Bhatti Vikramarka: యంగ్ ఇండియా ఇంటిగ్రేటెడ్ స్కూల్ అనేది ఒక గేమ్ ఛేంజర్: భట్టి విక్రమార్క

Bhatti Vikramarka: రాష్ట్ర ప్రభుత్వం ప్రతి పైసా పైసా పోగు వేసి ప్రజా సంక్షేమం కోసం కృషి చేస్తుందని,నిరంతరం అభివృద్ధి తమ అడుగు అని ఈ ప్రభుత్వం ప్రజలకు అంకితం అని దోపిడీదారులను దళారులను దగ్గరకు రానివ్వమని తెలంగాణ రాష్ట్ర ఉప ముఖ్యమంత్రి మల్లు భట్టి విక్రమార్క(Bhatti Vikramarka) అన్నారు. శనివారం వైరా నియోజకవర్గంలో రూ 400 కోట్లతో చేపడుతున్న అభివృద్ధి పనులకు భూమి పూజ చేసిన అనంతరం జరిగిన సభలో ఆయన మాట్లాడారు. 2047 సంవత్సరం కల్లా తెలంగాణ రాష్ట్రం ప్రపంచంతో పోటీ పడే స్థాయికి వెళ్లనుంది అన్నారు. యంగ్ ఇండియా ఇంటిగ్రేటెడ్ స్కూల్ అనేది ఒక గేమ్ చేంజర్ అని, విద్యతోనే సామాజిక మార్పు జరగడంతో పాటు సమాజం అభివృద్ధి చెందుతుందన్నారు. రాష్ట్రంలోని ప్రతి నియోజకవర్గంలో కనీసం ఒక యంగ్ ఇండియా ఇంటిగ్రేటెడ్ స్కూలు ఉండాలన్నదే ప్రభుత్వ లక్ష్యమని, అందులో భాగంగా వైరా నియోజకవర్గంలో 20 ఎకరాల లో 200 కోట్లతో స్కూల్ నిర్మాణం చేపడుతున్నామని తెలిపారు. ఈ స్కూలులో విద్యాబోధన చేసే ఉపాధ్యాయులు కూడా అందులోని నివాసం ఉండేలా ఏర్పాటు చేస్తున్నామని తెలిపారు.

రెసిడెన్షియల్ స్కూళ్లలో డైట్..

అదేవిధంగా విద్యార్థులకు లిటరరి యాక్టివిటీస్ పాటు క్రీడల్లో కూడా వారిని ప్రోత్సహిస్తామన్నారు. బహుశా భారత దేశంలోని ఏ రాష్ట్రంలో కూడా ఇలాంటి స్కూళ్ల నిర్మాణం చేపట్టలేదని ఇది తెలంగాణ రాష్ట్ర ప్రభుత్వ గొప్పతనం అన్నారు. వైరా నియోజకవర్గంలో చేపడుతున్న ఈ స్కూలు నిర్మాణం కోసం ఇప్పటికే కలెక్టర్ ఖాతాలో 30 కోట్ల నిధులను జమ చేశామని ప్రతి 15 రోజులకు ఒకసారి నిధులు విడుదల చేస్తామన్నారు. పదేళ్లపాటు రాష్ట్రాన్ని పాలించిన ఆనాటి బిఆర్ఎస్ పాలకులు రెసిడెన్షియల్ స్కూళ్లలో డైట్,కాస్మోటిక్ చార్జీలు విద్యార్థులు ఇబ్బందులు ఎదుర్కున్నారని సరైన పోషకాహారం కూడా అందలేదన్నారు. కాంగ్రెస్ ప్రభుత్వం అధికారంలోకి వచ్చిన వెంటనే రాష్ట్రంలో పెరిగిన ధరల కనుగుణంగా లెక్కలు కట్టి 40 శాతం డైట్ చార్జీలను పెంచి ప్రతి విద్యార్థికి ఇచ్చామన్నారు. అదేవిధంగా కాస్మోటిక్ చార్జీలకు సంబంధించి సబ్బు నూనె ఇతర అవసరాల కోసం ఏకంగా 200 శాతం పెంచామన్నారు. డైట్ కాస్మెటిక్ ఛార్జ్ లో పెంచడమే కాకుండా మెనూ ప్రకారం విద్యార్థులకు అందేలా నిష్ణాతులైన వారితో ఆయా పాఠశాలల్లో డిస్ప్లే పెట్టించామన్నారు . ఆయా పాఠశాలల్లో ముఖ్యమంత్రి తో పాటు తాను ఇతర మంత్రులు ఎమ్మెల్యేలు, కలెక్టర్ ఇతర అధికారులంతా విద్యార్థులు తో కలిసి భోజనం చేసేలా, వారి సమస్యలను తెలుసుకునేలా నిర్ణయం తీసుకున్నామన్నారు . వైరా నియోజకవర్గంలోని ఇంటిగ్రేటెడ్ స్కూల్లో చదివిన విద్యార్థులు భవిష్యత్తులో రాష్ట్రం, దేశం, ప్రపంచానికి దశ దిశా నిర్దేశం చేసే స్థాయికి ఎదుగుతారని ఆశాభావం చేశారు.

