King Nagarjuna: ‘కూలీ’ చివరిరోజు రజనీ సర్‌ అందరినీ పిలిచి తలో ఒక ప్యాకెట్ ఇచ్చారు

King Nagarjuna: సూపర్ స్టార్ రజనీకాంత్ (Super Star Rajinikanth), లోకేశ్ కనగరాజ్ (Lokesh Kanagaraj) కాంబినేషన్‌లో.. సన్ పిక్చర్స్ బ్యానర్‌పై కళానిధి మారన్ నిర్మించిన క్రేజీ పాన్ ఇండియా యాక్షన్ చిత్రం ‘కూలీ’ (Coolie). కింగ్ నాగార్జున ఫస్ట్ టైమ్ విలన్ పాత్రలో నటిస్తున్న ఈ సినిమాలో ఆమిర్ ఖాన్, సత్యరాజ్, సౌబిన్ షాహిర్, ఉపేంద్ర, శ్రుతి హాసన్ వంటి వారు ఇతర ముఖ్య పాత్రల్లో కనిపించనున్నారు. ఇప్పటి వరకు విడుదలైన ప్రమోషనల్ కంటెంట్‌తో సినిమా హ్యుజ్ బజ్ క్రియేట్ చేసిన విషయం తెలిసిందే. ఈ సినిమాను డి. సురేష్ బాబు, దిల్ రాజు, సునీల్ నారంగ్, భరత్ నారంగ్ యాజమాన్యంలోని ఏషియన్ మల్టీప్లెక్స్ ప్రైవేట్ లిమిటెడ్ ద్వారా తెలుగు రాష్ట్రాల్లో ఆగస్టు 14న ఈ చిత్రాన్ని గ్రాండ్‌గా విడుదల చేసేందుకు సన్నాహాలు చేస్తున్నారు. సోమవారం హైదరాబాద్‌లో ఈ చిత్ర ప్రీ రిలీజ్ వేడుకను గ్రాండ్‌గా నిర్వహించారు. ఈ కార్యక్రమంలో

Also Read- Dhanush: డబ్బు కోసమే ఇలా చేస్తున్నావా.. ధనుష్ పై మండి పడుతున్న నెటిజన్స్

కింగ్ నాగార్జున మాట్లాడుతూ.. ‘నిన్నేపెళ్లాడతా’ చేసిన తర్వాత ‘అన్నమయ్య’ సినిమా చేస్తుంటే.. ‘ఇప్పుడెందుకు ఇలాంటి కథ’ అని కొందరు నిరుత్సాహపరిచే ప్రయత్నం చేశారు. కానీ నాకు మొదటి నుంచి కొత్తదనం ఇష్టం. సినిమా సెట్‌కు వెళ్లిన తర్వాత బోర్‌ కొట్టకూడదంటే డిఫరెంట్ పాత్రలు చేయాలి. ఆ ప్రయత్నంతోనే ఇంతకాలం ఇండస్ట్రీలో పని చేశాను. కొన్ని దెబ్బలు తిన్నా.. మంచి మంచి సక్సెస్‌లూ అందుకున్నాను. ఒకరోజు లోకేశ్‌ నన్ను కలిసి ‘మీరు విలన్‌గా చేస్తానంటే మీకో కథ చెబుతా, లేదంటే కొన్ని సినిమా కబుర్లు చెప్పేసి టీ తాగి వెళ్లిపోతా’ అన్నారు. లోకేష్ డైరెక్ట్ చేసిన ‘ఖైదీ’, ‘విక్రమ్’ నా ఫేవరెట్ ఫిలిమ్స్. ఆ సినిమాలు చూసిన తర్వాత ఎప్పటికైనా ఈ దర్శకుడితో పనిచేయాలని బలంగా కోరుకున్నాను. ‘కూలీ’ కథ చెప్పిన తర్వాత నాకు బాగా నచ్చింది. ‘రజనీ సర్‌ ఈ కథ ఒప్పుకొన్నారా’ అని అడిగా. ఎందుకంటే ఈ కథలో ‘సైమన్‌’ పాత్ర కథలో ఆల్ మోస్ట్ హీరోలాంటిది. లోకేష్ తన సినిమాలలో హీరో, విలన్స్‌ని సమానంగా చూపిస్తాడు. నా కెరీర్‌లో మొదటిసారి.. లోకేశ్‌ కథ చెబుతుంటే రికార్డు చేసుకున్నాను. ఇంటికి వెళ్లిన తర్వాత మళ్లీ మళ్లీ విన్నా. నాకు అనిపించిన కొన్ని మార్పులు చెప్పా. లోకేష్ స్థాయిలో ఉన్న మరొకరైతే.. వాటిని ఈజీగా తీసుకుంటారు. కానీ, నేను చెప్పిన విషయాలు కూడా పరిగణనలోకి తీసుకుని ‘సైమన్‌’ పాత్రను లోకేశ్‌ తీర్చిదిద్దిన విధానం నాకు నచ్చింది.

