Mega Interview: మెగా సంక్రాంతి బ్లాక్ బాస్టర్ స్పెషల్ ఇంటర్వ్యూ ఫుల్ వీడియో వచ్చేసింది..

Mega Interview: మెగాస్టార్ హీరోగా అనిల్ రావిపూడి దర్శకత్వంలో రూపొందిన ‘మన శంకరవరప్రసాద్ గారు’ బాక్సాఫీస్ దగ్గర దూసుకుపోతుంది. తాజాగా దీనికి సంబంధించి మెగా బ్లాక్ బాస్టర్ ఇంటర్య్వూ నిర్వహించారు. అందులో దర్శకుడు అనిల్ రావిపూడి, హీరో మెగాస్టార్ చిరంజీవి, విక్టరీ వెంటటేష్ కలిసి సందడి చేశారు. ఇప్పటికే దీనికి సంబంధించిన ప్రోమో తెగ వైరల్ అయింది. తాజాగా దీనికి సంబంధించిన ఫుల్ వీడియో విడుదలైంది. మెగాస్టార్ చిరంజీవి విక్టరీ వెంకటేష్ తెలుగు చిత్ర పరిశ్రమలో అగ్ర కథానాయకులుగా దశాబ్దాలుగా వెలుగొందుతున్నారు. ఈ ఇద్దరు స్టార్ హీరోలు ఒకే ఫ్రేమ్‌లో కనిపిస్తే అభిమానులకు అది పండగే. తాజాగా విడుదలైన ఈ ప్రత్యేక ఇంటర్వ్యూ, వారిద్దరి మధ్య ఉన్న అనుబంధాన్ని సినిమా విజయాన్ని మరోసారి ప్రతిబింబిస్తోంది. దర్శకుడు అనిల్ రావిపూడి హోస్ట్‌గా వ్యవహరించిన ఈ ఇంటర్వ్యూలో అనేక ఆసక్తికర విషయాలు చర్చకు వచ్చాయి. అనిల్ రావిపూడి తనదైన శైలిలో సరదా ప్రశ్నలతో ఇద్దరు హీరోలను ఉత్సాహపరిచారు.

Read also-Vijay Deverakonda: అమ్మకు ప్రామిస్ చేశా.. నెక్ట్స్ సంక్రాంతికి పక్కాగా..!

2026 సంక్రాంతి బాక్సాఫీస్ వద్ద మెగాస్టార్ చిరంజీవి తన సత్తా చాటుతూ, “మన శంకరవరప్రసాద్ గారు” చిత్రంతో ప్రభంజనం సృష్టిస్తున్నారు. విడుదలైన కేవలం మూడు రోజుల్లోనే ప్రపంచవ్యాప్తంగా 152 కోట్ల రూపాయల భారీ గ్రాస్ వసూళ్లను సాధించి, ఈ చిత్రం ట్రేడ్ వర్గాలను సైతం ఆశ్చర్యపరిచింది. మొదటి రోజు నుంచే పాజిటివ్ టాక్‌తో మొదలైన ఈ సినిమా ప్రయాణం, పండుగ సెలవులను పూర్తిస్థాయిలో వినియోగించుకుంటూ బాక్సాఫీస్ వద్ద కాసుల వర్షం కురిపిస్తోంది. ముఖ్యంగా నైజాం మరియు ఆంధ్రా ప్రాంతాల్లో థియేటర్లు హౌస్‌ఫుల్ బోర్డులతో కళకళలాడుతున్నాయి. అమెరికా వంటి ఓవర్సీస్ మార్కెట్లలో కూడా ఈ చిత్రం అత్యంత వేగంగా మిలియన్ డాలర్ల మార్కును దాటి, మెగాస్టార్ గ్లోబల్ బాక్సాఫీస్ స్టామినాను మరోసారి నిరూపించింది. అనిల్ రావిపూడి దర్శకత్వ ప్రతిభ, చిరంజీవి గారి మాస్ ఇమేజ్‌ను ఫ్యామిలీ ఎమోషన్స్‌తో మేళవించిన విధానం ప్రేక్షకులకు ఒక అద్భుతమైన విందును అందించింది.

Read also-VT15 Title Glimpse: వరణ్ తేజ్ ‘VT15’ గ్లింప్స్ వచ్చేది ఎప్పుడంటే?..

ఈ చిత్రం ఇంతటి భారీ విజయాన్ని అందుకోవడానికి ప్రధాన కారణం అందులోని బలమైన తారాగణం మరియు వినోదాత్మక కథాంశం. మెగాస్టార్ చిరంజీవి తన వింటేజ్ మేనరిజమ్స్, గ్రేస్‌ఫుల్ డ్యాన్స్‌లతో అభిమానులను ఉర్రూతలూగించగా, విక్టరీ వెంకటేష్ గారి ప్రత్యేక పాత్ర సినిమాకు అదనపు బలాన్ని చేకూర్చింది. వీరిద్దరి మధ్య వచ్చే కామెడీ సన్నివేశాలు థియేటర్లలో నవ్వుల పువ్వులు పూయిస్తుంటే, సెకండ్ హాఫ్‌లో వచ్చే ఎమోషనల్ సీన్స్ ప్రేక్షకులను కన్నీళ్లు పెట్టిస్తున్నాయి. నయనతార నటన మరియు భీమ్స్ సిసిరోలియో అందించిన మ్యూజిక్ సినిమాను మరో స్థాయికి తీసుకెళ్లాయి. కేవలం యువతనే కాకుండా, చిన్న పిల్లల నుండి ముసలివారి వరకు ప్రతి ఒక్కరూ ఈ చిత్రాన్ని తమ ‘సొంత సినిమా’గా భావిస్తుండటంతో, సోషల్ మీడియాలో ట్రెండ్ అవుతోంది. సంక్రాంతి సీజన్‌లో ఒక పర్ఫెక్ట్ కమర్షియల్ ఎంటర్‌టైనర్‌గా నిలవడమే ఈ భారీ వసూళ్లకు ప్రధాన కారణం.