Janaki vs state of Kerala: పండక్కి వెళ్లిన అమ్మాయిపై అత్యాచారం.. లాయర్లు పోలీసులు కూడా!.. ఈ కోర్డ్ డ్రామా మిస్‌కాకండి

Janaki vs state of Kerala: ‘జానకి వి వర్సెస్ స్టేట్ ఆఫ్ కేరళ’(Janaki vs state of Kerala) ప్రవీణ్ నారాయణన్ దర్శకత్వంలో రూపొందిన కోర్ట్‌రూమ్ డ్రామా. సురేష్ గోపి, అనుపమ పరమేశ్వరన్, శ్రుతి రామచంద్రన్, దివ్య పిళ్ళై, అస్కర్ అలీ తదితరులు ప్రధాన పాత్రలు పోషించారు. ఈ చిత్రం, ఒక లైంగిక వేధింపు బాధితురాలైన జానకి విద్యాధరన్ (అనుపమ) న్యాయం కోసం పోరాటాన్ని చిత్రిస్తుంది. అయితే, ఈ చిత్రం దాని ఉద్దేశాన్ని సాధించడంలో కొంత వెనుకబడిందని విమర్శకులు అభిప్రాయపడ్డారు. కథ బెంగళూరులో ఐటీ ఉద్యోగినిగా పనిచేసే జానకి చుట్టూ తిరుగుతుంది. ఆమె సొంతూరు కేరళలో పండుగ సందర్భంగా సెలవులకు వచ్చినప్పుడు లైంగిక వేధింపుకు గురవుతుంది. ఆమె న్యాయం కోసం కోర్టుకెక్కుతుంది, కానీ ఆమెకు వ్యతిరేకంగా న్యాయవాదిగా డేవిడ్ ఆబెల్ డోనోవన్ (సురేష్ గోపి) నిలబడతాడు. తర్వాత, ఆయన హృదయం మారి జానకి తరఫున పోరాడతాడు. ఈ కథ భారత న్యాయవ్యవస్థలోని నైతిక, ధార్మిక సందిగ్ధతలను బహిర్గతం చేస్తుంది.

Read also-Mirai movie makers: ‘మిరాయ్’ సినిమా నుంచి ఈ వీడియో చూశారా.. పాపం తేజ సజ్జా!

సురేష్ గోపి తన విలక్షణమైన నటనతో ఆకట్టుకున్నాడు, ముఖ్యంగా కోర్ట్‌రూమ్ సన్నివేశాల్లో ఆయన డైలాగ్ డెలివరీ ఆకర్షణీయంగా ఉంది. అయితే, అతని పాత్రకు అతిగా ప్రాధాన్యత ఇవ్వడం వల్ల కథ జానకి నుండి తప్పుకుందని విమర్శలు వచ్చాయి. అనుపమ పరమేశ్వరన్ తన పాత్రలో మెపించినప్పటికి, ఆమె స్క్రీన్ టైమ్, డైలాగ్‌లు చాలా తక్కువగా ఉన్నాయి. శ్రుతి రామచంద్రన్, దివ్య పిళ్ళై వంటి సహాయక నటులు సామాన్యంగా నటించారు, కానీ వారి పాత్రలు పూర్తిగా ఆకట్టుకోలేదు. సినిమా సాంఘిక సమస్యలను చర్చించేందుకు ప్రయత్నించినప్పటికీ, స్క్రీన్‌ప్లేలో అస్థిరత, అనవసరమైన సుదీర్ఘ డైలాగ్‌లు, రాజకీయ సూచనలు కథను గందరగోళపరిచాయి. గిరీష్ నారాయణన్ సంగీతం, రెనాదివ్ సినిమాటోగ్రఫీ సినిమాకు బలం. అయితే, ఎడిటింగ్ మరింత గట్టిగా ఉండి ఉంటే సినిమా ప్రభావం మెరుగ్గా ఉండేది.

Read also-Beauty Teaser: పేరుకే ‘బ్యూటీ’.. అంతా ఎమోషనల్.. ‘బ్యూటీ’ టీజర్ ఎలా ఉందంటే?

సెన్సార్ బోర్డు వివాదం, టైటిల్‌లో ‘వి’ జోడించడం, కొన్ని సన్నివేశాల్లో ‘జానకి’ పేరును మ్యూట్ చేయడం వంటివి చర్చనీయాంశాలయ్యాయి. ఈ సినిమా జీ5లో స్ట్రీమింగ్ అవుతోంది. మొత్తంగా, ‘జానకి వి వర్సెస్ స్టేట్ ఆఫ్ కేరళ’ మంచి ఉద్దేశంతో రూపొందినప్పటికీ, అమలులో వెనుకబడిన కోర్ట్‌రూమ్ డ్రామాగా నిలిచింది. ఒకసారి చూడదగిన సినిమా, కానీ ఆశించిన స్థాయిలో ఆకట్టుకోదు.

రేటింగ్ : 2.5/5