Prabhas Spirit: ప్రభాస్ 'స్పిరిట్' షూటింగ్ షురూ..

Prabhas Spirit: పాన్ ఇండియా స్టార్ ప్రభాస్ కథానాయకుడిగా, సంచలనాల దర్శకుడు సందీప్ రెడ్డి వంగా దర్శకత్వంలో తెరకెక్కనున్న భారీ యాక్షన్ ప్రాజెక్ట్ ‘స్పిరిట్'(Spirit). ప్రభాస్ ఫ్యాన్స్ ఎప్పటినుంచో ఎదురు చూస్తున్న ఈ సినిమా షూటింగ్ నేటి నుంచి మొదలు కానుంది. అభిమానులు, సినీ ప్రేమికులు ఎంతో ఆసక్తిగా ఎదురుచూస్తున్న ఈ చిత్రం మొదటి షెడ్యూల్ షూటింగ్ అధికారికంగా ముహూర్తపు పూజతో ప్రారంభమైంది. ఈ ప్రతిష్టాత్మక ప్రాజెక్ట్ ప్రారంభోత్సవ వేడుకకు మెగాస్టార్ చిరంజీవి ముఖ్య అతిథిగా హాజరై, చిత్ర బృందానికి శుభాకాంక్షలు తెలిపారు. చిరంజీవి చేతుల మీదుగా క్లాప్ కొట్టడం ఈ కార్యక్రమానికే హైలైట్‌గా నిలిచింది. ఈ కార్యక్రమంలో ‘స్పిరిట్’ చిత్ర నిర్మాతలు భూషణ్ కుమార్, సందీప్ రెడ్డి వంగా, ప్రణయ్ రెడ్డి వంగా సహా చిత్రంలో నటించనున్న కీలక నటీనటులు, సాంకేతిక నిపుణులందరూ పాల్గొన్నారు.

‘అర్జున్ రెడ్డి’, ‘కబీర్ సింగ్’, ఇటీవలే బాక్సాఫీస్ వద్ద రికార్డులు సృష్టించిన ‘యానిమల్’ వంటి చిత్రాల తర్వాత సందీప్ రెడ్డి వంగా నుంచి వస్తున్న సినిమా కావడంతో ‘స్పిరిట్’పై భారీ అంచనాలు నెలకొన్నాయి. ఈ చిత్రంలో ప్రభాస్ ఒక గ్రిట్, ఇంటెన్స్ కలిగిన పోలీస్ ఆఫీసర్ పాత్రలో కనిపించనున్నట్లు సమాచారం. ప్రభాస్ స్టార్‌డమ్, వంగా టేకింగ్ కలయికలో సినిమా ఎలా ఉండబోతుందో అని ప్రేక్షకులు ఆతృతగా ఎదురుచూస్తున్నారు. ఈ చిత్రంలో త్రిప్తి డిమ్రి కథానాయికగా నటిస్తున్నారు. ‘యానిమల్’లో ఆమె నటనకు మంచి గుర్తింపు దక్కింది. బాలీవుడ్ నటుడు వివేక్ ఒబెరాయ్, ప్రకాష్ రాజ్ ముఖ్య పాత్రల్లో నటించనున్నారు. ఈ చిత్రాన్ని ప్రముఖ నిర్మాణ సంస్థ టీ-సిరీస్ తరఫున భూషణ్ కుమార్ నిర్మిస్తున్నారు.

సందీప్ రెడ్డి వంగా దర్శకత్వం వహిస్తున్న ఈ సినిమాకు సంబంధించి. తొలి షెడ్యూల్ ప్రారంభం కావడంతో, ఈ చిత్రం చిత్రీకరణ వేగవంతం కానుంది. పాన్-ఇండియన్ స్థాయిలో విడుదల కానున్న ఈ సినిమా కోసం ప్రభాస్ అభిమానులతో పాటు యావత్ సినీ ప్రపంచం ఆసక్తిగా ఎదురుచూస్తోంది. ఈ సినిమా గురించి ప్రేక్షకుల్లో చాలా అంచనాలు నెలకున్నాయి. యానిమల్ తర్వాత ఈ సినిమా పట్టాలెక్కడంతో బాహుబలి రికార్డులు బద్దలు గొడుతుందని ప్రభాస్ అభిమానులు ఎదురు చూస్తున్నారు. ఇప్పటికే విడుదలైన టైటిల్ గ్లింప్స్ ఈ సినిమాపై మరింత హైపును పెంచాయి. ఈ సినిమాకు హర్షవర్థన్ రామేశ్వరన్ సంగీతం అందిస్తుండటంతో ఈ చిత్రంపై అంచనాలు మరింత పెరిగాయి. అయితే ఈ సినిమా ఎలా ఉండబోతుందో చూడాలిమరి.