Story vs star power: బిగ్ స్టార్ కాస్ట్ ఉన్న సినిమాలకు ‘కాంతార చాప్టర్ 1’ చెప్తోంది ఇదేనా?.. హిట్ ఫార్ములా ఏంటంటే?

Story vs star power: సినిమా ప్రపంచంలో ‘స్టార్ పవర్’ అంటే ఏమిటో, ఎలా పని చేస్తుందో అందరికీ తెలిసిందే. పెద్ద హీరోలు, లార్జ్ బడ్జెట్‌లు, మాస్ యాక్షన్ సీన్స్ ఇవన్నీ ఉంటే ఖచ్చితంగా హిట్ అవుతాయని నమ్ముతారు కొందరు. కానీ, వీటన్నింటికీ భిన్నంగా 2022లో వచ్చిన రిషబ్ శెట్టి’కాంతార’ సినిమా సినిమా ప్రపంచానికి కొత్త మార్గం చూపించింది. చిన్న బడ్జెట్, స్థానిక కల్చర్, దైవిక కథ ఇవి ఒక్కొక్కటి చేస్తే రూ.400 కోట్లు వసూలు చేసింది. ఇప్పుడు, దానికి ప్రీక్వెల్‌గా వచ్చిన ‘కాంతార: ఎ లెజెండ్ చాప్టర్ 1’ ఆ ఫార్ములాను మరింత బలోపేతం చేసి, పెద్ద స్టార్ కాస్ట్ మూవీలకు అవసరం లేదని కంటెంట్ ఉంటే సినిమాను ఆపేది ఏదీ ఉండదని నిరూపించింది. దసరా రోజు (అక్టోబర్ 2, 2025) రిలీజ్ అయిన ఈ సినిమా, మొదటి వారంలోనే ప్రపంచవ్యాప్తంగా రూ.451 కోట్లు వసూలు చేసింది. ఇది ఈ వారంలో ప్రపంచంలోనే అత్యధిక గ్రాసింగ్ చిత్రంగా నిలిచింది.

Read also-Shiva 4K rerelease: నాగార్జున సినిమాకు అల్లు అర్జున్ ప్రమోషన్స్.. ఈ సారి రెండు లారీలంట.. ఏంటో చూద్దామా..

టేలర్ స్విఫ్ట్ హీరోయిన్‌గా ఉన్న ‘పార్టీ ఆఫ్ ఎ షోగర్ల్’, లియోనార్డో డికాప్రియో స్టారర్ ‘వన్ బ్యాటిల్ ఆఫ్ అనదర్’ వంటి హాలీవుడ్ బ్లాక్‌బస్టర్లను దాటేసింది. భారతదేశంలో కూడా, రాణ్‌బీర్ కపూర్, అలియా భట్‌ల ‘బ్రహ్మాస్త్ర పార్ట్ వన్’ (రూ431 కోట్లు), ‘3 ఇడియట్స్’ (రూ.450 కోట్లు) జీవితకాల కలెక్షన్లను మొదటి వారంలోనే బద్దలు కొట్టింది. ఇక్కడి మ్యాజిక్ ఏంటంటే? రిషబ్ శెట్టి హీరోగా, డైరెక్టర్‌గా రాగి మొలకలో దాగిన దైవిక కథను పెద్ద స్కేల్‌లో చూపించాడు. కర్ణాటక ప్రాంతీయ మిథాలజీ, గులిగ ఉగ్రరూపం, వరాహావతార పూజలు – ఇవన్నీ అసలు కల్చర్‌తో మిక్స్ చేసి, అద్భుతమైన వీఎఫ్ ఎక్స్ తో ప్రజెంట్ చేశాడు. రుక్మిణి వసంత్, జయరామ్, గుల్షన్ దేవయా వంటి కాస్ట్ ఉన్నా, ఇక్కడ స్టార్‌లు కాదు, కథే స్టార్. మొదటి ‘కాంతార’ చిన్న బడ్జెట్‌తో (రూ.14 కోట్లు) వచ్చి రూ.400 కోట్లు చేసినట్టు, ఈ చాప్టర్ 1 రూ.125 కోట్ల బడ్జెట్‌తో వచ్చి దాదాపు రూ.700 కోట్లు దాటుతుంది.

హిట్ ఫార్ములా

కంటెంట్ స్టార్ పవర్ఇదే ‘కాంతార’ ఫార్ములా! పెద్ద స్టార్ కాస్ట్ మూవీలు (ఉదా: ప్రభాస్ ‘సలార్’, రామ్ చరణ్ ‘రామ్ బాణం’ వంటివి) బడ్జెట్‌పై ఆధారపడి, ఫార్ములా యాక్షన్‌తో వస్తుంటే, ‘కాంతార’ సిరీస్ కథా బలం, సాంస్కృతిక ఆధారాలు, థియేట్రికల్ ఎక్స్‌పీరియన్స్‌తో ప్రేక్షకులను ఆకట్టుకుంటుంది. రిషబ్ శెట్టి చెప్పినట్టు, “ఇది కేవలం సినిమా కాదు, ఒక దైవిక అనుభవం.” ప్రేక్షకులు థియేటర్‌లో ‘గులి’ పూజకు లేచి నిలబడి చప్పట్లు కొట్టారు. ఇది స్టార్ ఫీవర్ కాదు, ఎమోషనల్ కనెక్షన్. తెలుగు సినిమాలో కూడా ఇది ఒక సిగ్నల్. బిగ్ హీరోలు రిస్క్ తీసుకోకుండా సేఫ్ స్క్రిప్ట్‌లు చేస్తుంటే, ‘కాంతార’లా రూట్స్‌కు టచ్ చేస్తే పాన్- ఇండియా హిట్ సాధ్యమే. రూ.700 కోట్లు దాటిన ఈ చిత్రం, తెలుగు మార్కెట్‌లో కూడా దాదాపు రూ.100 కోట్లకు పైగా వసూలు చేసింది.

Read also-The Girlfriend trailer: రష్మిక మందాన ‘ది గర్ల్‌ఫ్రెండ్’ ట్రైలర్ వచ్చేసింది.. ఏం పర్ఫామెన్స్ గురూ..

ఇదే ఏడాది స్టార్ పవర్ తో వచ్చిన ‘కూలీ’, ‘వార్ 2’ సినిమాలు బాక్సాఫీస్ వద్ద బోర్లా పడ్డాయి. ఏమీ అంచనాలు లేకుండా వచ్చిన కాంతార చాప్టర్ 1 మాత్రం వందల కోట్లు వసూలు చేస్తుంది. దీని బట్టి చూసుకుంటే సినిమాలకు స్టార్ పవర్ కన్నా స్టార్ కథ ఉంటే ప్రేక్షకులు ఆదరిస్తారు అని. ఇప్పటికైనా దర్శకుడు మేల్కొని స్టార్ల కోసం ఖర్చుపెట్టకుండా కథ ఉన్న సినిమాలు తీస్తే ప్రేక్షకులు ఆదరిస్తారు. కొత్త ఎరా ప్రారంభం అయింది. ‘కాంతార చాప్టర్ 1’ చెప్తున్నది స్పష్టం. హిట్ ఫార్ములా అంటే పెద్ద స్టార్ కాస్ట్ కాదు, హృదయానికి టచ్ చేసే కథ. రిషబ్ శెట్టి లాంటి డైరెక్టర్లు మరింత మంది వస్తే, ఇండియన్ సినిమా గ్లోబల్ లెవెల్‌కు వెళ్తుంది.