Megastar Chiranjeevi: దీపాల పండుగ దీపావళి (Deepavali) సందర్భంగా మెగాస్టార్ చిరంజీవి (Megastar Chiranjeevi) ఇంట అగ్రతారల కుటుంబాలు సందడి చేశాయి. ఇండస్ట్రీలో దశాబ్దాలుగా కొనసాగుతున్న తిరుగులేని స్నేహబంధాన్ని మరోసారి చాటుతూ, చిరంజీవి, అక్కినేని నాగార్జున (Akkineni Nagarjuna), దగ్గుబాటి వెంకటేష్‌ (Daggubati Venkatesh)లు తమ కుటుంబాలతో కలిసి ఈ పండుగ వేడుకల్లో పాల్గొన్నారు. అంతేకాకుండా, చిరంజీవి సహనటి నయనతార (ప్రస్తుతం చిరంజీవి చేస్తున్న ‘మన శంకర వరప్రసాద్ గారు’ మూవీ హీరోయిన్) కూడా ఈ వేడుకల్లో పాల్గొనడం విశేషం.

చిరంజీవి ట్వీట్‌లో ఆత్మీయత

ఈ ఆనందకరమైన క్షణాలను చిరంజీవి తన అధికారిక ట్విట్టర్ (ఎక్స్) ఖాతాలో పంచుకున్నారు. ‘‘నా ప్రియమైన స్నేహితులు నాగార్జున, వెంకటేష్, నా సహనటి నయనతార కుటుంబాలతో కలిసి దీపాల పండుగ జరుపుకోవడం చాలా ఆనందంగా ఉంది. ఇలాంటి క్షణాలు హృదయాన్ని ఆనందంతో నింపుతాయి. జీవితాన్ని నిజంగా ప్రకాశవంతంగా చేసే ప్రేమ, నవ్వు, ఐక్యతను గుర్తు చేస్తాయి’’ అంటూ ఆయన తన మనసులోని భావాలను వెల్లడించారు. ఈ ట్వీట్ తెలుగు చిత్రసీమలోని అగ్రనటుల మధ్య ఉన్న దృఢమైన స్నేహబంధాన్ని, వృత్తిపరమైన పోటీకి అతీతంగా వ్యక్తిగత అనుబంధాలకు వారు ఇచ్చే విలువను స్పష్టం చేసింది. ఈ పోస్ట్‌తో పాటు, చిరంజీవి పంచుకున్న ఫోటోలు కూడా వైరల్ అయ్యాయి.

Also Read- Lady-Oriented Movies: టాలీవుడ్‌లో పెరుగుతున్న లేడీ ఓరియెంటెడ్ సినిమాలు.. అందుకేనా?

కుటుంబ సమేతంగా స్టార్ల సందడి

చిరంజీవి దంపతులు, నాగార్జున దంపతులు, వెంకటేష్ దంపతులు ఒకేచోట కలిసి పండుగను జరుపుకోవడం అభిమానులకు, ప్రేక్షకులకు కన్నుల పండుగగా మారింది. వీరంతా ఒకే ఫ్రేమ్‌లో నిలబడి పండుగ శుభాకాంక్షలు తెలుపుతున్న ఫోటోలు సోషల్ మీడియాలో విపరీతంగా షేర్ అవుతున్నాయి. టాలీవుడ్‌లో ‘బిగ్ 4’గా పిలవబడే నలుగురు స్టార్లలో (చిరంజీవి, బాలకృష్ణ, నాగార్జున, వెంకటేష్) ముగ్గురు ఒకేచోట చేరడం అభిమానుల్లో ఉత్సాహాన్ని నింపింది. వీరితో పాటు, లేడీ సూపర్ స్టార్ నయనతార (Nayanthara) కూడా ఈ వేడుకల్లో భాగం కావడం ప్రత్యేక ఆకర్షణగా నిలిచింది. చిరంజీవి ప్రస్తుతం నయనతారతో కలిసి ‘మన శంకర వరప్రసాద్ గారు’ అనే చిత్రంలో నటిస్తున్న నేపథ్యంలో, ఆమెను సహనటిగా ప్రత్యేకంగా పేర్కొనడం చిరంజీవి ఆత్మీయతను తెలియజేసింది.

Also Read- Anaganaga Oka Raju: పటాకాయల షాప్‌లో పట్టు చీరలు దొరుకుతాయా.. ‘అనగనగా ఒక రాజు’ దీవాళి బ్లాస్ట్!

హృదయాలను నింపిన ఆనందం

చిరంజీవి చెప్పినట్టుగా, ఈ మధుర క్షణాలు కేవలం పండుగ ఆనందాన్ని మాత్రమే కాకుండా, చిత్రసీమలో తరాలు మారుతున్నా చెక్కుచెదరని స్నేహం విలువను కూడా గుర్తు చేశాయి. తమ బిజీ షెడ్యూల్స్ నుంచి సమయాన్ని కేటాయించి, కుటుంబాలతో కలిసి పండుగను పంచుకోవడం అనేది ఈ అగ్రతారల గొప్పతనానికి నిదర్శనం. ఈ ఫోటోలు తెలుగు సినీ అభిమానుల హృదయాలను ఆనందంతో నింపి, దీపావళి పండుగ స్ఫూర్తిని, ఐక్యతను మరింత ప్రకాశవంతం చేశాయి. ఇక మరో అగ్ర హీరో బాలయ్య ఎక్కడ? అని మాత్రం అడగవద్దు.

Very delighted to have celebrated the Festival of Lights with my dear friends, @iamnagarjuna, @VenkyMama and my co-star #Nayanthara, along with our families 🤗✨

Moments like these fill the heart with joy and remind us of the love, laughter, and togetherness that make life truly… pic.twitter.com/qJHpVkk9og

— Chiranjeevi Konidela (@KChiruTweets) October 20, 2025

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు