S Thaman: ప్రస్తుతం తెలుగు సినీ పరిశ్రమలో సంగీత దర్శకుడు ఎస్. థమన్ (Music Director S Thaman) పేరు హాట్ టాపిక్‌గా మారింది. ఆయనకు సంబంధించిన ప్రతి అంశంపై అభిమానులు, నెటిజన్లు తీవ్రంగా స్పందిస్తున్నారు. ముఖ్యంగా ప్రభాస్ నటిస్తున్న ‘ది రాజా సాబ్’ (The Raja Saab) చిత్రం నుంచి విడుదలైన ‘రెబల్ సాబ్’ పాటకు వచ్చిన స్పందనతో థమన్‌పై ట్రోలింగ్ బీభత్సంగా నడుస్తోంది. ‘రెబల్ సాబ్’ (Rebel Saab) పాట విడుదలైనప్పటి నుంచి ప్రభాస్ అభిమానులు (Prabhas Fans) థమన్‌పై ఆగ్రహం వ్యక్తం చేస్తున్నారు. పవన్ కళ్యాణ్ ‘ఓజీ’, బాలకృష్ణ ‘అఖండ 2’ సినిమాలకు థమన్ అందించిన సంగీతం, నేపథ్య సంగీతం అద్భుతంగా ఉన్నాయని, ఆ సినిమాలకు ప్రాణం పోశారని ఫ్యాన్స్ భావిస్తున్నారు. అయితే, తమ అభిమాన హీరో ప్రభాస్ సినిమాకు వచ్చేసరికి ఆ స్థాయిలో ఎందుకు న్యాయం చేయలేకపోయారనేది వారి ప్రధాన ఆరోపణ. కొందరు అభిమానులు కాస్త ఘాటైన పదజాలం వాడుతూ థమన్‌పై తమ అసంతృప్తిని వెళ్లగక్కుతున్నారు.

Also Read- Anaganaga Oka Raju: ‘భీమవరం బల్మా’ సాంగ్ వచ్చేసింది.. ‘బల్మా’ అంటే ఏంటో తెలుసా?

‘అఖండ 2’తో పోలిక

ట్రోలింగ్‌కు మరో కారణం, థమన్ చేతిలో ఉన్న ఇతర క్రేజీ ప్రాజెక్టులు.. ముఖ్యంగా ‘అఖండ 2: తాండవం’ చిత్రం నుంచి వచ్చిన ప్రచార కంటెంట్, మ్యూజిక్ సినిమాపై విపరీతమైన పాజిటివ్ వైబ్‌ను క్రియేట్ చేస్తోంది. బాలయ్య సినిమా విషయంలో థమన్ క్రియేటివిటీకి, ప్రభాస్ సినిమా విషయంలోని క్రియేటివిటీకి తేడా ఉందనే భావన ప్రభాస్ అభిమానుల్లో బలంగా నాటుకుపోయింది. వాస్తవానికి ‘రెబల్ సాబ్’ పాటకు థమన్ తన వంతుగా న్యాయం చేయడంలో విజయం సాధించారని తెలుస్తోంది. వీడియో చూడకుండా, కేవలం ఆడియో వింటే ఆ పాట సాహిత్యం, థమన్ సంగీతం బాగున్నాయనే అభిప్రాయం వ్యక్తమవుతోంది. అయితే, పాట వీడియోలో ప్రభాస్ స్టెప్పులు, కొరియోగ్రఫీ కారణంగా పాట యొక్క ఫీల్ దెబ్బతిందని, దానిని కూడా సంగీత దర్శకుడి ఖాతాలోనే వేస్తున్నారనే విమర్శలు వినిపిస్తున్నాయి. థమన్ ఈ పాటను చాలా కొత్తగా ట్రై చేశారని.. పాట కథకు, సాహిత్యానికి అనుగుణంగానే మ్యూజిక్ ఇచ్చారని విశ్లేషకులు చెబుతున్నారు.

Also Read- Magic of Chikiri Chikiri: ‘తలా జారుతుంది చూస్కో’.. బుచ్చిబాబుపై రామ్ చరణ్ కామెడీ.. మేకింగ్ వీడియో వైరల్

థమన్ కౌంటర్లు – భగ్గుమంటున్న ఫ్యాన్స్

ఈ విమర్శలపై థమన్ కూడా గట్టిగా కౌంటర్ ఇస్తూ, తన పనిని సమర్థించుకుంటున్నారు. అయినప్పటికీ, ప్రభాస్ ఫ్యాన్స్ మాత్రం ఇవన్నీ పట్టించుకోకుండా, థమన్‌ను తరచూ టార్గెట్ చేస్తున్నారు. ‘ది రాజా సాబ్’ చిత్రం నుంచి రాబోయే తదుపరి పాటలతో థమన్ తన ప్రతిభను మరోసారి నిరూపించుకుని, అభిమానులను శాంతింపజేయాల్సి ఉంది. ప్రస్తుతం ఉన్న ఈ ప్రతికూల వాతావరణం నుంచి థమన్ ఎలా బయటపడతారో చూడాలి. మరోవైపు.. ఇటీవల వచ్చిన ట్రైలర్‌ విషయంలో థమన్‌ని అంతా మెచ్చుకున్నవారే.. ఈ పాట విషయంలో దాడి చేయడం చూసి థమన్ ఫ్యాన్స్ కూడా నొచ్చుకుంటున్నారు. మరి ఈ సమస్య ఇప్పుడు మాత్రమే కాదు, థమన్ చేస్తున్న ప్రతి సినిమాకు ముందు ఇలానే టాక్ నడుస్తుంటుంది. సినిమా రిలీజ్ తర్వాత తనేంటో చూపిస్తుంటాడు. చూద్దాం.. ‘రాజా సాబ్’ కోసం ఆయన ఎలాంటి మ్యాజిక్ చేయబోతున్నారో..

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు