KTR: తెలంగాణ చరిత్రలో గొప్ప ఘట్టానికి గుర్తుగా దీక్షా దివస్: కేటీఆర్

KTR: ఈ నెల 29న ‘దీక్షా దివాస్’ను రాష్ట్రవ్యాప్తంగా ఘనంగా నిర్వహించాలనిబీఆర్‌ఎస్ వర్కింగ్ ప్రెసిడెంట్ కేటీఆర్(KTR) పార్టీ శ్రేణులకు పిలుపు నిచ్చారు. దశాబ్దంన్నర క్రితం కేసీఆర్(KCR) ‘తెలంగాణ వచ్చుడో.. కేసీఆర్ సచ్చుడో’అనే నినాదంతో దీక్షను చేపట్టి, తెలంగాణ రాష్ట్రాన్ని సాధించుకున్నారు. తెలంగాణ చరిత్రలో ఘనమైన ఈ ఘట్టాన్ని పురస్కరించుకొని దీక్షా దివాస్‌ను పెద్దఎత్తున నిర్వహించాలని పార్టీ శ్రేణులకు సూచించారు. పార్టీ ఎమ్మెల్యేలు, ఎమ్మెల్సీలు, ఎంపీలు, జిల్లా అధ్యక్షులు, పార్టీ జనరల్ బాడీ సభ్యులతో శనివారం టెలికాన్ఫరెన్స్ నిర్వహించారు. దీక్షా దివాస్ నిర్వహణపై మార్గదర్శనం చేశారు.ఈ నెల 26న అన్ని జిల్లాల పార్టీ కేంద్రాల్లో ముఖ్య నాయకులతో సన్నాహక సమావేశాలు నిర్వహించాలని, ఎమ్మెల్యేలు, మాజీ ఎమ్మెల్యేలు, ఎంపీలు, ఎమ్మెల్సీలు, మాజీ మంత్రులు, కార్పొరేషన్ మాజీ చైర్మన్లు సహా ఇతర కీలక నాయకులందరినీ ఆహ్వానించాలని ఆదేశించారు. దీక్షా దివాస్ ను విజయవంతం చేయడానికి కార్యాచరణ ప్రణాళికను రూపొందించడమేనని స్పష్టం చేశారు.

కేసీఆర్ భారీ కటౌట్‌..

ఈ నెల 28 సాయంత్రంలోగా జిల్లా కేంద్రాలు, పట్టణాలను బ్యానర్లు, ఫ్లెక్సీలు ఏర్పాటు చేయాలన్నారు. పార్టీ కార్యాలయ ప్రాంగణాన్ని అలంకరించాలన్నారు. దీక్షాదివాస్ లో కనీసం 1000 మంది కీలక పార్టీ నేతలు పాల్గొనేలా చర్యలు తీసుకోవాలన్నారు. తొలుత తెలంగాణ తల్లికి, అమరవీరుల స్థూపానికి నివాళులు అర్పించిన తర్వాత, కార్యక్రమం ప్రారంభానికి గుర్తుగా కేసీఆర్ భారీ కటౌట్‌కు పాలాభిషేకం చేయాలన్నారు. కీలక సంఘటనలు, వార్తలు, పరిణామాల సమాహారంతో కూడిన ఫొటో ప్రదర్శనను తప్పనిసరిగా ఏర్పాటు చేయాలన్నారు.

Also Read: IBomma Piracy Case: ‘ఐ బొమ్మ’ రవి చుట్టూ బిగుసుకుంటున్న కేసుల ఉచ్చు.. బయటకు రావడం కష్టమేనా?

హాస్పిటల్‌లో పండ్ల పంపిణీ..

ఈ ఫోటోలను పార్టీ కేంద్ర కార్యాలయం జిల్లాకు పంపిస్తుందని, వీటితో పాటు, స్థానిక జిల్లాల్లో దీక్షా దివాస్ సందర్భంగా జరిగిన సంఘటనల ఫోటోలు, వార్తా కవరేజ్ క్లిప్పింగ్‌లతో మరొక ఉప విభాగాన్ని కూడా ఏర్పాటు చేసుకోవచ్చు అన్నారు. కేవలం రాజకీయ ఉపన్యాసాలు కాకుండా, ఆనాటి ఉద్యమ స్మృతులను, ముఖ్యంగా దీక్షా దివాస్ వివరాలను అందించేలా మాట్లాడే వక్తలను ఆహ్వానించాలని, వారి సమయాన్ని ఇప్పుడే నిర్ధారించుకోవాలని సూచించారు. దీక్షా దివాస్ రోజున పండ్ల పంపిణీ, వీలుంటే అన్నదానం లాంటి సామాజిక కార్యక్రమాలు చేపట్టవచ్చు అన్నారు. హైదరాబాద్‌లోని నిమ్స్ హాస్పిటల్‌లో ప్రత్యేకంగా పండ్ల పంపిణీ చేయనున్నారు. పార్టీ యూత్, విద్యార్థి విభాగం తరఫున ప్రతి యూనివర్సిటీలో దీక్షా దివాస్ కార్యక్రమాలు నిర్వహించాలని ఆదేశించారు. దీక్షా దివాస్ పేరుతో, కేసీఆర్ చిత్రంతో కూడిన ప్రత్యేక టీ-షర్టులను ధరించాలని పిలుపునిచ్చారు.

Also Read: Hyderabad Police Dance: కమల్ హాసన్ సాంగ్‌కు.. దుమ్మురేపిన హైదరాబాద్ పోలీసులు.. ఓ లుక్కేయండి!