Anunay Sood death: లాస్ వేగాస్‌లో ప్రముఖ ట్రావెల్ ఇన్‌ఫ్లూయెన్సర్ మృతి..

Anunay Sood death: దుబాయ్‌లో కేంద్రంగా ఉండే ప్రముఖ ట్రావెల్ ఇన్‌ఫ్లూయెన్సర్, ఫోటోగ్రాఫర్ అనునయ్ సూద్ (32) మరణించారు. అతని కుటుంబం ఇన్‌స్టాగ్రామ్‌లో ప్రకటించిన ఈ వార్త ప్రపంచవ్యాప్తంగా షాక్ కలిగించింది. ఇన్‌స్టాగ్రామ్‌లో 1.4 మిలియన్‌కు పైగా ఫాలోవర్లు కలిగిన అతని ఖాతా, అద్భుతమైన ప్రయాణ కథలు, ఫోటోలు వీడియోలతో యువతకు ప్రేరణగా నిలిచింది. మరణ కారణం ఇప్పటివరకు అధికారికంగా ప్రకటించబడలేదు, కానీ సోషల్ మీడియాలో హార్ట్ అటాక్ అనే స్పెక్యులేషన్స్ ఎక్కువగా కనిపిస్తున్నాయి. లాస్ వేగాస్‌లో అమెరికా పర్యటనలో భాగంగా ఉండగా ఈ ఘటన జరిగినట్టు అతని లాస్ట్ సోషల్ మీడియా యాక్టివిటీ సూచిస్తోంది. రెడ్డిట్ వంటి ప్లాట్‌ఫారమ్‌లలో కొందరు “హార్ట్ అటాక్” అని పేర్కొన్నారు, కానీ ఇది ధృవీకరించబడలేదు.

Read also-Kaantha trailer: దుల్కర్ సల్మాన్ ‘కాంత’ ట్రైలర్ వచ్చేసింది.. చూశారా మరి..

అనునయ్ చివరి ఇన్‌స్టాగ్రామ్ పోస్ట్ కేవలం రెండు రోజుల ముందు పోస్ట్ చేసినది, లాస్ వేగాస్‌లో జరిగిన లగ్జరీ ఆటోమోటివ్ ఈవెంట్‌కు సంబంధించినది. “ఇంకా నమ్మలేకపోతున్నాను… ఈ వీకెండ్ లెజెండ్స్ డ్రీమ్ మెషీన్‌లతో చుట్టుముట్టి గడిచింది” అంటూ, అక్కడి అద్భుతమైన కార్లు, లైటింగ్ షోలు, క్యాసినోలు చూపించే ఫోటోలు వీడియోలు షేర్ చేశారు. ఈ పోస్ట్ ఇప్పుడు వైరల్ అవుతూ, ఫ్యాన్స్ శోక సందేశాలతో నిండిపోయింది. అతను ఇటీవల వారణాసిలో దేవ్ దీపావళి ప్లాన్ చేస్తున్నట్టు కూడా పోస్ట్ చేశారు. భారతీయ మూలాలు కలిగిన అనునయ్, డుబాయ్‌లో ట్రావెల్ ఇన్‌ఫ్లూయెన్సర్‌గా ప్రపంచవ్యాప్తంగా ప్రసిద్ధి చెందారు. అతని కంటెంట్‌లో అద్భుతమైన విజువల్స్, స్టోరీటెల్లింగ్ ప్రేరణాత్మక కథలు ప్రధానమైనవి. ఫోర్బ్స్ వంటి మ్యాగజైన్‌లలో ప్రస్తావించబడిన అతను, యువతకు ప్రపంచాన్ని అన్వేషించమని ప్రోత్సహించారు. బిగ్ బాస్ OTT సీజన్ 2లో హౌస్ టూర్ చేసినట్టు కూడా కొందరు గుర్తు చేసుకుంటున్నారు.

Read also-NTRNeel movie update: ‘ఎన్టీఆర్‌నీల్’ నుంచి మరో అప్టేట్ వచ్చింది.. ఇది చూస్తే ఫ్యాన్సుకు పండగే..

ట్విట్టర్ లో అనునయ్ మరణ వార్త వైరల్ అవుతుండగా, ఫ్యాన్స్ తీవ్ర దిగ్భ్రాంతికి గురయ్యారు. “అతని వీడియోలు మాకు ప్రపంచాన్ని చూపించాయి, ఇప్పుడు అతను దూరమయ్యాడు” అంటూ కామెంట్లు పెడుతున్నారు. కొందరు “ఇది ప్రాంక్ కాదా?” అని అనుమానం వ్యక్తం చేస్తున్నారు, కానీ కుటుంబ ప్రకటనతో ధృవీకరణ అయింది. ఇతర ఇన్‌ఫ్లూయెన్సర్లు, మీడియా కూడా శ్రద్ధాంజలి అర్పిస్తున్నారు. అనునయ్ సూద్ జీవితం ప్రయాణాల ప్రపంచానికి ఇంకా మిగిల్చి ఉన్నాడని ఆలోనను మిగిల్చింది. ఆయన ఎలా మరణించాడు అనే విషయంపై ఇంకా క్లారిటీ రావాల్సి ఉంది.