Oscars 2026: ఆస్కార్ 2026లో రేసులో అర్హత సాధించిన రెండు కన్నడ సినిమాలు..

Oscars 2026: ప్రపంచ వేదికపై రెండు సాండిల్ వుడ్ సినిమాలు సత్తా చాటుతున్నాయి. 2026 ఆస్కార్ బరిలో రిషబ్ శెట్టి ప్రధాన పాత్రలో వచ్చిన ‘కాంతార: చాప్టర్ 1’ (Kantara: Chapter 1). అశ్విన్ కుమార్ దర్శకత్వంలో వచ్చిన ‘మహావతార్ నరసింహ’ (Mahavatar Narsimha) చిత్రాలు ఆస్కార్ అర్హత జాబితాలో చోటు సంపాదించుకున్నాయి. ఈ విషయాన్ని ఆయా సినిమాల నిర్మాణ సంస్థలు సోషల్ మీడియాలో తమ ఆనందాన్ని పంచుకున్నాయి. దీనిని చూసిన నెటిజన్లు ఇండియన్ సినిమాకు ప్రపంచ వేదికపై గౌరవం దక్కడం చాలా ఆనందంగా ఉందంటూ కామెట్లు పెడుతున్నారు.

Read also-Maa Inti Bangaram: మంచి కోడలు ఎలా ఉండాలో సమంతను చూసి నేర్చుకోండి!.. యాక్షన్ మోడ్ ఆన్..

మహావతార్ నరసింహ

‘మహావతార్ నరసింహ’ భారతీయ యానిమేషన్ చరిత్రలో మైలురాయి. ఈ చిత్రం ‘బెస్ట్ యానిమేటెడ్ ఫీచర్’ కేటగిరీలో పోటీ పడటానికి అధికారికంగా అర్హత సాధించింది. ప్రపంచవ్యాప్తంగా రూ.300 కోట్లకు పైగా వసూళ్లు రాబట్టి, అత్యధిక వసూళ్లు సాధించిన భారతీయ యానిమేటెడ్ చిత్రంగా నిలిచింది. ఆస్కార్ బరిలో ‘జూటోపియా 2’, ‘ది బ్యాడ్ గైస్ 2’ వంటి అంతర్జాతీయ చిత్రాలతో ఇది తలపడనుంది. ఒకవేళ ఈ సినిమా ఫైనల్ నామినేషన్ పొందితే, ఆస్కార్‌కు నామినేట్ అయిన మొదటి భారతీయ యానిమేటెడ్ ఫిల్మ్‌గా చరిత్ర సృష్టిస్తుంది.

A sacred journey born from faith, glory, and eternal belief.
Truly honoured and elated as #MahavatarNarsimha enters Best Picture contention at the #Oscars Academy Awards 2026.#MahavatarForOscars#Mahavatar @hombalefilms @VKiragandur @ChaluveG @kleemproduction @shilpaadhawan… pic.twitter.com/CIFlY8nxci

— Hombale Films (@hombalefilms) January 9, 2026

కాంతార: చాప్టర్ 1

రిషబ్ శెట్టి ప్రధాన పాత్రలో స్వీయ దర్శకత్వంలో వచ్చిన ఈ చిత్రం, ‘కాంతార’కు ప్రీక్వెల్‌గా భారీ అంచనాల మధ్య విడుదలై ఈ సినిమా బాక్సాఫీస్ వద్ద ఘనవిజయం సాధించింది. హోంబలే ఫిల్మ్స్ ఈ చిత్రాన్ని ఆస్కార్‌లోని ప్రధాన విభాగాల్లో పోటీకి పంపింది. ఇది ‘బెస్ట్ పిక్చర్ ’,‘బెస్ట్ యాక్టర్’ వంటి ప్రధాన విభాగాల్లో అర్హత సాధించింది. అయితే ఈ సినిమా ఉత్తమ చిత్రం విభాగంలో పోటీకి ఎంపిక అయ్యింది. దీంతో నిర్మాణ సంస్థ.. మన సంస్కృతిలో వేళ్లూనుకుని, దైవత్వంతో నడిపించబడిన కథ ఇది. 2026 ఆస్కార్ అకాడమీ అవార్డ్స్‌లో కాంతార చాప్టర్ ‘ఉత్తమ చిత్రం’ విభాగంలో పోటీకి ఎంపికవ్వడం పట్ల ఎంతో గర్వంగా ఉందంటూ నిర్మాణ సంస్థ సోషల్ మీడియాలో పోస్ట్ చేశారు. ఈ సినిమా బాక్సాఫీస్ వద్ద దాదాపు రూ. 700 కోట్లకు పైగా వసూలు చేసింది.

Rooted in our culture, driven by divinity.
Proud and privileged as #KantaraChapter1 enters the Best Picture contending race at the #Oscars Academy Awards 2026.#KantaraForOscars#Kantara @hombalefilms @KantaraFilm @shetty_rishab @VKiragandur @ChaluveG @rukminitweets… pic.twitter.com/xSCsH28Qjr

— Hombale Films (@hombalefilms) January 9, 2026

Read also-Jana Nayagan: ‘అఖండ 2’కు ఆర్థిక ఇబ్బందులు.. మరి ‘జన నాయగన్’కు?

2025 డిసెంబర్ మధ్యలో కొన్ని విభాగాలకు షార్ట్‌లిస్ట్ ప్రకటించారు. జనవరి 22, 2026న ఫైనల్ నామినేషన్లను ప్రకటిస్తారు. 98వ అకాడమీ అవార్డుల వేడుక మార్చి 15, 2026న లాస్ ఏంజిల్స్‌లో జరగనుంది. భారతీయ సినిమా గ్లోబల్ స్టేజ్ మీద తన సత్తా చాటుతుండటం గర్వకారణం. ఈ రెండు చిత్రాలలో ఏది ఫైనల్ నామినేషన్ సాధిస్తుందో అని అభిమానులు ఆసక్తిగా ఎదురుచూస్తున్నారు.