Maa Inti Bangaram: మంచి కోడలు ఎలా ఉండాలో సమంతను చూసి నేర్చుకోండి!.. యాక్షన్ మోడ్ ఆన్..

Maa Inti Bangaram: హీరోయిన్ గా నటిస్తూనే.. నిర్మాతగా మారి శుభం నినిమాను నిర్మించారు సమంత రూత్ ప్రభు. ఆ సినిమా విజయం తర్వాత తనే ప్రధాన పాత్రలో మా ఇంటి బంగారం సినిమాను ప్రారంభించారు. తాజాగా ఈ సినిమా నుంచి టీజర్ ట్రైలర్ ను విడుదల చేశారు. ‘ఓ బేబీ’ ఫేమ్ నందిని రెడ్డి దర్శకత్వం వహిస్తున్న ఈ సినిమాను ట్రాలాలా మూవింగ్ పిక్చర్స్ పతాకంపై సమంత స్వయంగా నిర్మిస్తున్నారు. పెళ్లి తర్వాత సమంత రూత్ ప్రభు నుంచి రాబోతున్న సినిమా కావడంతో ప్రేక్షకులు భారీ అంచనాలు పెట్టకున్నారు. సమంత ప్రధాన పాత్రలో నటిస్తుండగా.. దిగంత్, గుల్షన్ దేవయ్య, గౌతమి, మంజుషా తదితరులు కీలక పాత్రలు పోషిస్తున్నారు. సంతోష్ నారాయణన్ ఈ సినిమాకు సంగీతం అందిస్తున్నారు.

Read also-The RajaSaab Review: రెబల్ సాబ్ ‘ది రాజాసాబ్’తో ఎంతవరకూ మెప్పించారు?.. ఫుల్ రివ్యూ..

సమంత మా ‘ఇంటి బంగారం’ టీజర్ ట్రైలర్ ఎలా ఉందంటే.. ఎట్లాగా ఇక్కడి వరకూ వచ్చినాం కదా అంటూ సమంత చిత్తూరు యాసతో మొదలవుతోంది ఈ టీజర్ ట్రైలర్.  అత్తగారింటికి కొత్త కోడలు వెళ్లినపుడు ఏం జరుగుతుంది అన్నది కథాంశం గా కనిపిస్తుంది. ముందుగా అత్త వారింలో అందరూ కలుపుగోలు గానే కనిపిస్తున్నారన్న కోడలుకు ఎదురైన పరిణామాలు ఏమిటి? వాటిని ఎలా ఎదుర్కొంది. ఈ టీజర్ ట్రైలర్ లో కొంత చెప్పే ప్రయత్నం చేశారు. అయితే ఇందులో సమంతా ఫుల్ యాక్షన్ మోడ్ లో కనిపిస్తుంది. ఎప్పుడూ లేని విధంగా ఫైట్లు ఇరగదీసింది. కొత్త కోడలు అత్త వారింట్లో ఉండటానికి భిన్నంగా వ్యవహరిస్తుంది.  మొత్తంగా టీజర్ ట్రైలర్ మొత్తం సమంత యాక్షన్ పేక్ తో పేక్ చేసింది. ఇది చూసిన సమంత ఫ్యాన్స్ సినిమా విడుదల కోసం ఆసక్తిగా ఎదురు చూస్తున్నారు.

Read also-Jana Nayagan: ‘అఖండ 2’కు ఆర్థిక ఇబ్బందులు.. మరి ‘జన నాయగన్’కు?