Malavika Mohanan: రెబల్ స్టార్ ప్రభాస్ (Rebel Star Prabhas), టాలెంటెడ్ డైరెక్టర్ మారుతి (Director Maruthi) కాంబినేషన్‌లో వస్తున్న మోస్ట్ ఎవైటెడ్ పాన్-ఇండియా చిత్రం ‘ది రాజా సాబ్’ (The Raja Saab)పై సర్వత్రా అంచనాలు ఆకాశాన్ని తాకుతున్నాయి. ఈ హారర్ కామెడీ జానర్ చిత్రంపై తాజాగా.. ఇందులో ఒక హీరోయిన్‌గా నటిస్తున్న మాళవికా మోహనన్ (Malavika Mohanan) చేసిన వ్యాఖ్యలు ఇప్పుడు సినీ వర్గాల్లో హాట్ టాపిక్‌గా మారాయి. పీపుల్ మీడియా ఫ్యాక్టరీ బ్యానర్‌పై టీజీ విశ్వప్రసాద్ అత్యంత భారీ బడ్జెట్‌తో, అత్యున్నత నిర్మాణ విలువలతో నిర్మిస్తున్న ఈ చిత్రంలో తన పాత్ర గురించి మాళవిక ఒక ఇంటర్వ్యూలో సంచలన విషయాలు వెల్లడించారు.

Also Read- Syamala: హిందూపురంలో అంత రచ్చ జరుగుతుంటే ఎమ్మెల్యే ఎక్కడ? బాలకృష్ణపై శ్యామల ఫైర్..

‘రాజా సాబ్’’లో ప్రాధాన్యత ఉన్న పాత్రలో

మాళవికా మోహనన్ తెలుగు సినీ పరిశ్రమకు ‘ది రాజా సాబ్’ చిత్రంతో అడుగుపెడుతున్న విషయం తెలిసిందే. ఈ సందర్భంగా ఆమె మాట్లాడుతూ, సాధారణంగా సూపర్ స్టార్స్ సినిమాల్లో హీరోయిన్ల పాత్రకు పెద్దగా ప్రాధాన్యత లభించదని, కేవలం ఒక పాట, నాలుగైదు సన్నివేశాలకే పరిమితం అవుతుందని అభిప్రాయపడ్డారు. అయితే, ప్రభాస్ వంటి స్టార్ హీరో నటిస్తున్నా, ‘ది రాజా సాబ్’ చిత్రంలో తన పాత్రకు చాలా మంచి ప్రాధాన్యత లభించిందని ఆమె అన్నారు. ‘తెలుగు డెబ్యూలో ఇలాంటి గొప్ప సినిమా చేస్తానని అనుకోలేదు. ఇందులో నాకు చాలా మంచి రోల్ ఇచ్చారు. రెండు పాటల్లో కనిపించే అవకాశం రావడం నిజంగా లక్కీ. ఏ డెబ్యూ హీరోయిన్‌కైనా ఇలాంటి పాత్ర లభించడం చాలా గొప్ప విషయం’ అని ఆమె సంతోషం వ్యక్తం చేశారు.

Also Read- Teacher Naresh Kaushik: ఫేర్వెల్ పార్టీ‌లో ఈ లెక్కల మాస్టర్ చేసిన డ్యాన్స్‌కి జానీ మాస్టర్ ఫిదా.. వీడియో వైరల్!

ప్రభాస్ టీమ్‌పై ప్రశంసలు

మాళవిక చేసిన ఈ వ్యాఖ్యలు.. ప్రభాస్ తన సహనటీనటులకు ఇచ్చే గౌరవం, అలాగే దర్శకుడు మారుతి కథకు ప్రాధాన్యతనిచ్చే విధానాన్ని స్పష్టం చేస్తున్నాయి. ఇంత భారీ చిత్రంలో సంజయ్ దత్, నిధి అగర్వాల్, రిద్ధి కుమార్ వంటి స్టార్ కాస్టింగ్ మధ్య కూడా తన పాత్ర పట్ల మాళవిక సంతృప్తి వ్యక్తం చేయడం విశేషం. ఫ్యాన్స్ ఈ కామెంట్స్‌పై ఆనందం వ్యక్తం చేస్తూ, ఇలాంటి భారీ చిత్రంలో ఒక హీరోయిన్ పబ్లిక్‌గా తనకు మంచి పాత్ర దక్కిందని చెప్పిందంటే, ఈ సినిమా ఎంత గొప్పగా ఉండబోతోందో అర్థమవుతోందని కామెంట్స్ చేస్తున్నారు. ఈ హారర్ కామెడీ ఫిల్మ్‌ను ఎవర్ గ్రీన్ మూవీగా నిలపడానికి టీమ్ ఎంతగానో కష్టపడుతోంది. ఈ సినిమాకు సంబంధించి తాజాగా విడుదలైన ‘రెబల్ సాబ్’ పాట, అలాగే అంతకుముందు వచ్చిన ట్రైలర్ ప్రేక్షకులలో భారీ అంచనాలను పెంచాయి. ఈ సినిమా రిలీజ్‌కు ముందు మరో ట్రైలర్‌ను కూడా విడుదల చేయాలని మేకర్స్ ప్లాన్ చేస్తున్నారు. ఈ చిత్రం 2026 సంక్రాంతికి జనవరి 9న ప్రపంచవ్యాప్తంగా పాన్ ఇండియా స్థాయిలో విడుదల కానుంది.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు