New Wine Shops: కొత్త వైన్స్‌‌లోకి త్వరలో అందుబాటులోకి రానున్న కొత్త బ్రాండ్లు

New Wine Shops: కొత్త వైన్​ షాపులు మొదలయ్యయి. లాటరీలో మద్యం దుకాణాలు దక్కించుకున్న వారు దేవుడా.. దందా బాగా జరిగేట్టు చూడు అంటూ గుమ్మడికాయలు.. కొబ్బరికాయలు కొట్టి పూజలు చేసి సేల్స్​ మొదలు పెట్టారు. మరోవైపు రాష్ట్రంలోని కొన్ని చోట్ల మా ప్రాంతంలో వైన్​ షాపులు(Wine Shops) వద్దు అంటూ స్థానికులు ఆందోళనలకు దిగారు. రాష్ట్రంలో ప్రస్తుతం 2,620 వైన్​ షాపులు ఉన్న విషయం తెలిసిందే. నవంబర్ 3‌‌0వ తేదీతో వీటి కాలపరిమితి ముగిసింది. ఈ నేపథ్యంలో గడువు ముగియటానికి ముందే ఎక్సయిజ్​ శాఖ వైన్​ షాపుల కోసం దరఖాస్తులు సేకరించి లాటరీ ద్వారా వాటిని కేటాయించింది. ఈ క్రమంలో ఇంతకు ముందు నుంచి వ్యాపారంలో ఉన్న వారిలో కొందరికి తిరిగి షాపులు దక్కగా కొత్తవారికి కూడా అదృష్టం పలికి దుకాణాలు వచ్చాయి. వీరి లైసెన్స్​ సోమవారం నుంచి అమల్లోకి రావటంతో అందరూ అధికారికంగా మద్యం అమ్మకాలు మొదలు పెట్టారు.

త్వరలో కొత్త బ్రాండ్లు..

కాగా,. మద్యం ప్రియులకు త్వరలోనే కొత్త బ్రాండ్లు అందుబాటులోకి రానున్నాయి. ఇప్పటికే ఎక్సయిజ్​ శాఖ రాష్ట్రొంలో దేశీయ, విదేశీ మద్యం అమ్మాలని ఆసక్తి ఉన్నకంపెనీలు దరఖాస్తు చేసుకోవాలని ప్రకటించింది. ఈ క్రమంలో వేర్వేరు కంపెనీల నుంచి దరఖాస్తులు కూడా అందాయి. ఎక్సయిజ్​ వర్గాల ద్వారా తెలిసిన ప్రకారం ప్రస్తుతం ఈ అప్లికేషన్లు అధికారుల పరిశీలనలో ఉన్నాయి. ఈ ప్రక్రియ పూర్తి కాగానే కొత్త బ్రాండ్లు అందుబాటులోకి వస్తాయి.

Also Read: Shocking Video: 20 అడుగుల గోడ దూకి.. సింహాల బోనులోకి వెళ్లాడు.. తర్వాత ఏమైదంటే?

ఆదాయంపై దృష్టి..

ఈ సంవత్సరం ఆదాయాన్ని గణనీయంగా పెంచాలని ఎక్సయిజ్ అధికారులు భావిస్తున్నారు. ఈ క్రమంలో 30వేల కోట్ల ఆదాయాన్ని టార్గెట్​ గా పెట్టుకున్నట్టు సమాచారం. ఈ లక్ష్యాన్ని సాధించటంలో అందుబాటులోకి రానున్న కొత్త బ్రాండ్లు కీలక పాత్ర పోషించగలవని భావిస్తున్నారు.

Also Read: Illegal Plot Sales: అక్రమ పద్ధతిలో ప్లాట్ల విక్రయాలు.. వినియోగదారులను బురిడీ కొట్టిస్తున్న జేపీ ప్రాజెక్టు