Panchayat Elections: పంచాయతీ ఎన్నికల్లో ఏకగ్రీవాలపై నీలినిడలు.. అనుమానాలు ఇవే!

Panchayat Elections: గత పంచాయతీ ఎన్నికల్లో ఏకగ్రీవాలకు నజరానా శూన్యం

ఉమ్మడి రంగారెడ్డిలో కనిపించని ఏకగ్రీవాల ముచ్చట
బరిలో  నిలిచేందుకు అభ్యర్థుల మక్కువ
మొదటి విడత నామినేషన్లు ప్రారంభం
అందుబాటులోకి వచ్చిన ఎన్నికల గుర్తులు

రంగారెడ్డి బ్యూరో, స్వేచ్ఛ: పంచాయతీ ఎన్నికలకు (Panchayat Elections) గ్రీన్ సిగ్నల్ రావడంతో గ్రామాల్లో సందడి నెలకొంది. మూడు విడుతల్లో జరగనున్న ఎన్నికలకు అధికారులు సన్నాహాలు చేశారు. మొదటి విడుత జరిగే పంచాయతీ ఎన్నికలకు గురువారం నామినేషన్లు కూడా  స్వీకరించారు. కొన్ని మండలాల్లోని గ్రామాలు ఏకగ్రీవం చేసేందుకు ఆశావాహులు నజరానాలు ప్రకటిస్తున్నారు. అయితే, గత ఎన్నికల్లో పంచాయతీ ఎన్నికల్లో ఏకగ్రీవం అయ్యినా, గ్రామాలకు ఇప్పటివరకు నిధులు ఇవ్వలేదనే ప్రచారం ఉంది. అప్పటి ప్రభుత్వం ఏకగ్రీవాలను ప్రోత్సహించింది,  కానీ అందుకు సంబందించిన నిధులు విడుదల చేయకపోవడం ప్రస్తుతం ప్రభావం చూపేలా కనిపిస్తోంది. ఈ దఫా జరిగే పంచాయతీ ఎన్నికల్లో ఏకగ్రీవాలపై మక్కువ చూపని పరిస్థితులు కనిపిస్తున్నాయి. గతంలో ఉమ్మడి రంగారెడ్డి జిల్లాలో 1,187 గ్రామ పంచాయతీలు ఉంటే 135 గ్రామాల సర్పంచ్‌లు  ఏకగ్రీవం అయ్యాయి. వీటికి అభ్యర్థుల వైపు నుంచి గానీ, ప్రభుత్వం నుంచి చిల్లి గవ్వ ఇవ్వలేదని అంటున్నారు.

Read Also- NBK111: చరిత్ర సృష్టించేవాడు ఒక్కడే.. ‘NBK111’ లాంచ్‌లో బాలయ్య చెప్పిన పవర్ ఫుల్ డైలాగ్ ఇదే!

నామినేషన్లు దాఖలు

గ్రామ పంచాయతీ ఎన్నికల్లో భాగంగా నిర్వహించే మొదటి విడుతలో సర్పంచ్, వార్డు మెంబర్లుగా పోటీకి నామినేషన్లు దాఖలయ్యాయి. మొదటి విడత రంగారెడ్డి జిల్లాలో 174 గ్రామ పంచాయతీ, 1530 వార్డులకుగానూ సర్పంచ్‌ స్థానాలకు 145 మంది, వార్డు సభ్యులుగా 119 మంది నామినేషన్లు దాఖలు చేశారు. ఇక, వికారాబాద్ జిల్లాలో 262 గ్రామ పంచాయతీలు, 2198 వార్డులకుగానూ 162 మంది సర్పంచ్‌, 87 మంది వార్డు మెంబర్లుగా నామినేషన్లు దాఖాలు చేశారు. ఈ నామినేషన్ల ప్రక్రియ 29 వరకు సాగనుంది. 30న నామినేషన్లు పరిశీలించి, జాబితా ప్రకటిస్తారు. డిసెంబర్ 1వ తేదీన జాబితాలోని అభ్యర్థి నామినేషన్‌పై ఆధారాలతో ఫిర్యాదుల స్వీకరణ ఉంటుంది. ఇక, 2న ఫిర్యాదుల పరిష్కారం,  3న నామినేషన్ ఉపసంహరణ, ఫైనల్ జాబితా విడుదల , గుర్తులను కేటాయిస్తారు.

Read Also- Annagaru Vastaru: కార్తి ‘అన్నగారు వస్తారు’కు అనిల్ రావిపూడి సపోర్ట్.. సాలిడ్ అప్డేట్ ఇదే!

అందుబాటులోకి ఎన్నికల గుర్తులు

సర్పంచ్, వార్డు సభ్యులుగా పోటీ చేసే వారికి ఎన్నికల కమిషన్ గుర్తులను ప్రకటించింది. బ్యాలెట్ పేపర్లు, బాక్సులను అధికారులు సిద్ధం చేస్తున్నారు. సర్పంచ్ కోసం 30 గుర్తులు, వార్డు మెంబర్లకు 20 గుర్తులను ఎంపిక చేశారు. మూడు విడుతల్లో జరిగే ఎన్నికల్లో నామినేషన్ల ఉపసంహరణ తర్వాత గుర్తులు అధికారికంగా విడుదల చేయనున్నారు.