Jana Nayagan Trailer: విజయ్ దళపతి జననాయకుడు ట్రైలర్ వచ్చేసింది..

Jana Nayagan Trailer: దళపతి విజయ్ హీరోగా హెచ్. వినోద్ దర్శకత్వంలో రూపొందిన ప్రతిష్టాత్మకమైన సినిమా ‘జన నాయకుడు’. తాజాగా ఈ సినిమా నుంచి ట్రైలర్ విడుదల చేశారు నిర్మాతలు. విజయ్ తన రాజకీయ జీవితంపై పూర్తిస్థాయిలో దృష్టి సారించే ముందు నటిస్తున్న చివరి సినిమా కావడంతో అభిమానులు ఈ సినిమాపై భారీ అంచనాలు పెట్టుకున్నారు. ఈ సినిమాలో దళపతి విజయ్ కు జోడీగా పూజా హెగ్డే నటిస్తోంది. బాలీవుడ్ స్టార్ యాక్టర్ బాబీ డియోల్ ప్రతినాయకుడి పాత్రలో కనిపించనున్నారు. గౌతమ్ వాసుదేవ్ మీనన్, ప్రకాష్ రాజ్ తదితరులు కీలక పాత్రల్లో నటిస్తున్నారు. సెన్షేషనల్ సంగీత దర్శకుడు అనిరుధ్ రవిచందర్ ఈ సినిమాకు సంగీతం అందిస్తున్నారు. పొలిటికల్ యాక్షన్ త్రిల్లర్ ఈ సినిమా ప్రేక్షకుల ముందుకు రాబోతుంది. ఒక సామాన్యుడు ప్రజల కోసం ఎలా పోరాడి ‘జన నాయకుడు’గా ఎదిగాడనేది ఈ సినిమా మూల కథ. సంక్రాంతి కానుకగా ఈ సినిమా జనవరి, 9 2026న ప్రపంచ వ్యాప్తంగా తమిళం, తెలుగు, కన్నడ భాషల్లో విడుదల కానుంది.

Read also-Jetlee Glimpse Out: ‘జెట్లీ’ గ్లింప్స్ వచ్చేశాయ్.. సత్య వేమన పద్యం ఇరగదీశాడుగా..

పొలిటికల్ యాక్షన్ థ్రిల్లర్‌గా..

ఈ సినిమా ఒక పొలిటికల్ యాక్షన్ థ్రిల్లర్ గా రూపొందుతోంది. ప్రజల కోసం పోరాడే ఒక నాయకుడి పాత్రలో దళపతి విజయ్ కనిపిస్తారు. ఈ సినిమాలో ఆయన ‘వెట్రి కొండన్’ అనే పోలీస్ ఆఫీసర్ పాత్రలో కనిపించనున్నారు. విజయ్ తన రాజకీయ పార్టీ ‘తమిళగ వెట్రి కళగం’ (TVK) పనుల్లో బిజీగా ఉండటంతో, ఇదే తన చివరి సినిమా అని ఇప్పటికే ప్రకటించారు. ఇప్పటికే విడుదలైన “తలపతి కచేరి”, “రావణ మావండా” వంటి పాటలు సోషల్ మీడియాలో విపరీతంగా ట్రెండ్ అవుతున్నాయి. దాదాపు 300 కోట్ల రూపాయల భారీ బడ్జెట్‌తో ఈ చిత్రాన్ని నిర్మించారు. దీంతో ప్రేక్షకులు భారీ అంచనాలు పెట్టకున్నారు. ఈ సినిమా విడుదల కోసం ఆసక్తిగా ఎదురు చూస్తున్నారు.

Read also-Mandadi Movie: విడుదలకు సిద్ధమవుతున్న సుహాస్ ‘మండాడి’.. హైలెట్‌గా సెయిల్ బోట్ రేసింగ్..