Balakrishna: దర్శకుడు బోయపాటి శ్రీను నోటి వెంట చిరంజీవి, ప్రభాస్ పేర్లు విని బాలయ్య హర్టయ్యారా? అంటే అవుననే చెప్పాలి. నా గురించి చెప్పడం లేదు నేను వెళ్లిపోతా అంటూ బాలయ్య రెండు మూడు సార్లు పబ్లిక్ స్టేజ్ అన్నారంటే ఆయన హర్టయ్యారనే చెప్పుకోవాలి. అసలేంటి విషయం అనుకుంటున్నారా? గాడ్ ఆఫ్ మాసెస్ నందమూరి బాలకృష్ణ, బ్లాక్ బస్టర్ దర్శకుడు బోయపాటి శ్రీను పవర్ ఫుల్ కొలాబరేషన్ లో వస్తున్న మోస్ట్ అవైటెడ్ డివైన్ యాక్షన్ ఎక్స్‌ట్రావగాంజా ‘అఖండ 2: తాండవం’. రామ్ ఆచంట, గోపీచంద్ ఆచంట ప్రతిష్టాత్మకంగా నిర్మిస్తున్నారు. ఎం తేజస్విని నందమూరి సగర్వంగా సమర్పిస్తున్న ఈ చిత్రానికి మ్యూజిక్ సెన్సేషన్ ఎస్ థమన్ సంగీతం అందిసున్న విషయం తెలిసిందే. ఇప్పటికే భారీ అంచనాలున్న ‘అఖండ 2: తాండవం’ 2D, 3D రెండు ఫార్మాట్లలో 5 డిసెంబర్, 2025న ప్రపంచవ్యాప్తంగా గ్రాండ్‌గా విడుదల కాబోతోంది. ఈ సందర్భంగా మేకర్స్ ప్రీ రిలీజ్ వేడుకను హైదరాబాద్‌లో గ్రాండ్‌గా నిర్వహించిన విషయం తెలిసిందే.

Also Read- Sahakutumbanam: తన ఫ్రెండ్ చనిపోతే.. ఆసక్తికర విషయం చెప్పిన బుచ్చిబాబు సానా!

హర్టయిన బాలయ్య

ఈ కార్యక్రమంలో బోయపాటి మాట్లాడుతూ.. ‘‘సినిమా పరిశ్రమ ఏ ఒక్కరిదీ కాదు.. అందరికీ చెందినది. ఇక్కడ కులాలు లేవు, మతాలు లేవు. ప్రేక్షకులను ఎంటర్టైన్ చేయడమే ముఖ్యం. వాళ్లకి మంచి చెప్పడానికి ప్రయత్నించాలి. డిసెంబర్ 5న వస్తున్న మా సినిమానే కాదు.. రాబోయే అన్ని సినిమాలు అద్భుతమైన విజయాలు సాధించాలి. పరిశ్రమ బావుండాలి. ప్రభాస్, మారుతి చేస్తున్న ‘రాజా సాబ్’ రాబోతోంది. అలాగే చిరంజీవి సార్ చేస్తున్న ‘మన శంకరవర ప్రసాద్ గారు’ రాబోతోంది.. ఇవన్నీ సక్సెస్ అవ్వాలి. ప్రతి సినిమాకి ప్రేక్షకుల ఆశీర్వాదం ఉండాలని కోరుకుంటున్నాను’’ అని చెబుతుండగా.. వెనుక నిలబడి ఉన్న బాలయ్య మధ్య మధ్యలో కలగజేసుకుని.. నా గురించి చెప్పడం లేదు.. నేను వెళ్లిపోతాను.. అంటూ వెనక్కి దిరిగి నాలుగడుగులు కూడా వేశారు. దీంతో అంతా ఆయన హర్టయ్యాడని అనుకున్నారు. బోయపాటి కూడా భయపడిపోయాడు. కానీ, బాలయ్య సరదాగా అలా చేస్తున్నాడని గమనించి మళ్లీ బోయపాటి తన స్పీచ్ అందుకున్నాడు. అది విషయం.

Also Read- Mana Shankara Vara Prasad Garu: ‘మన శంకరవరప్రసాద్ గారు’ నుంచి బ్లాస్టింగ్ అప్డేట్ వచ్చేసింది.. ఏంటంటే..

సెన్సార్ సభ్యులు చాలా గౌరవంగా అభినందించారు

ఇంకా బోయపాటి మాట్లాడుతూ.. ఈ సినిమాలో నటించిన నటీనటులందరికీ కృతజ్ఞతలు. బాలయ్య మా ఆస్తి.. బాలయ్య మా పవర్.. ఆయనే మా ధైర్యం. సెన్సార్ పూర్తయింది. సినిమాకి యుబైఏ సర్టిఫికెట్ వచ్చింది. సెన్సార్ సభ్యులు చాలా గౌరవంగా అభినందించారు. ఈ సినిమా తర్వాత మీరు గౌరవమైన స్థానంలో ఉంటారని చెప్పారు.. చాలా ఆనందంగా అనిపించింది. నేను మొదటి నుంచి ఎమోషన్‌ని నమ్ముతాను. ఆ ఎమోషన్ నుంచి వచ్చే యాక్షన్‌ని నమ్ముతాను. ఈ విషయంలో మా నిర్మాతలు నాకు ఎంతో స్వేచ్ఛనిచ్చారు. వారి స్వేచ్ఛ వల్లే నేను ఇంత బ్రహ్మాండంగా సినిమాను తీయగలిగాను. ఇందులో మా చిన్నబ్బాయి కూడా ఒక పాత్ర చేశాడు. తనకి మీ అందరి బ్లెస్సింగ్స్ కావాలి. ‘అఖండ’ ప్రజల్లోకి బాగా చొచ్చుకుని వెళ్లింది. తాండవం చేస్తే నిజంగా పరమేశ్వరుడే కనిపించాలనుకుని ఈ సినిమా ప్రారంభించాం. సినిమా తీసి చూసుకున్న తర్వాత తెలిసింది అది భగవత్ కార్యక్రమమని. భగవంతుడే ఆ కార్యక్రమాన్ని మాతో చేయించాడు. ఇందులో మేము సూట్ చేసిన కొన్ని లొకేషన్స్ చూస్తే అంతా ఆశ్చర్యపోతారు. ఆ భగవంతుడే మాకు దారి చూపించాడు’’ అని చెప్పుకొచ్చారు.

స్వేచ్ఛ ఈ – పేపర్ కోసం https://epaper.swetchadaily.com/ ఈ లింక్ క్లిక్ చేయగలరు