Naveen Polishetty: ‘అనగనగా ఒక రాజు’ మొదటి రోజు ఎంత వసూలు చేశాడంటే?.. రికార్డ్ బ్రేక్..

Naveen Polishetty: యువ హీరో నవీన్ పొలిశెట్టి వెండితెరపై కనిపిస్తే వినోదానికి గ్యారెంటీ అని ప్రేక్షకులు నమ్ముతారు. ఆ నమ్మకాన్ని నిజం చేస్తూ, ఆయన తాజా చిత్రం ‘అనగనగా ఒక రాజు’ బాక్సాఫీస్ వద్ద కళ్లు చెదిరే ఓపెనింగ్స్‌ను రాబట్టింది. విడుదలైన మొదటి రోజే ప్రపంచవ్యాప్తంగా రూ. 22 కోట్ల గ్రాస్ వసూళ్లను సాధించి, ట్రేడ్ వర్గాలను సైతం ఆశ్చర్యపరిచింది. సాధారణంగా మీడియం రేంజ్ హీరోలకు మొదటి రోజు రూ. 10 నుండి 15 కోట్ల వసూళ్లు రావడమే గొప్ప విషయం. కానీ, నవీన్ పొలిశెట్టి తన క్రేజ్‌తో ఆ మార్కును దాటి ఏకంగా రూ. 22 కోట్లు కొల్లగొట్టారు. తెలుగు రాష్ట్రాల్లోనే కాకుండా, ఓవర్సీస్ (ముఖ్యంగా అమెరికా) మార్కెట్‌లో కూడా ఈ సినిమా రికార్డు స్థాయిలో వసూళ్లను నమోదు చేసింది. ‘జాతి రత్నాలు’ సినిమాతో సంపాదించుకున్న ఇమేజ్ ఈ చిత్రానికి భారీ హైప్‌ను తీసుకొచ్చింది.

Read also-Mega Blockbuster: సంక్రాంతికి కలెక్షన్లతో దూసుకుపోతున్న ‘మన శంకరవరప్రసాద్ గారు’..

వినోదమే విజయ రహస్యం

ఈ సినిమా ఇంతటి ఘనవిజయం సాధించడానికి ప్రధాన కారణం ఇందులోని అన్‌లిమిటెడ్ కామెడీ. పెళ్లి కొడుకుగా నవీన్ పొలిశెట్టి చేసే హడావిడి, తన పెళ్లి వీడియోల కోసం ఆయన పడే తాపత్రయం ప్రేక్షకులకు కడుపుబ్బ నవ్వును పంచుతున్నాయి. దర్శకుడు కళ్యాణ్ శంకర్ రాసుకున్న పంచ్ డైలాగులు, యూత్ ఫుల్ ఎంటర్‌టైన్‌మెంట్ థియేటర్లను సందడిగా మార్చేశాయి. సినిమాను తన భుజాలపై మోస్తూ, ప్రతి సన్నివేశంలోనూ తన మార్కు కామెడీ టైమింగ్‌తో అలరించారు. మిక్కీ జె మేయర్ అందించిన బ్యాక్ గ్రౌండ్ స్కోర్ పాటలు సినిమా మూడ్‌ను మరింత పెంచాయి. సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ అత్యున్నత ప్రమాణాలతో ఈ చిత్రాన్ని నిర్మించాయి.

Read also-Polaki Vijay: ‘మన శంకర వర ప్రసాద్ గారు’ సక్సెస్ వేళ.. విజయ్ పొలాకి మరోసారి ఎమోషనల్ పోస్ట్!

విభిన్నమైన ప్రమోషన్స్

నవీన్ పొలిశెట్టి సినిమా ప్రమోషన్స్ అంటేనే ఒక సందడి. ఈ సినిమా విడుదలకి ముందు ఆయన చేసిన వినూత్న ప్రచార కార్యక్రమాలు ప్రేక్షకులను థియేటర్లకు వచ్చేలా చేశాయి. సోషల్ మీడియాలో ఆయన చేసిన వీడియోలు వైరల్ అవ్వడం, యువతకు ఈ చిత్రంపై ఆసక్తిని పెంచింది. మొదటి రోజు వచ్చిన రెస్పాన్స్‌ను చూస్తుంటే, ఈ సినిమా లాంగ్ రన్‌లో మరిన్ని రికార్డులను సృష్టించేలా కనిపిస్తోంది. ఫ్యామిలీ ఆడియన్స్ కూడా థియేటర్లకు క్యూ కడుతుండటంతో, వీకెండ్ ముగిసే సమయానికి ఈ వసూళ్లు భారీగా పెరిగే అవకాశం ఉంది. మొత్తం మీద ‘అనగనగా ఒక రాజు’ చిత్రంతో నవీన్ పొలిశెట్టి తన బాక్సాఫీస్ స్టామినాను మరోసారి నిరూపించుకున్నారు.

రాజు గారు అసలైన సంక్రాంతి సంబరాలు తెచ్చేసారు….😎🔥#AnaganagaOkaRaju hits 22 Crores+ Worldwide Gross on Day 1 💥

ఇంటిల్ల పాది నవ్వుల సునామీ…. 🤟🏻#AOR In cinemas now #BlockbusterAOR

Star Entertainer @NaveenPolishety @Meenakshiioffl #Maari @MickeyJMeyer @dopyuvraj @vamsi84… pic.twitter.com/beK8ZyaOTi

— Sithara Entertainments (@SitharaEnts) January 15, 2026