Ram Gopal Varma: సంచలన దర్శకుడు రామ్ గోపాల్ వర్మ (Ram Gopal Varma) రూపొందించిన క్లాసిక్ సినిమా ‘శివ’ (Shiva) 1989లో విడుదలై టాలీవుడ్‌లో ట్రెండ్‌సెట్టర్‌గా నిలిచింది. ఈ చిత్రం విడుదలైన 35 ఏళ్ల తర్వాత, సరికొత్త 4కే డాల్బీ అట్మాస్ వెర్షన్‌లో నవంబర్ 14న రీ-రిలీజ్‌కు సిద్ధమవుతోంది. ఈ సందర్భంగా, వర్మ ఈ సినిమాలో నటించిన ఓ చిన్నారి పాత్రధారిని గుర్తు చేసుకుంటూ సోషల్ మీడియాలో చేసిన పోస్ట్ ఇప్పుడు వైరల్ అవుతోంది. ‘శివ’ సినిమాలోని అత్యంత కీలకమైన, ఉత్కంఠభరితమైన సైకిల్ చేజ్ సన్నివేశం తెలుగు ప్రేక్షకులు ఎప్పటికీ మర్చిపోలేనిది. నాగార్జున సైకిల్‌పై విలన్లను ఛేజ్ చేస్తున్నప్పుడు, ముందు సీట్‌లో కూర్చుని ధైర్యంగా ప్రయాణించిన చిన్నారి పాత్ర గుర్తుండే ఉంటుంది. వర్మ తాజాగా ఆ పాప ఇప్పుడెలా ఉందో తెలుపుతూ, ఆమెకు క్షమాపణలు చెబుతూ పోస్ట్ చేశారు.

Also Read- Kaantha Controversy: ‘కాంత’.. ఎవరి తాత, నాన్నల కథ కాదు.. కాంట్రవర్సీపై రానా, దుల్కర్ క్లారిటీ!

ఎలాంటి డూప్ లేకుండా చేయించినందుకు సారీ!

ఆ చిన్నారి పాత్రలో నటించిన అమ్మాయి పేరు సుష్మ ఆనంద్ ఆకోజ్ (Sushma Anand Akoza) అని రామ్ గోపాల్ వర్మ వెల్లడించారు. ఆ రోజుల్లో టెక్నికల్ పరిమితులు, రిస్క్‌లను ఏమాత్రం పట్టించుకోకుండా, ఆ డేంజరస్ సైకిల్ చేజ్ సన్నివేశంలో ఎలాంటి డూప్ లేకుండా ఆ చిన్నారితో చేయించినందుకు గాను, వర్మ ఇప్పుడు క్షమాపణలు కోరారు. ‘నాకు తెలుసు, ఆ సైకిల్ చేజ్ ఎంత ప్రమాదకరమైందో. అప్పుడు ఆమెకు ఎలాంటి భద్రత లేకుండా ఆ సీన్ చేయించాం. అందుకోసం నేను ఇప్పుడు క్షమాపణలు చెబుతున్నాను’ అంటూ రామ్ గోపాల్ వర్మ తన పోస్ట్‌లో పేర్కొన్నారు. ఇది వర్మలోని పశ్చాత్తాపాన్ని తెలియజేస్తుంది.

Also Read- Kajol: పెళ్లికి ఎక్స్‌పైరీ డేట్, రెన్యువల్ ఆప్షన్ ఉండాలి.. బాలీవుడ్ నటి కాజోల్ షాకింగ్ కామెంట్స్

ఇప్పుడు అమెరికాలో ‘డేటా సైన్స్ ఎక్స్‌పర్ట్’

ఆ చిన్నారి సుష్మ ఇప్పుడు ఎక్కడున్నారు, ఏం చేస్తున్నారు అనే వివరాలను కూడా వర్మ పంచుకున్నారు. ఆ సినిమాలో ధైర్యంగా సైకిల్‌పై కూర్చున్న ఆ పాప ఇప్పుడు అపారమైన మేధస్సుతో రాణిస్తోంది. ప్రస్తుతం సుష్మ ఆనంద్ ఆకోజ్ అమెరికాలో నివసిస్తున్నారు. ఆమె పీహెచ్‌డీ (PhD) పూర్తి చేశారు. అంతేకాకుండా, ఆమె డేటా సైన్స్, ఆర్టిఫిషియల్ ఇంటెలిజెన్స్ (AI) రంగాల్లో నిపుణురాలిగా (Expert) పనిచేస్తున్నారు. ఆ రోజుల్లో యాక్షన్ సీన్‌లో చూపించిన ధైర్యాన్ని, నిబద్ధతను ఆమె ఇప్పుడు సైన్స్, టెక్నాలజీ రంగంలోనూ కొనసాగిస్తున్నారని తెలుస్తోంది. ఆర్జీవీ పోస్ట్ చేసిన ఈ వివరాలు చూసిన అభిమానులు ఆశ్చర్యపోతున్నారు. అప్పటి ఆ చిన్నారి ఇప్పుడు ఇంతటి ఉన్నత స్థానంలో ఉండడం పట్ల సంతోషం వ్యక్తం చేస్తున్నారు. కాగా, రామ్ గోపాల్ వర్మ పోస్ట్‌పై సుష్మ ఆనంద్ ఆకోజ్ ఇప్పటివరకు అధికారికంగా స్పందించలేదు. ఏదేమైనా, ‘శివ’ రీ-రిలీజ్ సందర్భంగా, సినిమాలోని ఓ మర్చిపోలేని పాత్రధారి జీవితంలోని ఈ ఆసక్తికరమైన అప్డేట్ అందరినీ ఆకర్షిస్తుందని చెప్పుకోవచ్చు.

Hey @symbolicsushi please accept my sincere apologies after 36 years for subjecting you to such a traumatic experience which I dint realise at that time ..The directorial greed in me took over in being blinded to subjecting a little girl like you to such risky shots ..I apologise… https://t.co/NWzrRzl9Ib

— Ram Gopal Varma (@RGVzoomin) November 12, 2025

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు