TG High Court: ట్రాఫిక్ చలాన్లు వేస్తున్నతీరుపై హైకోర్టు సీరియస్!​

TG High Court: ట్రాఫిక్​ సిబ్బ్ంది తమ సొంత మొబైల్​ ఫోన్లతో ఫోటోలు తీస్తూ చలాన్లు వేయటంపై హైకోర్టు (High Court) సీరియస్ అయ్యింది. సెల్​ ఫోన్లతో ఫోటోలు తీసి తనకు మూడు చలాన్లు వేశారంటూ రాఘవేంద్ర చారి అనే వ్యక్తి దాఖలు చేసిన పిటిషన్​ పై న్యాయస్థానం విచారణ జరిపింది. ట్రాఫిక్​ చలాన్ ఎన్ ఫోర్స్​ మెంట్​ విధానంపై పూర్తి స్థాయి నివేదిక ఇవ్వాలంటూ హోంశాఖుకు నోటీసులు జారీ చేసింది. నాలుగు వారాల్లో కౌంటర్ దాఖలు చేయాలని నోటీసులో ఆదేశించింది.

Also Read: TG High Court: హైడ్రా కమిషనర్‌పై హైకోర్టు సీరియస్.. విచారణకు హాజరుకాకపోతే..

హైకోర్టు కీలక వ్యాఖ్యలు

మరోవైపు ట్రాఫిక్​ ఉల్లంఘనలకు పాల్పడిన వారికి చలాన్లు వేస్తూ ఆ తరువాత అందులో రాయితీలు ఇవ్వటంపై కూడా హైకోర్టు కీలక వ్యాఖ్యలు చేసింది. ఇది చట్ట పరిణామాలపై ఉన్న భయాన్ని బలహీనపరచటమే అని పేర్కొంది. రాయితీలు ఇవ్వటం ట్రాఫిక్​ క్రమశిక్షణారాహిత్యాన్ని పెంచుతుందని వ్యాఖ్యానించింది. ఈ చలానా వ్యవస్థలో ట్రాఫిక్ ఉల్లంఘనలను పేర్కొంటూ జరిమానాలు విధించే వ్యవస్థను అభివృద్ధి చేయాల్సి ఉందని అభిప్రాయపడింది. ఈ దిశలో ఎలాంటి చర్యలు తీసుకున్నారో తెలియచేయాలని ప్రభుత్వాన్ని ఆదేశిస్తూ తదుపరి విచారణను డిసెంబర్​ 9వ తేదీకి వాయిదా వేసింది.

Also Read: TG High Court: స్థానిక ఎన్నికలపై విచారణను వాయిదా వేసిన కోర్టు!