Balakrishna Mokshagna: వారసుడు మోక్షజ్ఞ‌తో కలిసి ఆ సినిమాకు సీక్వల్ ప్లాన్ చేస్తున్న బాలయ్య.. టైటిల్ ఏంటంటే?

Balakrishna Mokshagna: ‘గాడ్ ఆఫ్ మాసెస్’ నందమూరి బాలకృష్ణ నటించిన చిత్రాల్లో ‘ఆదిత్య 369’కి ఉన్న స్థానం ప్రత్యేకమైనది. టైమ్ ట్రావెల్ కాన్సెప్ట్‌తో 1991లో లెజెండరీ డైరెక్టర్ సింగీతం శ్రీనివాసరావు దర్శకత్వంలో వచ్చిన ఈ సైన్స్ ఫిక్షన్ మాస్టర్‌పీస్, నాటి ప్రేక్షకులను విస్మయానికి గురి చేసింది. అప్పట్లోనే ఇలాంటి అడ్వాన్స్‌డ్ కథాంశంతో సినిమా తీయడం తెలుగు సినీ చరిత్రలోనే ఒక మైలురాయిగా నిలిచింది. ఇందులో బాలకృష్ణ శ్రీకృష్ణదేవరాయలు పాత్రలో చూపిన అద్భుతమైన నటన, గెటప్ ఇప్పటికీ సినీ ప్రియుల మదిలో చెరిగిపోని ముద్ర వేశాయి. అప్పటి నుంచి ఈ సినిమా సీక్వెల్ గురించి అభిమానులు ఎంతో ఆసక్తిగా ఎదురుచూస్తున్నారు. ఈ నేపథ్యంలో, తాజాగా ‘అఖండ 2’ ప్రమోషన్స్‌లో భాగంగా మీడియా‌కు ఇచ్చిన ఇంటర్వ్యూలో బాలకృష్ణ ఒక సంచలన ప్రకటన చేశారు. దశాబ్దాలుగా నందమూరి అభిమానులు ఎదురుచూస్తున్న ఆ కల నెరవేరబోతుందని ఆయన వెల్లడించారు.

Read also-The Raja Saab First Single: ప్రభాస్ ‘ది రాజాసాబ్’ నుంచి ఫస్ట్ సింగిల్ డేట్ ఫిక్స్.. మరి చూస్తారేంట్రా..

‘ఆదిత్య 369’కి సీక్వెల్‌ ఖచ్చితంగా ఉంటుందని బాలకృష్ణ ధృవీకరించారు. అంతేకాదు, ఈ సినిమాకు సంబంధించి మరింత ఆసక్తికరమైన వివరాలను పంచుకున్నారు. ఈ సీక్వెల్‌కు ‘ఆదిత్య 999 మ్యాక్స్’ అనే టైటిల్‌ను ఖరారు చేసినట్లు ఆయన తెలిపారు. బాలయ్య కేవలం ఈ సినిమా ప్రకటన చేయడమే కాకుండా, ఇందులో తన కుమారుడు, నందమూరి వారసుడు మోక్షజ్ఞ తేజ కూడా నటించనున్నట్లు వెల్లడించారు. దీంతో, మోక్షజ్ఞ సినీరంగ ప్రవేశానికి సంబంధించిన అంచనాలు తారాస్థాయికి చేరాయి. ఒకే సినిమాలో నందమూరి అగ్ర హీరో, ఆయన వారసుడు కలిసి స్క్రీన్‌ను పంచుకోవడం అభిమానులకు ఒక గొప్ప అనుభూతిని ఇవ్వనుంది. ఈ భారీ ప్రాజెక్ట్‌కు సంబంధించిన పనులు ప్రస్తుతం జరుగుతున్నాయని, దీనికి సంబంధించిన కథాంశం, స్క్రిప్ట్‌ పనులు వేగవంతం అవుతున్నాయని బాలకృష్ణ పేర్కొన్నారు. త్వరలోనే ఈ ప్రతిష్టాత్మక ప్రాజెక్టు పట్టాలెక్కే అవకాశం ఉందని, అన్నీ అనుకూలిస్తే 2025లో ఈ సినిమా ప్రేక్షకుల ముందుకు రావొచ్చని ఆయన అంతకుముందు కూడా ఓ సందర్భంలో ప్రకటించారు.

Read also-Akhanda 2: బాలయ్య బాబు ‘అఖండ 2’ ట్రైలర్ టైమ్ ఫిక్స్.. ఈవెంట్ చీఫ్ గెస్ట్ ఎవరంటే?..

ఫ్యాన్స్ ఉత్సాహం

బాలకృష్ణ చేసిన ఈ ప్రకటన నందమూరి అభిమానుల్లో, సినీ వర్గాల్లో ఉత్సాహాన్ని రెట్టింపు చేసింది. ‘ఆదిత్య 369’ లాంటి ఒక ఐకానిక్ సినిమాకు సీక్వెల్ రావడం, అందులోనూ తమ అభిమాన హీరో తన వారసుడితో కలిసి నటించడం అనేది వారికి ఒక పండగలాంటి వార్త. ‘ఆదిత్య 999 మ్యాక్స్’ ఎలాంటి కొత్త కథాంశంతో వస్తుంది, టైమ్ మెషిన్ కాన్సెప్ట్‌ను నేటి టెక్నాలజీకి అనుగుణంగా ఎలా చూపిస్తారు, ముఖ్యంగా మోక్షజ్ఞ పాత్ర ఎలా ఉండబోతుంది అనే విషయాలపై ఇప్పుడు సినీ లవర్స్‌లో తీవ్ర చర్చ నడుస్తోంది. నందమూరి వంశం నుంచి వస్తున్న ఈ మరో గొప్ప టైమ్ ట్రావెల్ అడ్వెంచర్ కోసం ప్రేక్షకులు ఆసక్తిగా ఎదురుచూస్తున్నారు.

Me and my son doing the sequel of Aditya 369 🙂#Akhanda2 #NandamuriBalakrishna

pic.twitter.com/nDY1GvkfS4

— NBK (@Iamnbkcult) November 21, 2025