రాష్ట్రంలో కోటి మంది మహిళలకు నాణ్యమైన చీరలు

తెలంగాణ రాష్ట్రంలో 1 కోటి 15 లక్షల కుటుంబాలు ఉంటే అందులో కోటి మంది మహిళలకు ఆత్మగౌరవంతో ఉండేలా నాణ్యమైన చీరలను అందించడానికి ఈ శనివారం నుంచి శ్రీకారం చుట్టామన్నారు. ప్రతి ఇంటింటికి వెళ్లి బొట్టు పెట్టి చీరలను పంపిణీ చేయనున్నామన్నారు. గత ప్రభుత్వ హయాంలో వడ్డీ లేని రుణాలు ఇవ్వకపోవడంతో మహిళలు ఆర్థిక ఇబ్బందులు ఎదుర్కున్నారన్నారు. తమ ప్రభుత్వం వచ్చిన వెంటనే కోటి మంది మహిళలకు ప్రత్యేక ప్రతి ఏటా 20 వేల కోట్లను వడ్డీ లేని రుణంగా ఇవ్వడా నిర్ణయించామని ఐదేళ్లలో లక్ష కోట్లు ఇస్తామన్నారు. ఇప్పటికే రాష్ట్రంలో 27 వేల కోట్ల వడ్డీ లేని రుణాలు ఇచ్చామని రెండు మూడు రోజుల్లో మరొక దఫా వడ్డీ లేని రుణాలను రాష్ట్రవ్యాప్తంగా పంపిణీ చేస్తామన్నారు. రాష్ట్ర ప్రభుత్వం మహిళలకు పెద్దపీట వేస్తుందని మహిళలకు పెట్రోల్ బంక్ లతోపాటు సోలార్ పవర్లను కూడా అందజేస్తున్నామని ప్రతి మహిళకు రెండు మెగావాట్లు తగ్గకుండా సోలార్ యూనిట్ ఇచ్చి వారి నుంచి విద్యుత్ కొనుగోలు చేస్తామన్నారు.

Also Read: Jupally Krishna Rao: జాతీయ స్థాయిలో చారిత్రక నాణేల సదస్సు నిర్వహణకు రంగం సిద్ధం : మంత్రి జూపల్లి

మహిళలు సామాజికంగా..

ఒక స్త్రీ ఆర్థికంగా నిలదొక్కుకుంటే ఆ కుటుంబం మొత్తం ఆర్థికంగా నిలబడుతుందని అందుకే, కాంగ్రెస్ ప్రభుత్వం మహిళలకు పెద్ద ఎత్తున ప్రాధాన్యత ఇస్తు, వారికి సంక్షేమ పథకాలను పెద్ద ఎత్తున ఇస్తున్నామన్నారు. మహిళలు సామాజికంగా తలెత్తుకునే తిరిగే విధంగా ఉండటం కోసం తమ ప్రభుత్వం ఒక నిర్దిష్టమైన లక్ష్యాన్ని ఎంచుకుందన్నారు. రాష్ట్రంలో 13,500 కోట్లతో 93 లక్షల కుటుంబాలకు సన్న బియ్యాన్ని పంపిణీ చేస్తున్నామని తెలిపారు. అదేవిధంగా 53 లక్షల కుటుంబాలకు 200 యూనిట్ల ఉచిత విద్యుత్ అందిస్తున్నామన్నారు. అందులో భాగంగా వైరా నియోజకవర్గంలో గృహజ్యోతి కింద 52 వేలకు పైగా కుటుంబాలకు 200 యూనిట్లు ఉచిత విద్యుత్ ఇస్తున్నామని ఇందుకోసం ప్రతి నెల ఉచిత విద్యుత్తును పొందుతున్న వారి తరఫున ప్రభుత్వం 36 కోట్లను విద్యుత్ శాఖకు చెల్లిస్తుంది అన్నారు. దీంతోపాటు రాష్ట్రంలో మహిళలు ఏ ఊరు నుంచి ఏ ఊరికి వెళ్లడానికి అయినా తమ కుటుంబ సభ్యులను కలవడానికి వెళ్లడానికైనా, ఆసుపత్రికి వెళ్లడానికి, ఉచితంగా ఆర్టీసీ బస్సుల్లో ప్రయాణించేలా పథకాన్ని అమలు చేశామని, ఉచితంగా ఆర్టీసీ బస్సులో ప్రయాణిస్తున్న మహిళల తరఫున ప్రభుత్వం ఆర్టీసీకి రియంబర్స్మెంట్ చెల్లిస్తుందన్నారు.

వైరా నియోజకవర్గానికి ఒక్కరోజులోనే 400 కోట్ల నిధులు మంజూరు

వైరా నియోజకవర్గానికి రాష్ట్ర ప్రభుత్వం ఒక్కరోజులోనే 400 కోట్ల నిధులను మంజూరు చేసి అభివృద్ధి పనులకు భూమి పూజ చేసిందని డిప్యూటీ ముఖ్యమంత్రి మల్లు భట్టి విక్రమార్క అన్నారు. ఈ అభివృద్ధి ఆరంభం మాత్రమేనని నిరంతరం కొనసాగుతుందన్నారు. ఈ నియోజకవర్గంలో ఇప్పటికే 100 పడకల ఆసుపత్రికి భూమి పూజ చేశామని ఇప్పటికే రెండు స్లాబులు కూడా పూర్తి అయ్యాయన్నారు. ఈ నియోజకవర్గంలో తనకెంతో అనుబంధం ఉందని, విడదీయరాని బంధం ఉందని ప్రతి ఊరు ప్రతి మనిషి వారి సమస్యలు అన్నీ తనకు తెలుసు అన్నారు. తన రాజకీయ జీవితం కూడా ఈ నియోజకవర్గ నుంచే ప్రారంభమైందని గుర్తు చేశారు. వైరా నియోజకవర్గం ప్రజలకు తాగు సాగునీటి కోసం తాను దీక్ష ధర్నా చేసిన విషయాన్ని గుర్తు చేస్తూ, తొలిసారి కేసు నమోదు కావడంతో పాటు కోర్టు కూడా వెళ్ళింది ఈ నియోజకవర్గ ప్రజల కోసమేనని అన్నారు. ఉమ్మడి ఆంధ్రప్రదేశ్ రాష్ట్రంలో అప్పటి కాంగ్రెస్ ప్రభుత్వం వైరా ప్రాజెక్టుకు సంబంధించి లెఫ్ట్ రైట్ కెనాల్ లైనింగ్ కోసం 42 కోట్లు మంజూరు చేస్తే ఆ తర్వాత వచ్చిన 10 ఏళ్ల బిఆర్ఎస్ ప్రభుత్వం నిర్లక్ష్యం చేసిందన్నారు. ఈ పనులను పూర్తి చేయడం కోసం మళ్లీ కాంగ్రెస్ ప్రభుత్వం ప్రస్తుతం 42 కోట్లను వెచ్చించి పనులు చేపడుతుందన్నారు వైరా నియోజకవర్గంలోని గిరిజన రైతులకు కరెంటు లేక సాగు చేయలేకపోవడంతో 5 వేల బోర్లను వేయించడంతోపాటు కరెంటు కూడా సరఫరా చేయడం జరుగుతుందన్నారు . అదేవిధంగా గిరిజన రైతులకు సోలార్ యూనిట్లను కూడా అందజేస్తామన్నారు.

Also Read: Akhanda 2: ‘ఓజీ’ రేంజ్‌లో కలెక్షన్స్ రాబడితేనే.. కొండంత బ్రేకీవెన్ టార్గెట్!