Nallamala Sagar Link Project: ఆగని ఏపీ కుట్రలు.. తెలంగాణకు అన్యాయం చేసేలా అడుగులు..?

Nallamala Sagar Link Project: తెలుగు రాష్ట్రాల మధ్య నీటి వాటా పంచాయితీ కొనసాగుతుండగానే, మిగులు జలాల పేరుతో ఏపీ(AP)లోని కూటమి ప్రభుత్వం తెలంగాణ(Telangana)కు అన్యాయం చేసేలా కొత్త ప్రాజెక్టులకు శ్రీకారం చుడుతున్నది. ఇంతకుముందు పోలవరం – బనకచర్ల లింక్ ప్రాజెక్ట్‌ను తెరపైకి తీసుకురాగా, తెలంగాణలోని కాంగ్రెస్ ప్రభుత్వం దీనిని తీవ్రంగా వ్యతిరేకించింది. కేంద్రంపై ఒత్తిడి తెచ్చి ఆ ప్రాజెక్టును అడ్డుకున్నది. అయితే, ఏపీ ప్రభుత్వం కొత్తగా మరో ప్రాజెక్ట్‌ను తెరపైకి తెచ్చింది. దీనిపై తెలంగాణ నుంచి తీవ్ర అభ్యంతరాలు వ్యక్తం అవుతున్నాయి.

అప్పుడు బనకచర్ల పేరుతో..

2024లో ఏపీలో కూటమి ప్రభుత్వం ఏర్పడిన తర్వాత చంద్రబాబు సీఎం అయ్యారు. కేంద్రం నుంచి ఫుల్ సపోర్ట్ ఉండడంతో పోలవరం – బనకచర్ల లింక్ ప్రాజెక్ట్‌కు శ్రీకారం చుట్టారు. కేంద్రానికి అనుమతి కోసం లేఖలు పంపారు. అయితే, తెలంగాణలోని కాంగ్రెస్ ప్రభుత్వం, కేంద్ర సంస్థలు, కో బేసిన్ రాష్ట్రాలు దీనిపై అభ్యంతరం తెలిపాయి. ఏపీ పునర్విభజన చట్టంలోని నిబంధనలు తుంగలో తొక్కి బనకచర్ల ప్రాజెక్ట్(Banakacherla Project) చేపడితే ఊరుకోమని కాంగ్రెస్ నేతలు గట్టిగా వార్నింగ్ ఇచ్చారు. కేంద్రానికి కూడా లేఖలు రాశారు. సీఎం రేవంత్ రెడ్(CM Revanth Reddy)డి స్వయంగా ఢిల్లీ వెళ్లి దీనిపై కేంద్రమంత్రులకు ఫిర్యాదు చేశారు. నలువైపులా బనకచర్లపై వ్యతిరేకత వ్యక్తం అవడంతో ఆ ప్రాజెక్టును ఏపీ ప్రభుత్వం రద్దు చేసింది.

Also Read: Keerthy Suresh: పని గంటల గురించి బాంబ్ పేల్చిన కీర్తి సురేశ్.. వారు నిద్రపోయేది ఎన్ని గంటలంటే?

అప్పుడు నల్లమల సాగర్ పేరుతో..

వరద జలాల పేరుతో 200 టీఎంసీల దాకా గోదావరి జలాలను కృష్ణా బేసిన్ నుంచి తరలించాలని బనకచర్ల ప్రాజెక్ట్‌ను తెరపైకి తెచ్చిన ఏపీ ప్రభుత్వం, పలు మార్పులు చేసి కొత్తగా పోలవరం – నల్లమల సాగర్ లింక్ ప్రాజెక్ట్‌ను ముందుకు తీసుకొచ్చింది. గోదావరి వరద జలాలను నల్లమల రిజర్వాయర్‌కు తరలించాలనేది ప్లాన్. దీనికోసం డీపీఆర్ టెండర్ నోటిఫికేషన్‌ను విడుదల చేసింది. రూ.7.68 కోట్ల అంచనా విలువతో టెండర్లను ఆహ్వానించగా, డిసెంబర్ 17న బిడ్ ఓపెనింగ్‌గా నిర్ణయించింది. కాంట్రాక్ట్ వ్యవధిని 12 నెలలుగా నిర్ణయించగా, గురువారం బిడ్ డాక్యుమెంట్లు అందుబాటులోకి వచ్చాయి. టెండర్ షెడ్యూల్‌ను డౌన్‌లోడ్ చేసుకోవడానికి చివరి తేదీగా డిసెంబర్ 11ను నిర్ణయించింది. బిడ్ సమర్పణకు అదే రోజు సాయంత్రం 4 గంటల వరకు సమయం ఇచ్చింది. ప్రైస్ బిడ్ ఓపెనింగ్ డిసెంబర్ 17న ఉదయం 11 గంటలకు ఉంటుందని తెలిపింది.

ఏపీ కుట్రలను తిప్పికొడుతాం..

బనకచర్ల విషయంలో తగ్గేదే లేదన్నట్టు వ్యవహరించిన అధికార కాంగ్రెస్ నేతలు, ఏపీ తలపెట్టిన నల్లమల సాగర్ లింక్ ప్రాజెక్ట్‌ పైనా గరంగరంగా ఉన్నారు. తెలంగాణకు అన్యాయం జరిగేలా కూటమి ప్రభుత్వం తీసుకొచ్చే ఏ ప్రాజెక్ట్‌నైనా అడ్డుకుని తీరుతామని స్పష్టం చేస్తున్నారు. ఏపీ కుట్రలను ఎప్పటికప్పుడు తిప్పికొడతామని హెచ్చరిస్తున్నారు.

Also Read: Eagle Delhi Operation: ఏకంగా 100 మందితో ఢిల్లీలో తెలంగాణ ఈగల్ టీమ్‌ భారీ ఆపరేషన్