీలు, ఐజీలు పాల్గొన్నారు.

 Also Read: Complaints on Rajini: మాజీ మంత్రి విడదల రజినీకి బిగ్ షాక్..

రాచకొండ కమిషనర్​ సుధీర్​ బాబు విజబుల్​ పోలీసింగ్​ పై ప్రజంటేషన్​ ఇచ్చారు. రామగుండం కమిషనర్​ అంబర్​ కిషోర్​ ఝా ఆయా నేరాల్లో శిక్షలు పడేలా చూడటానికి తీసుకోవాల్సిన చర్యల గురించి చెప్పారు. ఖమ్మం కమిషనర్​ సునీల్​ దత్​, ఫోరెన్సిక్​ డాక్టర్​ డాక్టర్​ కృపాకర్​ సింగ్​, ఏఎస్పీ శుభమ్​, సీసీఎస్​ డీసీపీ శ్వేతారెడ్డి, వెస్ట్​ జోన్​ డీసీపీ విజయ్​ కుమార్​ లు వేర్వేరు అంశాలపై మాట్లాడారు.

కార్యక్రమంలో అదనపు డీజీలు మహేశ్​ భగవత్​, శ్రీనివాసరావు, అనిల్​ కుమార్​, సంజయ్​ కుమార్​ జైన్​, స్వాతి లక్రాతోపాటు సైబరాబాద్​ సీపీ అవినాష్​ మహంతి, ఐజీలు చంద్రశేఖర్ రెడ్డి, సత్యనారాయణ, యాంటీ నార్కొటిక్​ బ్యూరో డైరెక్టర్​ సందీప్ శాండిల్య తదితరులు పాల్గొన్నారు.

స్వేచ్ఛ ఈ పేపర్ కోసం ఈ  https://epaper.swetchadaily.com/లింక్ క్లిక్ చేయగలరు