Tollywood: తెలుగు చలనచిత్ర పరిశ్రమలో ఇటీవల కొన్ని వర్గాల నుంచి ఇతర భాషల సినిమాలను బ్యాన్ చేయాలంటూ వస్తున్న డిమాండ్‌లు తీవ్ర చర్చకు, వివాదానికి తెరలేపుతున్నాయి. భారతీయ చలనచిత్ర పరిశ్రమ ఏకీకరణ వైపు అడుగులు వేస్తున్న తరుణంలో, ఇటువంటి సంకుచిత ఆలోచనలు సరైనవి కావనే అభిప్రాయాలు సినీ విశ్లేషకులు, నిర్మాతల నుంచి బలంగా వినిపిస్తున్నాయి. గత కొన్నేళ్లుగా తెలుగు సినిమా, ముఖ్యంగా ఎస్.ఎస్. రాజమౌళి (SS Rajamouli), సుకుమార్ (Sukumar) వంటి దర్శకులు… ప్రభాస్ (Prabhas), రామ్ చరణ్ (Ram Charan), ఎన్టీఆర్ (NTR), అల్లు అర్జున్ (Allu Arjun) వంటి అగ్ర హీరోల కృషి వల్ల జాతీయ సరిహద్దులను దాటి, గ్లోబల్ రేంజ్‌కి చేరింది. హిందీ, తమిళం, కన్నడ, మలయాళం సహా విదేశీ మార్కెట్లలో తెలుగు చిత్రాలు అసాధారణమైన విజయాన్ని సాధిస్తున్నాయి. ఈ నేపథ్యంలో, తెలుగు సినిమా విస్తృత మార్కెట్‌ను లక్ష్యంగా చేసుకున్నప్పుడు, ఇతర పరిశ్రమల సినిమాలను స్థానికంగా గౌరవించడం అత్యంత అవసరం.

Also Read- Sonakshi Sinha: వరల్డ్ రికార్డ్.. 16 నెలలుగా ప్రెగ్నెన్సీ ప్రచారంపై సోనాక్షి సిన్హా స్ట్రాంగ్ కౌంటర్!

బ్యాన్ సరైన పరిష్కారం కాదు

సినిమా అనేది కేవలం ఒక ప్రాంతానికే పరిమితమైన కళ కాదు, ఇది ప్రపంచవ్యాప్తంగా ప్రేక్షకులను ఆకర్షించే ఒక వినోద మాధ్యమం. బాలీవుడ్, హాలీవుడ్, కోలీవుడ్ నుంచి మంచి కంటెంట్ ఉన్న చిత్రాలు తెలుగు ప్రేక్షకులను అలరించడానికి వస్తున్నప్పుడు, వాటిని బ్యాన్ చేయాలని కోరడం సరైన విధానం కాదు. ఒకవేళ టాలీవుడ్‌లో ఇతర భాషల సినిమాలను బ్యాన్ చేయాలని నిర్ణయిస్తే, అది ఇరువైపులా ప్రతికూలతకు దారితీస్తుంది. ఉదాహరణకు.. ఆంధ్రప్రదేశ్, తెలంగాణ రాష్ట్రాల్లో హిందీ, తమిళ చిత్రాలను బ్యాన్ చేస్తే, దానికి ప్రతీకారంగా ఉత్తర భారతదేశంలో, తమిళనాడులో తెలుగు చిత్రాలను కూడా బ్యాన్ చేసే ప్రమాదం ఉంది. ప్రస్తుతం పాన్-ఇండియా స్టార్‌లుగా ఎదిగిన మన హీరోల సినిమాలు ఇతర ఇండస్ట్రీల మార్కెట్లపైనే ఎక్కువగా ఆధారపడుతున్నాయి. ఇటువంటి బ్యాన్ సంస్కృతి వస్తే, తెలుగు సినీ పరిశ్రమ యొక్క జాతీయ స్థాయి విస్తరణ ఆగిపోయే ప్రమాదం ఉంది. కాబట్టి బ్యాన్ సరైనది కాదనే చెప్పుకోవచ్చు.

Also Read- Jatadhara Movie: కసబ్ గారూ.. ‘ఓజీ’ సినిమా చూశారా! క్లాసిక్ హారర్ సెటప్‌తో ‘జటాధర’ ప్రమోషన్స్ షురూ!

ఇండియన్ సినిమాగా చూస్తున్న ఈ తరుణంలో..

నేటి తరం ప్రేక్షకులు భాషా భేదాలు లేకుండా, మంచి కంటెంట్ ఉన్న ఏ సినిమానైనా ఆదరిస్తున్నారు. ఇది భారతీయ సినిమాకు మంచి పరిణామం. ఈ సమయంలో, బ్యాన్ వంటి నినాదాలు మన సినిమా ఎదుగుదలకు, ఇతర పరిశ్రమల నుంచి వచ్చే సాంకేతిక, కొత్త ఆలోచనల మార్పిడికి అడ్డుగోడలుగా నిలుస్తాయి. తెలుగు చిత్ర పరిశ్రమ మరింత ఎత్తుకు ఎదగాలంటే, ఇతర భాషా చిత్రాలను పోటీగా చూడాలే తప్ప, శత్రువుగా చూడకూడదు. అందువల్ల, టాలీవుడ్‌లో ఇతర సినిమాల బ్యాన్ అనేది సరైన నిర్ణయం కాదని, ఇది తెలుగు సినిమాకు దీర్ఘకాలంలో నష్టాన్ని చేకూరుస్తుందని నిస్సందేహంగా చెప్పవచ్చు. అందులోనూ ఇప్పుడు హీరోలందరూ కూడా.. టాలీవుడ్, బాలీవుడ్ అని కాకుండా ఇండియన్ సినిమా అని అంటున్న ఈ తరుణంలో.. ఇలాంటి చర్యలు మంచిది కాదని కొందరు ముక్తకంఠంగా చెబుతున్నారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు