Marri Venkata Reddy: కానిస్టేబుల్ మర్రి వెంకట్ రెడ్డికి.. రిపబ్లిక్ డే రోజున దక్కిన అరుదైన గౌరవం..?

Marri Venkata Reddy: మోస్ట్​ వాంటెడ్​ క్రిమినల్ ను ప్రాణాలకు తెగించి పట్టుకున్న హెడ్​ కానిస్టేబుల్ మర్రి వెంకట రెడ్డి(Marri Venkata Reddy)కి రిపబ్లిక్ డే సందర్భంగా గ్యాలంటరీ పతకం దక్కింది. వివరాల్లోకి వెళితే.. ఆంధ్రప్రదేశ్ రాష్ట్రానికి చెందిన బత్తుల ప్రభాకర్​ ఎలియాస్ రాహుల్ రెడ్డి(Rahul Reddy) కరడుగట్టిన నేరస్తుడు. ఉభయ తెలుగు రాష్ట్రాల్లో అతనిపై 125కు పైగా క్రిమినల్ కేసులు నమోదై ఉన్నాయి. ఇంజనీరింగ్​ కాలేజీలను టార్గెట్ చేస్తూ కోట్ల రూపాయలు కొల్లగొట్టిన ప్రభాకర్ 2022లో విశాఖపట్టణం సెంట్రల్ జైలు నుంచి తప్పించుకుని పరారయ్యాడు. అప్పటి నుంచి రెండు తెలుగు రాష్ట్రాల పోలీసులు కొన్ని నెలలుగా గాలిస్తున్నారు.

Also Read: MLA Kadiyam Srihari: మనదగ్గరికి స్టువర్టుపురం దొంగలు వస్తున్నారు జాగ్రత్త: ఎమ్మెల్యే కడియం శ్రీహరి

2002 ఫిబ్రవరి 5న..

2‌‌025, ఫిబ్రవరి 5న ప్రభాకర్ గచ్చిబౌలిలోని ప్రిజం పబ్బు వద్ద ఉన్నట్టు హెడ్​ కానిస్టేబుల్​ వెంకటరెడ్డికి పక్కాగా సమాచారం అందింది. ఈ క్రమంలో వెంకటరెడ్డి సహచర సిబ్బంది ప్రదీప్​ రెడ్డి, వీరాస్వామితో కలిసి పబ్​ వద్దకు వెళ్లాడు. ప్రభాకర్ ను గుర్తించి అదుపులోకి తీసుకునేందుకు ప్రయత్నించాడు. ఆ వెంటనే ప్రభాకర్ తన దుస్తుల్లో నుంచి తుపాకీ బయటకు తీసి రెండు రౌండ్లు కాల్పులు జరిపాడు. ఓ బుల్లెట్ వెంకటరెడ్డి ఎడమకాలికి తగిలింది. తీవ్రంగా రక్తం కారుతున్నా వెనుకడుగు వేయకుండా వెంకటరెడ్డి సహచరులతో కలిసి ప్రభాకర్ ను అదుపులోకి తీసుకున్నారు. ఈ సాహసానికి గుర్తింపుగా 2026, రిపబ్లిక్ డే సందర్భంగా ఆయనకు కేంద్ర ప్రభుత్వ మెడల్ ఫర్ గ్యాలంటరీ దక్కింది.

 Also Read: Ponguleti Srinivas Reddy: మున్సిపల్ ఎన్నికల్లో కాంగ్రెస్ పార్టీ ఘనవిజయం సాధించడమే లక్ష్యం : మంత్రి పొంగులేటి శ్రీనివాస్ రెడ్డి!