Akhanda 2: నందమూరి బాలకృష్ణ (Nandamuri Balakrishna), దర్శకుడు బోయపాటి శ్రీను (Boyapati Srinu) కలయికలో వస్తున్న ‘అఖండ 2: తాండవం’ (Akhanda 2: Thaandavam) సినిమా ట్రైలర్‌ను నవంబర్ 21, శుక్రవారం కర్ణాటకలో జరిగిన వేడుకలో విడుదల చేసిన విషయం తెలిసిందే. ఈ ట్రైలర్ తర్వాత ట్రేడ్ వర్గాల్లో భారీగా చర్చ మొదలైంది. బాలయ్య, బోయపాటి కాంబినేషన్‌లో వస్తున్న నాలుగో చిత్రమిది. గత మూడు చిత్రాలూ బ్లాక్ బస్టర్‌లే కావడంతో, ఈ సీక్వెల్‌పై అంచనాలు ఆకాశాన్ని తాకుతున్నాయి. దీంతో చిత్ర థియేట్రికల్ బిజినెస్ కూడా భారీ స్థాయిలో జరిగినట్లుగా తెలుస్తోంది. నాన్-థియేట్రికల్ హక్కులు కూడా ఇప్పటి వరకు బాలయ్య కెరీర్‌లో లేని విధంగా డీల్ ఓకే అయినట్లుగా కూడా టాక్ వినబడుతోంది. అందులోనూ బాలయ్య నుంచి వస్తున్న పాన్ ఇండియా సినిమా కావడంతో.. బిజినెస్ పరంగా కూడా రికార్డులను క్రియేట్ చేస్తుందని.. అటు అభిమానులు, ఇటు చిత్రబృందం ఎంతో నమ్మకంగా ఉన్నారు. ఈ చిత్ర స్ట్రీమింగ్ హక్కులను నెట్‌ఫ్లిక్స్ సంస్థ ఊహించని ధరకు సొంతం చేసుకున్నట్లుగా టాలీవుడ్ సర్కిల్స్‌లో వినిపిస్తోంది. ఇక ఈ సినిమాకు అసలైన సవాల్ ఎదురయ్యేది మాత్రం థియేట్రికల్ మార్కెట్లోనే.

Also Read- Actress Hema: నా కేసు కొట్టేశారు.. పోయిన నా పరువును తీసుకొచ్చిస్తారా?

‘అఖండ 2’ బ్రేకీవెన్ ఎంతంటే..

అవును, ఇటీవల పవర్ స్టార్ పవన్ కళ్యాణ్ ‘ఓజీ’ రేంజ్‌లో కలెక్షన్స్ రాబడితేనే.. థియేట్రికల్‌గా ఈ సినిమా బ్రేకీవెన్ అవుతుంది. ఆ స్థాయిలో ఫస్ట్ టైమ్ ఈ నటసింహం సినిమాకు బిజినెస్ జరిగినట్లుగా ట్రేడ్ రిపోర్ట్స్ చెబుతున్నాయి. మాములుగా అయితే బాలయ్య మార్కెట్ రూ. 100 కోట్ల నుంచి రూ. 150 కోట్ల గ్రాస్ కలెక్షన్స్ మధ్యే ఉంటుందనే విషయం తెలియంది కాదు. కానీ ఈ సినిమా బ్రేకీవెన్ అవ్వాలంటే దాదాపు రూ. 225 కోట్లకు పైగా గ్రాస్ కలెక్షన్స్‌ను రాబట్టాల్సి ఉంది. మొదటి ఆటకు పాజిటివ్ టాక్ బడితే.. బాలయ్య సినిమాకు ఇదేమీ పెద్ద కష్టం కాదు కానీ, ఫస్ట్ టైమ్ ఈస్థాయిలో బాలయ్యను నమ్మి నిర్మాతలు ఈ రేంజ్‌లో బిజినెస్ చేయడటమే.. వారి ఘట్స్‌ని తెలియజేస్తుంది. ‘అఖండ 2’కు సంబంధించి థియేట్రికల్ రైట్స్ మొత్తం రూ. 120 కోట్ల వరకు జరిగిందని తెలుస్తోంది. సినిమా బ్రేకీవెన్‌కు రూ. 225 కోట్లకు పైగా ఈ సినిమా రాబట్టాల్సి ఉంటుంది. అప్పుడే ఈ సినిమా విజయం సాధించినట్టు అవుతుంది. బాలయ్య మార్కెట్ రేంజ్ ప్రకారం చూస్తే మాత్రం ఇది కఠినమైన సవాల్ అనే చెప్పుకోవాలి. ఎందుకంటే, ఇప్పటి వరకు బాలయ్యకు రూ. 200 కోట్ల సినిమా లేదు. అందుకే ఈ రకమైన చర్చలు మొదలయ్యాయి.

Also Read- Bigg Boss Telugu 9: అందరూ ఒక్కరికే సపోర్ట్ చేస్తారా అంటూ రీతూ ఫైర్.. అడ్డంగా దొరికేసిన తనూజ!

బాలయ్య పారితోషికంగా కూడా భారీగానే..

మరోవైపు ఇది పాన్ ఇండియా సినిమా కావడంతో పాటు, సనాతన హైందవ ధర్మంపై సినిమా ఉండటంతో.. ‘కార్తికేయ 2’ని ఆదరించి బ్లాక్ బస్టర్ చేసినట్లుగా, ‘అఖండ 2’ను కూడా పాన్ ఇండియా వైడ్‌గా ప్రేక్షకులు ఆదరిస్తారని నిర్మాతలు నమ్ముతుున్నారు. ఒక్క బాలీవుడ్‌లోనే ఈ సినిమా రూ. 100 కోట్లకు పైగా రాబడుతుందని నిర్మాతలు అంచనా వేస్తున్నారంట. అందుకే ప్రమోషన్స్ కూడా ముంబై నుంచే మొదలు పెట్టారు. హిందీ వెర్షన్‌కు కూడా బాలయ్యే డబ్బింగ్ చెప్పడం విశేషం. అలాగే ఎప్పుడూ లేనిది.. ఈ సినిమాకు బాలయ్య రూ. 45 కోట్ల వరకు పారితోషికం తీసుకున్నారనేలా కూడా వార్తలు నడుస్తున్నాయి. సినిమా బడ్జెట్, బాలయ్య, బోయపాటి పారితోషికాలు అన్నీ కలిసి.. ఈ సినిమాకు భారీగానే ఖర్చు అయినట్లుగా తెలుస్తుంది. మరి ఈ ఖర్చంతా రాబట్టాలంటే ‘అఖండ 2’ నిజంగానే థియేటర్లలో తాండవమాడాలి. చూద్దాం మరి.. డిసెంబర్ 5న ప్రేక్షకుల ముందుకు రాబోతున్న ఈ సినిమా బాక్సాఫీస్ రిపోర్ట్ ఎలా ఉంటుందో..

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు