KTR Vs Congress: నీకు లాగు లేనప్పుడే మహేష్ కుమార్ గౌడ్ రాజకీయాలు.. కేటీఆర్‌కు కాంగ్రెస్ కౌంటర్లు

KTR Vs Congress: పీసీసీ అధ్యక్షుడు మహేష్ కుమార్ గౌడ్ (Mahesh Kumar Goud) సహా కొందరు నేతలు ‘కేసీఆర్ దీక్ష.. దొంగ దీక్ష’ అని అడ్డమైన మాటలు మాట్లాడుతున్నారంటూ మాజీ మంత్రి కేటీఆర్ (KTR) చేసిన వ్యాఖ్యలపై కాంగ్రెస్ రియాక్ట్ (KTR Vs Congress) అయ్యింది. మాజీ మంత్రి కేటీఆర్‌కు లాగు లేనప్పుడు మహేష్ కుమార్ గౌడ్ రాజకీయాలలో ఉన్నారని టీపీసీసీ జనరల్ సెక్రటరీ చనగాని దయాకర్ (Chanagani Dayakar) స్ట్రాంగ్ కౌంటర్ ఇచ్చారు. కేటీఆర్ మాటలు జాగ్రత.. సీఎం రేవంత్ రెడ్డిపై (Revanth Reddy) నోరు జారితే సహించబోమని హెచ్చరించారు. ‘‘కేటీఆర్ నోరు అదుపులో పెట్టుకొని మాట్లాడాలని కోరుతున్నా. రాష్ట ముఖ్యమంత్రిపై మాట్లాడే విధానం మార్చుకోవాలి.

మహేష్ కుమార్ గౌడ్ 1984 నుంచి విద్యార్థి రాజకీయాలలో ఉన్నారని ప్రస్తావించారు. ‘‘బహుశా కేటీఆర్‌కు లాగు కూడా లేదనుకుంటా. 30 ఏళ్లుగా పార్టీ పట్ల నిబద్ధత కలిగిన నాయకుడు మహేష్ కమార్ గౌడ్. కేటీఆర్‌కు సంస్కారం లేదు. కేసీఆర్‌తోనే తెలంగాణ రాలేదు. ప్రజలు, విద్యార్థులు సకల జనులు కదిలితేనే తెలంగాణ రాష్ట్రాన్ని యూపీఏ ఇస్తే తెలంగాణ వచ్చింది. కాంగ్రెస్ పార్టీ తెలంగాణ ఇస్తే కేటీఆర్‌కు పదవి వచ్చింది. అధికారంలో ఉన్నప్పడు తెలంగాణ చరిత్ర మార్చివేసి, కల్వకుంట్ల కుటుంబ చరిత్ర రాసుకున్నారు’’ అని చనగాని దయార్ విమర్శలు గుప్పించారు.

Read Also- GHMC: రూ. 3764.28 కోట్లకు కౌన్సిల్ గ్రీన్ సిగ్నల్..హెచ్ సిటీ పనులపై ఫోకస్ చేయనున్న జీహెచ్ఎంసీ కమిషనర్!

తలసానిపై ఆగ్రహం

తలసాని శ్రీనివాస్ యాదవ్‌ కనీసం ‘జై తెలంగాణ’ నినాదాన్ని కూడా పలకడం కూడా రాని వ్యక్తి అని, ఆయన కాంగ్రెస్ పార్టీ విమర్శిస్తే సిగ్గేస్తుందని చనగాని దయాకర్ విమర్శించారు. ‘‘ప్రజా సమస్యలు అజెండాగా, పేదలకు పథకాలపై కాంగ్రెస్ పార్టీ ఆలోచన చేస్తోంది. పదేళ్లు అధికారంలో ఉండి కేటిఆర్ ఆస్తుల గురించి ఆలోచన చేసిండు. తెలంగాణ రాష్ట ఏర్పాటు కాంగ్రెస్ ద్వారానే సాధ్యమైంది. తెలంగాణ ఎంపీలు పార్లమెంట్‌లో పోరాడారు. బిల్లు రోజు కేసీఆర్ పార్లమెంట్‌లో కూడా లేరు’’ అని దయాకర్ పేర్కొన్నారు.

Read Also- New Accreditation: జర్నలిస్టులకు కొత్త అక్రెడిటేషన్ కార్డులు మంజూరు చేయాలి : హెచ్​యూజే కార్యవర్గం డిమాండ్!

కేటీఆర్ ఏమన్నారంటే

బీఆర్ఎస్ పార్టీ (BRS) కేంద్ర కార్యాలయం ‘తెలంగాణ భవన్’‌లో శనివారం ‘దీక్షా దివస్’ (Deeksha Divas) కార్యక్రమంలో కేటీఆర్ మాట్లాడుతూ, కేసీఆర్‌ లేకుంటే తెలంగాణ రాష్ట్రం ఉండేది కాదని వ్యాఖ్యానించారు. కొందరు మూర్ఖులకు మాత్రం కేసీఆర్ కనిపించడం లేదని మండిపడ్డారు. ఎప్పుడు బయటకు రావాలో కేసీఆర్ అప్పుడే వస్తారని అన్నారు. ఎదురుదాడి ఏవిధంగా చెయ్యాలో ఆయనకు తెలిసినంతగా మరెవరికీ తెలియదని విశ్వాసం వ్యక్తం చేశారు. సచివాలయంలో మళ్లీ తెలంగాణ తల్లి విగ్రహం ప్రతిష్ఠిస్తామని శపథం చేశారు. కేసీఆర్‌ చేపట్టిన దీక్ష వల్లే డిసెంబర్‌ 9 ప్రకటన వచ్చిందని, దీక్షా దివస్‌ను ఆత్మగౌరవ పండుగగా జరుపుకోవాలని కేటీఆర్ అన్నారు. ‘‘నాయకుడిని నాయకుడే అంటారు. అర్భకుడిని అర్భకుడే అంటారు. నేను ఇలా మాట్లాడితే నాకు అహంకారం అంటారు. కానీ నేను ఇలానే మాట్లాడుతా. ఏం చేసుకుంటారో చేసుకోండి’’ అని కేటీఆర్ వ్యాఖ్యానించారు.