Harshaali Malhotra: గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), బ్లాక్ బస్టర్ దర్శకుడు బోయపాటి శ్రీను (Boyapatri Srinu) కాంబోలో రాబోతోన్న చిత్రం ‘అఖండ 2: తాండవం’ (Akhanda 2: Thaandavam). రామ్ ఆచంట, గోపీచంద్ ఆచంట తమ 14 రీల్స్ ప్లస్ పతాకంపై ప్రతిష్టాత్మకంగా నిర్మించిన ఈ చిత్రానికి ఎం తేజస్విని నందమూరి సమర్పకురాలు. ఎస్ థమన్ సంగీతం అందించారు. టీజర్, ట్రైలర్ సాంగ్స్ సినిమాపై భారీ అంచనాలు పెంచేయగా.. ‘అఖండ 2: తాండవం’ 2D, 3D ఫార్మాట్లలో 5 డిసెంబర్, 2025న ప్రపంచవ్యాప్తంగా గ్రాండ్‌గా విడుదలయ్యేందుకు ముస్తాబైంది. ఈ సందర్భంగా ఈ చిత్రంలో కీలక పాత్ర పోషించిన ‘బజరంగీ భాయిజాన్’ ఫేమ్ హర్షాలి మల్హోత్రా (Harshaali Malhotra) మీడియాకు చిత్ర విశేషాలను తెలిపారు. ఆమె మాట్లాడుతూ..

ఒక మంచి పాత్ర కోసం ఎదురు చూశా

‘‘ఈ చిత్రంలో నేను చేసిన పాత్ర చాలా ఎక్సైటింగ్‌గా ఉంటుంది. దాదాపు పదేళ్ళు తర్వాత మళ్లీ నేను వెండితెరపై కనిపించబోతున్నాను. ఇందులో జనని అనే పాత్రలో కనిపిస్తాను. తను చాలా స్వీట్, కేరింగ్ పర్సన్. తనకి అఖండ బ్లెస్సింగ్స్ ఉంటాయి. జనని లైఫ్ ఎప్పుడు డేంజర్‌లో ఉన్నా అఖండ తనకోసం వస్తారు. ‘బజరంగీ భాయిజాన్’ తర్వాత నాకు చాలా అవకాశాలు వచ్చాయి. కానీ, ఒక మంచి పాత్ర కోసం ఎదురు చూశాను. స్టడీస్ పై ఫోకస్ చేస్తూ ఈ గ్యాప్‌లో కథక్ కూడా నేర్చుకున్నాను. అలాంటి సమయంలో ఈ చిత్రంలో అవకాశం వచ్చింది. లెజెండరీ యాక్టర్ నందమూరి బాలకృష్ణతో నటించడం ఒక గొప్ప అవకాశంగా భావిస్తున్నాను. నిజంగా నేను ఇలాంటి అవకాశం కోసమే ఎదురు చూశాను. నేను ఇంతకు ముందు బాలకృష్ణ సార్ సినిమాలు చూశాను. ‘భగవత్ కేసరి, వీరసింహారెడ్డి, డాకు మహారాజ్, అఖండ’ ఎలా ఎన్నో సినిమాలు చూశాను. అందులో ‘అఖండ’ అద్భుతంగా అనిపించింది. బోయపాటి సార్ డైరెక్షన్ అమేజింగ్.

Also Read- Bigg Boss Telugu 9: రీతూ- పవన్‌లను మళ్లీ టార్గెట్ చేశారుగా.. ఈ వారం ఎలిమినేటైంది ఎవరంటే?

ఒక ఫ్యామిలీ మెంబర్ లాగానే చూసుకున్నారు

బాలకృష్ణ సార్ వెరీ కూల్. ఒక లెజెండరీ యాక్టర్‌తో కలిసి నటించడం అంటే.. మొదట చాలా నెర్వస్‌గా ఫీలయ్యాను. అయితే ఆయన చాలా కేరింగ్ పర్సన్. నన్ను ఎంతగానో ప్రోత్సహించారు. షూటింగ్ టైమ్‌లో నాకు హెల్త్ బాలేదు. ఆయన నా విషయంలో చాలా కెరీంగ్ తీసుకున్నారు. ఒక బిడ్డలా, ఒక ఫ్యామిలీ మెంబర్ లాగానే చూసుకున్నారు. ఆయన వెరీ ఎనర్జిటిక్ అండ్ అన్ స్టాపబుల్. అలాగే తెలుగు సినిమా ఇండస్ట్రీలోకి అడుగు పెట్టినందుకు చాలా ఆనందంగా ఉంది. నా రెండో సినిమానే తెలుగు సినిమా కావడం, అందులోనూ ఒక లెజెండరీ యాక్టర్‌తో నటించడం అద్భుతమైన అనుభూతినిచ్చింది. బోయపాటి సార్ కూడా ఎంతో కేర్ తీసుకున్నారు. షూటింగ్ చేస్తున్నప్పుడు నెర్వస్‌గా ఫీల్ అయితే.. నువ్వు తప్పకుండా చేయగలవని ఎంతో ప్రోత్సహించేవారు. ఈ పాత్ర కోసం నన్ను ఎంచుకోవడం నా అదృష్టంగా భావిస్తున్నాను.

Also Read- NBK: నేను కూడా కొన్ని పొరపాట్లు చేశాను.. కానీ ఇప్పుడు ఆత్మను పట్టుకున్నా..

తెలుగులో ఆ హీరోలంటే ఇష్టం

సల్మాన్ ఖాన్ సార్‌తో నాకు చాలా అందమైన జ్ఞాపకాలు ఉన్నాయి. అప్పట్లోనే మేం టేబుల్ టెన్నిస్ ఆడేవాళ్ళం. చాలా సరదాగా ఉండేది. అలాగే బాలయ్య సార్‌తో కూడా చాలా ఫన్ మూమెంట్స్ ఉన్నాయి. ఆయన షూటింగ్లో ఎనర్జీ కోసం కషాయం తాగమని చెప్పేవారు. కానీ నాకు అల్లం అంటే ఇష్టం ఉండదు. ఆయన చెప్పినట్లు చేసేదాన్ని. తెలుగులో నాకు బాలయ్య సార్‌తో పాటు అల్లు అర్జున్, ప్రభాస్ అంటే ఇష్టం. నాకు సంజయ్ లీలా బన్సాలీ సినిమాలో చేయాలని ఉంది. ఆయన హీరోయిన్లని చూపించే విధానం అద్భుతంగా ఉంటుంది. అలాగే నాకు అన్ని రకాల జానర్స్ చేయాలని వుంది. మంచి కాంబినేషన్స్‌లో మెయిన్ లీడ్‌గానూ, అలాగే ఛాలెంజింగ్ రోల్స్ చేయాలని ఉంది’’ అని చెప్పుకొచ్చారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు