Spa Center: పేరుకు మాత్రం స్పా సెంటర్.. లోపల మాత్రం సీన్ రివర్స్!

Spa Center: స్పా ముసుగులో వ్యభిచార కార్యకలాపాలు నిర్వహిస్తున్న మహిళను వెస్ట్ జోన్​టాస్క్​ఫోర్స్ పోలీసులు సంజీవరెడ్డినగర్‌లో అరెస్ట్ చేశారు. అయిదుగురు కస్టమర్లతోపాటు స్పాలో పని చేస్తున్న ఓ యువతిని కూడా పోలీసులు అదుపులోకి తీసుకున్నారు. టాస్క్​ఫోర్స్ డీసీపీ సుధీంద్ర తెలిపిన ప్రకారం వివరాలు ఇలా ఉన్నాయి. బాలానగర్ ప్రశాంతినగర్ నివాసి అయిన ఎన్​.సుధ (30) అమీర్ పేట గురుద్వారా ప్రాంతంలోని అల్రిచ్​పూర్ణాదేవి అపార్ట్​మెంట్‌లో ఎన్ఎస్​బ్యూటీ సెలూన్ అండ్ స్పా పేర వ్యాపారం చేస్తోంది.

Also Read: Central on Maoists: మావోయిస్టుల పతనం పూర్తయినట్టేనా.. చివరి అధ్యాయం మాత్రమే మిగిలిందా!

ఇద్దరు ఏజెంట్లు నియమించుకొని

లింగంపల్లి శివనందిని అలియాస్ అంజలి, మద్దినేని సందీప్‌లను ఏజెంట్లుగా నియమించుకుంది. వారి ద్వారా విటులను స్పా సెంటర్​కు పిలిపించుకుంటూ మహిళలతో ఓంటరిగా సమయం గడిపించి వ్యభిచార కార్యకలాపాలు నిర్వహిస్తోంది. వారిద్దరికి నెలకు 25వేల రూపాయలు జీతంగా ఇస్తోంది. ఇక స్పాకు వచ్చే ఒక్కో విటుని నుంచి 1500 నుంచి 2వేల రూపాయలు వసూలు చేస్తోంది. ఈ మేరకు సమాచారాన్ని సేకరించిన టాస్క్ ఫోర్స్, సంజీవరెడ్డినగర్ పోలీసులు సంయుక్తంగా దాడి చేసి సుధను అరెస్ట్​ చేశారు.

ఆమెతోపాటు విటులు సాగిరాజు దినేశ్​వర్మ(21), గూడాల గౌతం (28), నేనావత్ రవికుమార్(32), చవన్ సురేందర్(36), పిన్ని ప్రవీణ్ కుమార్​(29)లతోపాటు ఓ మహిళా వర్కర్‌ను పోలీసులు అరెస్ట్ చేశారు. నిందితుల నుంచి ఎనిమిదిన్నర వేల రూపాయల నగదును, తొమ్మిది మొబైల్​ఫోన్లను పోలీసులు స్వాధీనం చేసుకున్నారు.

Also Read: Chenab Rail Bridge: దేశ ప్రజలకు గుర్తుండిపోయే రోజు.. వరల్డ్‌లోనే ఎత్తైన వంతెన ప్రారంభం