రజనీ సర్‌ చెప్పినట్లుగా ఎప్పుడూ మంచి వాళ్లగానే సినిమాలో నటిస్తే బాగుండదు కదా. వైజాగ్‌లో మా ఫస్ట్‌ షూట్‌ జరిగింది. రెండో రోజు షూటింగ్‌ సందర్భంగా రికార్డు చేసిన వీడియో సోషల్‌ మీడియాలో లీకై వైరల్ అయింది. ఆ సీన్ చూసి ‘మనుషులు ఇంత ఈవిల్‌గా ఉంటారా?’ అని లోకేష్‌ని అడిగా. ఇంతకంటే ఈవిల్‌గా ఉంటారని అన్నాడు. మీలో కూడా ఒక ఈవిల్ ఉన్నారని చెప్పాడు. క్యారెక్టర్ పెర్ఫార్మెన్స్‌కి అది కాంప్లీమెంట్‌గా తీసుకున్నాను. ఈ సినిమాను నిర్మించిన సన్‌ పిక్చర్స్‌.. ఖర్చు చేయడానికి ఏమాత్రం వెనకడుగు వేయదు. కానీ, వాళ్లు ఇచ్చిన బడ్జెట్‌లో రూ.5 కోట్లు మిగిల్చి మరీ.. లోకేశ్‌ సినిమా పూర్తి చేశాడు. షూట్‌ సమయంలో ఆరు కెమెరాలతో తను పని చేస్తాడు. చాలా వరకూ సన్నివేశాలు సింగిల్‌ టేక్‌లోనే ఓకే అయిపోయేవి. సినిమా కట్‌ వెర్షన్‌ చూసి డబ్బింగ్‌ చెబుతుంటే ఇంత బాగా నటించామా? అని నాకే అనిపించింది.

Also Read- Rajinikanth: ‘బాషా’ సినిమాకు ఆంటోని ఎలాగో.. ‘కూలీ’ సినిమాకు సైమన్ అలాగే.. నాగ్ అదరగొట్టేశాడు

ఈ మూవీలో నేను నెగెటివ్‌ రోల్‌ చేసినా.. ఈ పాత్ర చేసిన అనుభూతి మాత్రం నాకు పాజిటివ్‌గా అనిపిస్తుంది. సత్యరాజ్‌, శృతి హాసన్‌, సౌబిన్‌, ఉపేంద్ర అందరూ చాలా అద్భుతంగా ఈ సినిమాలో నటించారు. ఈ షూటింగ్‌ సమయంలో రజనీ సర్‌ స్వయంగా వచ్చి.. నన్ను కలిసి మాట్లాడారు. అది ఆయన గొప్పతనం. నన్ను కలిసినప్పుడు కొద్దిసేపు అలాగే చూస్తూ ఉండిపోయారు. ‘మీరు ఇలా ఉన్నారని తెలిస్తే మన సినిమాలో నాగార్జున వద్దని లోకేశ్‌కు చెప్పేవాడిని’ అని అన్నారు. ఆయనతో కూర్చొని మాట్లాడటం నిజంగా అద్భుతం. ఆయన యాక్టింగ్, స్టైల్‌ గురించి నేను ప్రత్యేకంగా చెప్పాల్సిన అవసరం లేదు. ఇన్నేళ్ల తర్వాత, ఇన్ని సినిమాలు చేసినా కూడా రజనీ సర్‌ పక్కకు వెళ్లి డైలాగ్స్‌ ప్రాక్టీస్‌ చేస్తారు. ఇంకా కొత్తగా చేసేందుకు ఎంతగానో ప్రయత్నిస్తారు. థాయ్‌లాండ్‌లో 17 రోజుల పాటు రాత్రి పూట యాక్షన్‌ సీక్వెన్స్‌ తీశాం. దాదాపు 350 మందికి పైగా చాలా కష్టపడ్డాం. చివరి రోజు మొత్తం అందరినీ రజనీ సర్‌ పిలిచి తలో ఒక ప్యాకెట్ ఇచ్చి ఇంటికి వెళ్లేటప్పుడు పిల్లలకు ఏమైనా తీసుకెళ్లండి అన్నారు. అంత మంచి హృదయం ఉన్న వ్యక్తి. ఆయనతో కలిసి పని చేయడం వండర్ ఫుల్ ఎక్స్ పీరియన్స్. ఇక అనిరుధ్ మ్యూజిక్‌ గురించి చెప్పేదేముంది.. వరుసగా హిట్స్‌ ఇస్తూనే ఉన్నాడు. ఇందులో బ్యాగ్రౌండ్ స్కోర్ మాములుగా ఉండదు. ఈ సినిమాలో పని చేసిన అందరికీ థాంక్యూ. ఇది నాకు చాలా పాజిటివ్ ఎక్స్‌పీరియెన్స్ ఇచ్చిన సినిమా. ఈ సినిమా చేస్తూ ఒక బెటర్ యాక్టర్‌గా ఫీల్ అయ్యాను. ఈ సినిమా చాలా పెద్ద విజయాన్ని సాధించాలని మనస్ఫూర్తిగా కోరుకుంటున్నాను’’ అని చెప్పుకొచ్చారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు