David Reddy: టాలీవుడ్ ఎనర్జిటిక్ హీరో, రాకింగ్ స్టార్ మంచు మనోజ్ (Rocking Star Manchu Manoj) చాలా కాలం తర్వాత వెండితెరపై ఒక బ్రూటల్ అండ్ రూత్ లెస్ మేకోవర్‌తో సెన్సేషన్ క్రియేట్ చేస్తున్నారు. ఆయన నటిస్తున్న తాజా భారీ పాన్ ఇండియా పీరియాడిక్ యాక్షన్ మూవీ ‘డేవిడ్ రెడ్డి’ (David Reddy). రిపబ్లిక్ డే (Republic Day) సందర్భంగా ఈ చిత్రం నుంచి విడుదలైన ఫస్ట్ లుక్ పోస్టర్లు సోషల్ మీడియాను షేక్ చేస్తున్నాయి. ఈ లుక్ చూస్తుంటే మనోజ్ తన కెరీర్‌లోనే మునుపెన్నడూ లేని విధంగా ఒక భయంకరమైన ఉగ్రరూప పాత్రలో కనిపిస్తున్నారని స్పష్టమవుతోంది. ఈ సినిమా కేవలం ఒక యాక్షన్ డ్రామా మాత్రమే కాదు, భారత చరిత్రలో మరుగున పడిన ఒక వీరోచిత పోరాటం. 1897 నుంచి 1920 మధ్య కాలంలో, బ్రిటీష్ క్రూర పాలన నేపథ్యంలో ఈ కథ సాగుతుంది. ఆ కాలంలో తెల్లదొరల అరాచకాలకు ఎదురునిలిచి.. గడ్డపారలు, ఇనుప గొలుసులతో శత్రువుల గుండెల్లో వణుకు పుట్టించిన ఒక యోధుడి గాథే ఈ ‘డేవిడ్ రెడ్డి’ అని ఇప్పటికే మేకర్స్ ప్రకటించిన విషయం తెలిసిందే. ఇక తాజాగా వచ్చిన పోస్టర్స్‌ని గమనిస్తే..

Also Read- K Raghavendra Rao: చిరంజీవి.. జగదేకవీరుడే కాదు.. అతిలోక సుందరి కూడా!

టెర్రిఫిక్ మేకోవర్

ఈ పోస్టర్లలో మంచు మనోజ్ ముఖం నిండా మసి, ఒళ్ళంతా రక్తం, కళ్లలో ప్రతీకార జ్వాల చూస్తుంటే.. ఈసారి బాక్సాఫీస్ దగ్గర ఊచకోత మాములుగా ఉండదనే ఫీల్‌ని ఇస్తున్నాయి. విడుదలైన రెండు పోస్టర్లలో ఒకటి ‘ది బ్రూటల్’, మరొకటి ‘ది రూత్ లెస్’ అని పేర్కొన్నారు. ఒక పోస్టర్‌లో బురద, రక్తం నిండిన మార్గంలో బైక్‌పై విరచుకుపడుతున్న మనోజ్ కనిపిస్తుండగా, మరో పోస్టర్‌లో ముళ్లతీగలు చుట్టిన ఆయుధాన్ని భుజాన వేసుకుని తీక్షణంగా చూస్తున్న లుక్ అదిరిపోయింది. ఈ పాత్ర కోసం మనోజ్ తన బాడీ లాంగ్వేజ్‌ను, మేకోవర్‌ను పూర్తిస్థాయిలో మార్చుకోవడం విశేషం. ఇది మనోజ్ ఫ్యాన్స్‌కు డబుల్ ట్రీట్ మాత్రమే కాదు, ఆయన కెరీర్‌కు మంచి కమ్ బ్యాక్ అవుతుందని భావించవచ్చు. ప్రస్తుతం ఈ రెండు పోస్టర్స్ సోషల్ మీడియాను షేక్ చేస్తూ.. వైరల్ అవుతున్నాయి.

Also Read- Irumudi: రవితేజ, శివ నిర్వాణ కాంబో మూవీ టైటిల్ ఇదే.. ఫస్ట్ ట్రీట్ అదిరింది

మంచు మనోజ్ ఈజ్ బ్యాక్

హనుమ రెడ్డి యక్కంటి (Hanuma Reddy Yakkanti) దర్శకత్వంలో రూపొందుతున్న ఈ చిత్రాన్ని వెల్వెట్ సోల్ మోషన్ పిక్చర్స్, ట్రూ రాడిక్స్ బ్యానర్లపై నల్లగంగుల వెంకట్ రెడ్డి, భరత్ మోటుకూరి అత్యంత ప్రతిష్టాత్మకంగా నిర్మిస్తున్నారు. ఇందులో మారియా ర్యబోషప్క హీరోయిన్‌గా నటిస్తోంది. తెలుగుతో పాటు హిందీ, తమిళ, మలయాళ, కన్నడ భాషల్లో పాన్ ఇండియా లెవల్లో ఈ సినిమా విడుదల కానుంది. బ్రిటీష్ సామ్రాజ్యాన్ని గడగడలాడించిన డేవిడ్ రెడ్డి ప్రయాణం ఎలా సాగింది? మనోజ్ యాక్షన్ ఏ రేంజ్‌లో ఉండబోతోంది? అనే ఆసక్తి ఇప్పుడు సినీ వర్గాల్లో నెలకొంది. త్వరలోనే ఈ మూవీకి సంబంధించిన టీజర్, మరిన్ని అప్డేట్స్‌ను విడుదల చేస్తామని ఈ సందర్భంగా మేకర్స్ తెలియజేశారు. ఇక చాలా గ్యాప్ తర్వాత మంచు మనోజ్ ఊర మాస్ అవతార్‌లో కనిపిస్తుండటంతో పాటు, పోస్టర్స్‌తోనే హిట్ కళ కొట్టిచ్చినట్లు కనిపిస్తుండటంతో.. మంచు మనోజ్ ఈజ్ బ్యాక్ అంటూ అభిమానులు సంబరాలు చేసుకుంటున్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు