Epaper 
Katrina Kaif: బాలీవుడ్ స్టార్ కట్రీనా కైఫ్‌కు చెందిన ప్రైవేట్ ఫోటోలు సోషల్ మీడియాలో వైరల్ అవుతున్నాయి. ఆమె ముంబైలోని తన బాల్కనీలో తీసుకున్న ఈ ఫోటోల్లో బేబీ బంప్ స్పష్టంగా కనిపిస్తోంది. ఒక మీడియా పోర్టల్ ఈ ఫోటోలను ప్రచురించడంతో అభిమానులు తీవ్ర కోపోద్రేకంలో మునిగిపోయారు. వారు ఈ చర్యను ‘ప్రైవసీ ఉల్లంఘన’గా ఖండించి, పోలీసులు తక్షణ చర్యలు తీసుకోవాలని డిమాండ్ చేస్తున్నారు.
Read also-Bigg Boss Telugu 9: ఈ ప్రోమోతో ఇక ఫిక్స్ అయినట్టేనా.. ట్విస్ట్ అదిరింది బిగ్ బాస్?
ఈ ఏడాది సెప్టెంబర్‌లో కట్రీనా కైఫ్, విక్కీ కౌశల్ తమ మొదటి సంతానం గురించి అధికారిక ప్రకటన చేశారు. ప్రస్తుతం మూడవ త్రైమాసికంలో ఉన్న కట్రీనా బేబీ బంప్‌తో కనిపించిన ఫోటోలు శుక్రవారం ఉదయం ఒక మీడియా పోర్టల్‌లో పంచబడ్డాయి. ఈ ఫోటోలు ముంబైలోని ఆమె అపార్ట్‌మెంట్ బాల్కనీలో రహస్యంగా తీసినవిగా తెలుస్తోంది. ఈ లీక్ వెంటనే వైరల్ అవుతూ, నెటిజన్లలో ఆగ్రహాన్ని రేకెత్తించింది.
అభిమానులు మీడియా పోర్టల్ పోస్ట్ కామెంట్లలో తమ ఆగ్రహాన్ని వ్యక్తం చేశారు. ఒకరు, “కెమెరా తీసేముందు మ్యానర్స్ ఆన్ చేయండి” అని రాశారు. మరొకరు, “ప్రైవసీ ఎక్కడ? ఇది ఆమె ఇల్లు, బాల్కనీలో ఎందుకు ఫోటోలు తీస్తారు?” అని ప్రశ్నించారు. మరొక కామెంట్: “ప్రైవసీ బ్రీచ్ అనే పదం ఉంది. వారిని డిస్టర్బ్ చేయకూడదు.” ఇంకో అభిమాని, “ఇది నేరం! ఈ వ్యక్తి మీద, ప్రైవసీ ఉల్లంఘించిన మీడియా హౌస్ మీద పోలీసులు చర్యలు తీసుకోవాలి” అని డిమాండ్ చేశాడు. కొందరు ఫోటోలను తొలగించి, పబ్లిక్ అపాలజీ చేయాలని కోరారు.బాలీవుడ్ నటి సోనాక్షి సిన్హా కూడా ఈ ఘటనపై తీవ్రంగా తిట్టింది. ఆమె మీడియా పోర్టల్‌పై, “మీరు ఏమి చేస్తున్నారు? ఆమె సొంత ఇంట్లో అనుమతి లేకుండా ఫోటో తీసి, పబ్లిక్ ప్లాట్‌ఫామ్‌లో ప్రచురించడం? మీరు క్రిమినల్స్ కంటే తక్కువ కాదు. షేమ్‌ఫుల్” అని కామెంట్ చేసింది. సోనాక్షి ముంబై పోలీసులను ట్యాగ్ చేసి చర్యలు తీసుకోవాలని డిమాండ్ చేశారు. ఈ విషయంపై కత్రినా ఫ్యామిలీ నుంచి ఎలువంటి అధికారికి ప్రకటన రాలేదు. ఈ ఘటన బాలీవుడ్ సెలబ్రిటీల ప్రైవసీ హక్కులపై మళ్లీ చర్చను రేకెత్తించింది. అభిమానులు, సెలబ్రిటీలు ఏకకాలంలో మీడియా ఎథిక్స్, పోలీసు చర్యలపై డిమాండ్ చేస్తున్నారు.
