Irumudi: మాస్ మహారాజా రవితేజ (Mass Maharaja Ravi Teja) తన 77వ చిత్రం #RT77 కోసం దర్శకుడు శివ నిర్వాణ (Shiva Nirvana)తో జతకట్టిన విషయం తెలిసిందే. ఈ చిత్రాన్ని ప్రముఖ పాన్-ఇండియా బ్యానర్ మైత్రి మూవీ మేకర్స్ (Mythri Movie Makers) నిర్మిస్తున్నారు. రవితేజ పుట్టినరోజును సందర్భంగా, మేకర్స్ సోమవారం ఈ చిత్ర టైటిల్, అద్భుతమైన ఫస్ట్ లుక్ పోస్టర్‌‌ను రిలీజ్ చేశారు. వాస్తవానికి ఆదివారం విడుదల చేసిన ప్రీ లుక్ పోస్టర్‌తోనే ఈ సినిమా ఆసక్తిని ఏర్పరచుకుంది. సినిమా టైటిల్‌పై కూడా ఓ క్లారిటీ వచ్చేసింది. అయ్యప్పమాల డ్రస్‌ని ఆరేసినట్లుగా వచ్చిన ప్రీ లుక్‌కు, కంటిన్యూగా తాజాగా వచ్చిన ఫస్ట్ లుక్ పోస్టర్ ఉండటంతో పాటు, ఇప్పటి వరకు, ఈ మధ్య కాలంలో ఏ హీరో చేయని పాత్రను రవితేజ ఇందులో చేస్తున్నారు. ఈ సినిమాకు ‘ఇరుముడి’ (Irumudi) అనే టైటిల్‌ని మేకర్స్ ఖరారు చేశారు. ఆధ్యాత్మిక ప్రాముఖ్యతను కలిగి ఉన్న ఈ టైటిల్.. అయ్యప్ప స్వామి దీక్షని సూచిస్తోంది.

నమ్మకమే మార్గదర్శకంగా సాగుతున్నా..

ఇక ఫస్ట్ లుక్ పోస్టర్‌లో రవితేజ సాంప్రదాయ అయ్యప్ప మాల దుస్తులు ధరించిన శక్తివంతమైన ఆధ్యాత్మిక అవతార్‌లో కనిపించి, అందరినీ ఆశ్చర్యపరిచారు. భక్తులతో నిండిన వేడుక ఊరేగింపులో, ఆనందోత్సాహాల మధ్య ఒక ట్రాన్స్ లాంటి వాతావరణాన్ని ఈ పోస్టర్ క్రియేట్ చేసింది. రవితేజ పాపని ఎత్తుకుని చిరునవ్వుతో కనిపించడం అందరినీ ఆకట్టుకుంటోంది. రవితేజ బర్త్‌డే స్పెషల్‌గా వచ్చిన ఈ పోస్టర్.. ప్రస్తుతం సోషల్ మీడియాను షేక్ చేస్తోంది. ఈ సందర్భంగా రవితేజ తన ఆనందాన్ని ఎక్స్ వేదికగా షేర్ చేశారు. “జీవితంలో సరైన సమయంలో కొన్ని కథలు మనల్ని ఎంచుకుంటాయి. అలాంటి ఒక కథలో మళ్ళీ భాగమైనందుకు అదృష్టంగా భావిస్తున్నాను, నమ్మకమే మార్గదర్శకంగా సాగుతున్నాను. శివ నిర్వాణ, మైత్రి మూవీ మేకర్స్‌తో కలిసి #ఇరుముడి అనే ఈ కొత్త ప్రయాణాన్ని ప్రారంభించడానికి ఉత్సాహంగా ఉన్నాను. స్వామియే శరణం అయ్యప్ప” అని పోస్టర్ చేశారు.

ప్రతి భావోద్వేగం ఒక వేడుకే

ఇక నిర్మాణ సంస్థ మైత్రి మూవీ మేకర్స్ కూడా మాస్ మహారాజాకు పుట్టినరోజు శుభాకాంక్షలు తెలుపుతూ.. “#RT77 #ఇరుముడి. ‘ప్రతి భావోద్వేగం ఒక వేడుకే’ మాస్ మహారాజా రవితేజకు పుట్టినరోజు శుభాకాంక్షలు. అయ్యప్ప స్వామి ఆశీస్సులతో ఆయన Redemption ప్రారంభమవుతుంది… స్వామియే శరణం అయ్యప్పా” అని పోస్ట్ చేశారు. అలాగే ఈ చిత్ర సంగీత దర్శకుడు జివి ప్రకాష్ కుమార్ ఈ చిత్రానికి పనిచేయడంపై తన ఉత్సాహాన్ని వ్యక్తం చేశారు.. “ఒక అద్భుతమైన స్క్రిప్ట్. ఖచ్చితంగా విజయం సాధించే సినిమా. దీని కోసం ఎదురుచూస్తున్నాను. కమర్షియల్ సినిమాలలో ఒక గేమ్ ఛేంజర్. ఇందులో అందరూ రవితేజ కొత్త వెర్షన్‌ను చూడబోతున్నారు. దేవుడి ఆశీస్సులు ఉండాలి’’ అని రాసుకొచ్చారు. దర్శకుడు శివ నిర్వాణ ఈ సినిమా కోసం పవర్ ఫుల్ స్క్రిప్ట్‌ను రెడీ చేసినట్లుగా తెలుస్తోంది. ఇందులో తండ్రీకూతుళ్ల మధ్య బలమైన బంధం ఉంటుందని, రవితేజ మునుపెన్నడూ చేయని ఒక విభిన్నమైన పాత్ర చేస్తున్నారని, ఈ సినిమా కోసం కంప్లీట్‌గా మేకోవర్ అవుతున్నారని ఈ సందర్భంగా మేకర్స్ తెలిపారు. ప్రియా భవాని శంకర్ (Priya Bhavani Shankar) హీరోయిన్‌గా నటిస్తున్న ఈ సినిమాలో బేబీ నక్షత్ర రవితేజ కుమార్తె పాత్రను పోషిస్తోంది. సాయి కుమార్, అజయ్ ఘోష్, రమేష్ ఇందిర, స్వాసిక ఇతర కీలక పాత్రల్లో నటిస్తున్నారు. ప్రస్తుతం ఈ చిత్రం శరవేగంగా చిత్రీకరణను జరుపుకుంటోంది.

Some stories choose you at the right moment in life.

Feeling blessed to be part of one such story again, letting belief lead the way.🙏🏻

Excited to begin this new journey called #Irumudi with @ShivaNirvana & @MythriOfficial 🤗

Swamiye Saranam Ayyappa 🖤 pic.twitter.com/uXnquBzNIb

— Ravi Teja (@RaviTeja_offl) January 26, 2026

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు